Diuteronomi 9:14 - Edo Bible (E Baibol Ẹdo) Version 1996

¹⁴ Ghẹ ghi da mwẹ obọ yi, I ho ne I fuẹn iran an, ne ọmwa rhọkpa ghẹ ghi ye iran rre ọvbehe. Mẹ ghi do ya uwẹ khian erha okpẹvbo ne ọ kpọlọ kevbe ne ọ wegbe sẹ iran.’

Diuteronomi 9:14 ပူးပေါင်းရင်းမြစ်များ

Ẹzra 9:14

Vbe ima ghi ra vbe dọlegbe fi iyeke gbe uhi ruẹ hẹ ne a vbe ya gha viọ avbe emwa dan na rọnmwẹ. Ma gha ru vberriọ, u gha mu ohu ghe mwa sẹrriọ wẹ te u ra wa fuẹn ima an fẹẹrẹ, vbene ọkpa ighi na vbe ke ẹe.

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Psalm 109:13

Te ivbi uniẹn ọnrẹn hia gha wulo, te eni ẹnrẹn gha gbe ẹro, hin ọghe orre ni dee rre.

Psalm 9:5

U bu abe gbe iran nigẹbọ nẹ, u vbe fuẹn avbe emwa dan an, ai ghi ye iran rre ọvbehe.

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Aizaia 48:19

Ivbi uniẹn uwa gha a bun zẹvbe ikpekhae mẹ gha vbe ru ẹe ne a miẹn wẹ a ma fuẹn iran an ẹdẹdẹmwẹdẹ.”

Jerimaia 14:11

E Nọyaẹnmwa keghi tama mwẹ wẹẹ, “Ghẹ tama mwẹ ne I ye emwa na obọ.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 7:16

E Nọyaẹnmwa keghi kha wẹẹ, “Jerimaia, ghẹ na erhunmwu ne iran na, ghẹ viẹ ra ne u na erhunmwu ne iran, ghẹ rinmwian mwẹ rhunmwuda, mẹ i ra zẹ ye uẹ ẹre.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Diuteronomi 29:20

Nọyaẹnmwa i ra yabọ ọmwa vberriọ. Sokpan, izohu ne ọ tọn ọghe Nọyaẹnmwa gha baa yan rẹn, ọkhọ hia ne a gbẹnnẹ ye ebe na ghi rruan rẹn rhinrin e Nọyaẹnmwa te fuẹn iran hin otọe agbọn na rre.

Diuteronomi 32:26

Te I gha te fuẹn iran an fẹẹrẹ, ne a ghẹ ghi ye iran rre ọvbehe.

Arhie Maan 3:5

Iran ni khọnmiotọ nẹ, erriọ ọre a ra yọ iran ukpọn nọ fua. Mẹ i ra vbe khiẹn eni iran hin ebe emwa ni ma wu rre. Vbe odaro Erha mwẹ kevbe avbe odibo ẹre, I ghi miẹn kue wẹ emwa mwẹ ọre iran khin.