Diuteronomi 9:19 - Edo Bible (E Baibol Ẹdo) Version 1996

¹⁹ Ohan ohu nọkhua ọghe Nọyaẹnmwa ọ re ọ gha mu mwẹ, rhunmwuda ohu nii sẹrriọ wẹ ọ sẹtin fuẹn uwa ua, sokpan e Nọyaẹnmwa keghi yevbe họn ọghomwẹ uhukpa ba ẹre.

Diuteronomi 9:19 ပူးပေါင်းရင်းမြစ်များ

Diuteronomi 10:10

“I keghi ya avan iyeva kevbe asọn iyeva vbe uhunmwu oke nii, zẹ vbene I ka vbe ru vbe ẹghẹ okaro. E Nọyaẹnmwa keghi ye họn urhu mwẹ ọ na wẹ rẹn i ghi fuẹn uwa a.

Psalm 99:6

Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Ẹksọdọs 33:17

E Nọyaẹnmwa tama e Mosis wẹẹ, “I gha ru vbene u khare na, rhunmwuda ẹko mwẹ rhiẹnrhiẹn ghe ruẹ I keghi vbe rẹn ruẹn ẹsẹsẹmwẹse.”

Ẹksọdọs 32:14

Ẹre Nọyaẹnmwa na fi ekhọe ẹre werriẹ ọ ma ghi gie ẹbe ne ọ te mwamwa khẹ emwa rẹn sunu vbe egbe iran.

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Diuteronomi 9:8

Ke ẹdẹ ne uwa kpao vbe Oke Sainai, te uwa ye ohu mu e Nọyaẹnmwa sẹrriọ wẹ ọ sẹe ne ọ gha na te fuẹn uwa a.

Hibru 12:21

Ọ mu ohan sẹrriọ ne a ghe wẹ, Mosis keghi kha wẹẹ, “I guọe zẹzẹzẹ, ohan keghi mu mwẹ.”

Ẹksọdọs 34:10

E Nọyaẹnmwa keghi kha wẹẹ, “I gu uwa ta ile vbe sirra emwa uwa hia fẹẹrẹ. I gha winna iwinna nekhua egbe ne a ma he ka winna yi vbe agbọn na hia vbe ẹvboikẹvbo. Emwa ni guẹ rrọọ gha vbe miẹn emwi ne imẹ ne Nọyaẹnmwa gha sẹtin ru rhunmwuda emwi nọkhua ọre I ra ru nuẹn.

Diuteronomi 9:20

“E Nọyaẹnmwa kevbe mu ohu Errọn sẹrriọ we ọ gha wa gbe ẹe rua, I keghi vbe na erhunmwu ne Errọn vbe ẹghẹ ọkpa nii.

Diuteronomi 11:17

Wa gha ru vberriọ, e Nọyaẹnmwa gha mu ohu uwa. Ẹ i ghi gie amẹ rhọ ye otọ uwa, otọe uwa ghi do ka gbe, emwiokọ i ghi vbe zọ vbọ. Ẹghẹ nii ẹ i ghi sọn wa wulo vbe otọ esiesi nii ne ọ ra mu ne uwa.

Psalm 78:59

Ohu mu Osanobua vbe ọ miẹn emwi na ọ na rhunmwuda ọnii he emwa rẹn fẹẹrẹ.

Nọmbas 11:2

Emwa nii keghi viẹ bu e Mosis wẹ ne ọ yi iran obọ, rẹn keghi na erhunmwu ghe Nọyaẹnmwa, ọ re erhẹn nii na dọyọ.

Psalm 106:19

Iran na ma ẹmila igoru vbe Sainai iran na gha gho amazẹ ni.