Diuteronomi 8:8 - Edo Bible (E Baibol Ẹdo) Version 1996

⁸ Otọe ne ọka ẹsin kevbe ọka irhuarhua na maa ẹsẹse, alimo, erhan ohọ, kevbe ọmọ erhan ne ẹ i kpọ, ọliv kevbe owọn.

Diuteronomi 8:8 ပူးပေါင်းရင်းမြစ်များ

Gẹnẹsis 49:11

Ọ ghi de ovbi ekẹtẹkẹtẹ mu ovbi alimo. Ye erhan alimo ne ọ maa sẹẹ vbọ. Ọ ghi ye ayọn họ ukpọn rẹn vbe uwu ayọn ne ọ baa vbe esagiẹn.

II Samuẹl 4:6

Ovbe kegha gbe okhuo ne ọ rre onurho vbe ehe ne ọ na khan ọka, ọ keghi vbiẹ ua, rhunmwuda ọnii, e Rekab kevbe Baana keghi ba la owa.

I Ọba 5:11

E Solomọn keghi viọ igarawa ẹlubọ arriaisẹn iyisẹn (100,000) kevbe e galọn ofigbọn oliv ne a ma gua arriaisẹn igbe yan iyisẹn (110,000) gie Hiram ukpukpo ne ọ ya gha koko emwa rẹn.

II Ọba 18:32

ọ te do sẹ ẹghẹ ne Ọgbaisi gha na viọ uwa ne uwa ya yin ẹvbo ọvbehe ne ọ vbe yevbe ọghe uwa, ehe ne uwa gha na miẹn gha re wa ghi vbe miẹn gha da, otọe emwiokọ esiesi kevbe ọghe owọn ọre otọe nii khin. Deghẹ wa ru vbene ọ khare, wa ira wulo, wa gha miẹn uhunmwu. Wa ghẹ gie Hẹzekaia do uwa ọzuọ ne ọ tama uwa wẹ e Nọyaẹnmwa gha miẹn uwa fan.

Psalm 147:14

Ọ ruẹe ne ẹbe fo la ehe ne otọe uwa lae, ọ keghi vbe ye ọka ne ọ maa sẹẹ vuọn uwa ẹko.

Psalm 81:16

Sokpan, I gha ya ọka ne ọ mose sẹẹ koko uwa I gha ya owọn oha sẹ uwa ọkẹn.”

Aizaia 7:23

“Ọ gha sẹ ẹghẹ nii, avbe ogba azara ne mose mose, ne erhan azara arriaisẹn ye, ne ọ vbe sẹ igho esiliva arriaisẹn, igban ọkhuẹnkhuẹn kevbe ọkọsọ ghi sọn rhu ẹe.

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Jerimaia 5:17

Iran gha rri emwiokọ kevbe evbare uwa fo. Iran gha gbele ivbi uwa nikpia kevbe nikhuo, iran gha gbele avbe ohuan kevbe ẹwe uwa, iran gha dunmwu ogba azara kevbe erhan ohọ uwa hia a. Ẹvbo ne a gbe odin ga ne uwa mu ẹtin yan, ivbiyokuo iran gha guọghọ ẹe rua.

Ezikiẹl 27:17

E Juda kevbe Izrẹl ya ọka, owọn, ofigbọn oliv kevbe oziza ha osa ye emwi ne iran gu uẹ dẹlẹ.

Hozia 2:8

Rẹn I ra miẹnkue ighe mẹ ọ re ọ rhie ọka kevbe ayọn kevbe ofigbọn oliv ne ẹẹn, deba esiliva kevbe igoru hia ne ọ ya gho e Baal.

Maika 4:4

Edọmwadẹ ọghọe gha rrọọ vbe ọfumwegbe vbe ugbo azara kevbe oliv ẹre, ọmwarhọkpa i ghi vbe runran ẹẹn. E Nọyaẹnmwa ne Oghodua ru eyan na nẹ.

Habakọk 3:17

A gha rhe miẹn ighẹ avbe erhan ohọ i mwẹ ọmọ, kevbe wẹ alimo ayọn i rre uhunmwu erhan azara, a gha rhe miẹn wẹ oliv ma maa, I ghẹ ugbo ma maa ọka, a gha rhe miẹn wẹ avbe ohuan hia wulo, i ghẹ ẹmila rhọkpa i rre irhu.

Nọmbas 13:23

Iran keghi do sẹ Iya Ẹskọl, evba ọre iran na fian abọ ne ititi ọmọ erhan ayọn nọbaa ye, ne ọ khua sẹrriọ wẹ ikpia eva ọre a gbae ye erhan mu ẹẹn na, iran vbe viọ ighee eso kevbe ohọ rre ba ẹre.

Iyẹn ne ọ Maan Ọghe Jọn 6:13

Iran keghi si ehia koko ya vuọn okhuae iweva ighe iku eka ọka ne iran re de kẹe.

Iyẹn ne ọ Maan Ọghe Jọn 6:9

“Ọvbokhan ọkpa rre emwa na ne ọ mwẹ eka ọka isẹn kevbe ehẹn eva, sokpan vbe ọnii ara sẹ vbe ẹbu ọrhẹnrhẹn na?”

Diuteronomi 32:13

Ọ gie iran gha kha yan otọe ni yo, iran kegha rri emwi ni zọrre vbe oha iran miẹn owọn oha vbe uwu okuta erhan ohọ iran kegha maa vbe otọe okuta.

Diuteronomi 32:14

Ẹmila kevbe ohuan iran kegha la ewẹn ẹsẹse, iran kegha mwẹ ohuan ni maa sẹẹ, ẹwe kevbe ẹmila ọka ne ọ maa sẹẹ kevbe ayọn ne ọ rhiẹnrhiẹn sẹẹ.

Diuteronomi 6:3

Wa rhie ehọ yọ wa ne ivbi Izrẹl, ne uwa vbe gha ya iran ruemwi! Ẹghẹ nii, agbọn gha ma uwa, wa ghi do khian okpẹvbo nọkhua, wa ghi vbe gha yin otọe esiesi ne ọ ma emwi okọ, zẹ vbene Nọyaẹnmwa ne Osanobua avbe erha mwa odede yan rẹn.

Diuteronomi 8:7

Otọe esiesi ẹre Nọyaẹnmwa viọ uwa rrie, otọe ne avbe ẹzẹ nekhua kevbe ne giẹrẹ ye, ke ẹzẹ ni le la uwu otọ ni vbe ya gha vẹ ladian vbe iya kevbe oke.

Diuteronomi 8:9

Ohanmwẹ i ra gbe uwa vbe evba, wa i ra vbe vbabọ emwikemwi. Ematọn rre uwu okuta ni rrọọ, wa gha vbe miẹn oze gha zẹ vbe oke ni rrọọ.