Diuteronomi 9:2 - Edo Bible (E Baibol Ẹdo) Version 1996

² Emwa ni rrọọ tobọ iran taẹn, iran vbe wegbe, arhuanran ọ re iran khin, wa họn ẹẹn vbe a ka ta ẹe wẹ a i miẹn ọmwa ne ọ sẹtin mu aro da iran.

Diuteronomi 9:2 ပူးပေါင်းရင်းမြစ်များ

Job 11:10

Deghẹ Osanobua muẹn, ọ na wẹ ne a gui ẹzọ ruẹ, de ọmwa ne ọ gha da ẹre obọ yi yi?

Ẹksọdọs 9:11

Avbe ọbo edunna ma ghi sẹtin rre do miẹn e Mosis rhunmwuda, uruvba gba iran egbe hia zẹvbe ne ivbi Igipt nekpa vbe ye.

Daniẹl 11:16

Ivbi e Siria ni mu okuo rre gha ru iran zẹ vbene ọ khọn iran, vbe ne a i na wẹ ẹre vbe ọ ya de. Ọ gha mudia vbe Otọe Eyan nii ehia ghi wa gha rre ọre atataobọ.

Daniẹl 8:4

I keghi bẹghe vbe ogho nii ya igho so emwi rrie odẹ ahọ, odẹ okuọ kevbe orrie. A ma miẹn aranmwẹ ọkpa ne ọ sẹtin rrọ ẹre ra ne ọ lẹ fe vbe obọ ẹtin ẹnrẹn. Vbene ọ khọnrẹn ọ re ọ wa gha ru, ọ na wa gha hio paipai.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Nahum 1:6

Ohu gha mu ẹẹn, de ọmwa ne ọ gha miẹn uhunmwu? De ọmwa ne ọ gha miẹn uhunmwu vbe obọ ohu ẹre nọkhua? Ọ hihiẹ ohu ẹre ne ọ baa vbe erhẹn ladian, avbe okuta nekhua rẹnkhẹn uan iran khian ebubẹ vbe odaro ẹre.

Nọmbas 13:22

Iran keghi ka laghe odẹ ekẹn ẹvbo nii iran ke do sẹ Hibrọn ehe ne ivbi uniẹn iran ye ighẹ avbe Ahiman, Siesia kevbe Talmai ne arhuanran, ẹwae iran na ọ re a tie ẹre Anakin (Ukpo ihinrọn ọre a ka ya bu Hibrọn khẹ Zoan ne ọ rre Igipt.)

Nọmbas 13:28

Sokpan, emwa ni rrọ keghi re emwa ẹtin, a na wa vbe gbe ekẹn ọnrẹn ẹsẹse. Ne ọ ghi wa ya khọ sẹ ehia, ma miẹn avbe ivbi uniẹn arhuanran vbe evba.

Nọmbas 13:33

Ma miẹn avbe arhuanran vbe evba, iran ne ivbi Anak. Ma keghi yevbe atete vbe ehe ne iran ye zẹ vbene ima ro egbe ima yi. Erriọ ọre ima gha vbe khọ vbe aro iran.”

Diuteronomi 1:28

Vbọzẹ ne ima gha na gha rrie evba. Ohan mu mwa. Emwa ne ima gie werriegbe rre do tama ima ighẹ emwa ni rre evba wegbe, iran kọnkọn sẹ ima. Iran wẹ ẹvbo ne a gbe ekẹn ne ọ yo sẹ iso gaa ọ re iran ye. Iran vbe miẹn avbe arhuanran vbe evba.’

Diuteronomi 2:21

Iran keghi wa vbe tan sẹ vbe avbe Anakim. Iran wa gha bun ẹsẹse. Iran keghi vbe gha re emwa ni wegbe sokpan e Nọyaẹnmwa keghi fuẹn iran an, ọ re ivbi Amọri na mu otọe iran, iran na yin ẹnrẹn.

Diuteronomi 7:24

“Ọ gha viọ avbe ọba iran yan ẹtin uwa obọ. Wa gha gbele iran an, iran ghi vbe khian ne a mianmian. Orhiọnkpa ne ọ gha sẹtin gba ye odẹ ya da uwa obọ yi ẹ i rrọọ, te uwa ra fuẹn iran hia a.

Jọsua 11:21

Ẹghẹ na ọ re Jọsua na gha khian ya fuẹn iran ne arhuanran ighẹ Anakim ni rre uhunmwu oke, vbe Hibrọn, Debẹ, Anab kevbe avbe uhunmwu oke Juda kevbe Izrẹl. E Jọsua keghi wa fuẹn iran kevbe ẹvbo iran an fẹẹrẹ.

Jọsua 11:22

A ma zẹdẹ sẹ ọkpa vbe avbe Anakim rae ye otọ Izrẹl. Sokpan a keghi sẹ ibozẹghẹ rae ye Gaza, e Gat kevbe Asdọd.

Jọsua 15:14

E Kelẹb keghi khulo ivbi Anak ighẹ Siẹsiai, Ahima kevbe Talmi hin evba rre.