Diuteronomi 9:1 - Edo Bible (E Baibol Ẹdo) Version 1996

¹ “Wa danmwẹ ehọ ivbi Izrẹl, te uwa ghi ra fian Ẹzẹ Jọdan rra na ne uwa ya mu otọ ẹvbo ni kpọlọ sẹ uwa, kevbe ni vbe mwẹ ẹtin sẹ uwa ne uwa yin ẹnrẹn. Ẹvbo iran wa kpolo, ekẹn ne a gbe ga iran wa yo sẹ iso.

Diuteronomi 9:1 ပူးပေါင်းရင်းမြစ်များ

Gẹnẹsis 11:4

Ẹghẹ nii, iran ghi na kha wẹẹ, “Wa gie ima do bọ owa ima, ne ogogoro ne Ọ rrọ wa yo sẹ iso, ma ghi ru ọkhae ne egbe mwa, ne a ghe ya tagha ima lele otọ agbọn hia.”

Ẹksọdọs 32:1

Ugbẹn vbe emwa nii ghi miẹn wẹ e Mosis wa kpẹe vbe uhunmwu oke ighẹ ọ ma tuorre, iran keghi do vba Errọn, iran tama rẹn wẹẹ, “Larre o, do ma Osanobua ne ima ne ọ gha viọ ima khian rhunmwuda ma ma ghi rẹn emwi ne ọ ghi ru oko na ighẹ Mosis ne ọ viọ ima ke Igipt ladian.”

Daniẹl 4:11

Ọ keghi gha wanyọ wanyọ, ọ te do tan sẹ iso a na ghi vbe gha bẹghe ẹre vbe ehe hia vbe otọ agbọn.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Nọmbas 13:22

Iran keghi ka laghe odẹ ekẹn ẹvbo nii iran ke do sẹ Hibrọn ehe ne ivbi uniẹn iran ye ighẹ avbe Ahiman, Siesia kevbe Talmai ne arhuanran, ẹwae iran na ọ re a tie ẹre Anakin (Ukpo ihinrọn ọre a ka ya bu Hibrọn khẹ Zoan ne ọ rre Igipt.)

Nọmbas 33:51

Ne ọ tama avbe ivbi Izrẹl wẹẹ, “Wa gha fian Jọdan rra gha rrie otọe Kenan,

Diuteronomi 1:28

Vbọzẹ ne ima gha na gha rrie evba. Ohan mu mwa. Emwa ne ima gie werriegbe rre do tama ima ighẹ emwa ni rre evba wegbe, iran kọnkọn sẹ ima. Iran wẹ ẹvbo ne a gbe ekẹn ne ọ yo sẹ iso gaa ọ re iran ye. Iran vbe miẹn avbe arhuanran vbe evba.’

Diuteronomi 11:23

Ẹghẹ nii rẹn gha khulo avbe okpẹvbo nii ladian, zẹ vbene uwa ya nana ghe odaro. Wa ghi vbe mu otọ okpẹvbo ni kpọlọ sẹẹ uwa ke ni vbe wegbe sẹ uwa.

Diuteronomi 11:31

Te uwa ghi ra fian Ẹzẹ Jọdan rra na ne uwa yin otọe nii ne Nọyaẹnmwa Osanobua ra mu ne uwa. Wa ghẹ ghi mu ẹẹn nẹ ighẹ te uwa ghi gbẹkun sẹ otọ nẹ vbe evba.

Diuteronomi 27:2

Ẹdẹ ne uwa gha fian Ẹzẹ Jọdan rra ne uwa la otọ nii ne Nọyaẹnmwa Osanobua mu ne uwa, wa ghi viọ okuta nekhua eso mudia, wa ghi ya ekẹn nọkhuẹrhẹ rhu ẹe.

Diuteronomi 3:18

“Ẹghẹ ni ọ re I na vbe rhie igiodẹ na ne iran wẹẹ: ‘E Nọyaẹnmwa Osanobua mwa ọ re ọ mu otọe nii ne uwa vbe ahọ Jọdan ne uwa yin ẹnrẹn. Banbanna nian, wa gbalọ ivbi iyokuo uwa egbe okuo, ne uwa gie iran fian Jọdan rra ke odaro ẹwae ivbi Izrẹl nekpa ne iran ya yi iran obọ ya gbe ẹkun sẹ otọ yin otọe iran.

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

Diuteronomi 4:38

Vbene uwa ya gha khian sikẹ odaro, erriọ ọ re ọ ya gha khulo avbe okpẹvbo ni kọnkọn sẹ uwa kevbe ni vbe wegbe sẹ uwa ladian, ne ọ miẹn ehe na viọ uwa la uwu ẹre, ne ọ vbe mu otọe iran ne uwa, otọ ne uwa ye na do sẹ ẹdẹnẹrẹ na.

Diuteronomi 6:10

“E Nọyaẹnmwa Osanobua mwa tama avbe erha mwa odede ighẹ Ebraham, Aizik kevbe Jekọb wẹ rẹn gha mu otọe ne avbe okpẹvbo ni kọnkọn kevbe ne emwi ẹfe ye ne uwa ma bọ, ne uwa.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 1:11

“Wa lele agọ na khinkhian, ne uwa vbe tama avbe emwa nii wẹẹ, ‘Wa dọlọ emwi uwa yi ye otọ rhunmwuda vbe ọ te sẹ ikpẹdẹ eha, wa gha fian Ẹzẹ Jọdan na rra ne uwa ya mu otọe ni ne Nọyaẹnmwa Osanobua rua ra mu ne uwa.’ ”

Jọsua 1:15

Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 14:12

Rhunmwuda ọnii nian, mu ẹvbo uhunmwu oke ne e Nọyaẹnmwa ta ẹmwẹ ọnrẹn ma mwẹ vbe ẹdẹ ne ima vbe emwa mwẹ do na iyẹn mẹ. Ma tama uwa ẹghẹ nii wẹẹ avbe Anakim ne arhuanran rre evba vbe uwu ẹvbo nọkhua ne a gbe ekẹn gaa. Ọ gha ke ẹe, e Nọyaẹnmwa gha rrọọ ya ba mwẹ, I ghi khulo iran ladian zẹ vbene, e Nọyaẹnmwa khare.’ ”

Jọsua 3:14

Ẹghẹ emwiorhọ ọ re ghaa nọ, ẹzẹ ke wa ro, emwa nii keghi si kpao vbe agọ ne iran ya fian Jọdan rra. Avbe ohẹn keghi mu Ẹkpẹti Ile, iran na ke odaro. Iran ghi sẹ ọkpẹn Jọdan iran na viọ owẹ ye uwu ẹzẹ.

Jọsua 3:16

Amẹ keghi dobọ ulẹmwẹ yi, ọ na hin utete gha rrie odẹ uhunmwu ẹzẹ gban an vbe Adam ne ẹvbo ne ọ rre ọkpẹn Zarẹtan, ulẹmwẹ ẹzẹ ghe ototọ ne ọ rrie Okun Nọwu ke wa gha re ne a yan fua, emwa keghi fian ẹn rra vbe ọkpẹn Jẹriko.

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.

Jọsua 4:19

Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.

Jọsua 4:5

Ọ keghi tama iran wẹẹ, “Wa la uwu Jọdan, ke odaro ne Ẹkpẹti Ile ọghe Nọyaẹnmwa Osanobua rua, ọkpọkpa vbe uwu uwa ghi mu okuta yan izabọ ọkpọkpa ọghe ẹwae iweva ni rre Izrẹl.