Diuteronomi 8:17 - Edo Bible (E Baibol Ẹdo) Version 1996

¹⁷ Rhunmwuda ọnii, wa ghẹ ro ighẹ ẹtin kevbe iwegbe obọ uwa ọ re uwa ya họn ẹfe ne egbe rua.

Diuteronomi 8:17 ပူးပေါင်းရင်းမြစ်များ

Job 31:25

ra ne I ya ẹfe mwẹ gha hio.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Asan-Ibo 3:6

ọ rhie ẹghẹ yọ ne a ya mu fua, ọ rhie ẹghẹ yọ ne a ya miẹn rhie, ọ rhie ẹghẹ yọ ne a ya si koko, ọ rhie ẹghẹ yọ ne a ya zagha kua,

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Jerimaia 9:22

Ikun orinmwi wa tagha lele ehe hia zẹ vbe emwi ne ọ ya otọ khian nọmaa emwiokọ nibun, zẹ vbe ọka ne iran ni rhọ emwiokọ giagia nẹ, iran na sẹ ọe rae, avbe ọka ne ọmwa rhọkpa ma viọ. Ẹmwẹ ne Nọyaẹnmwa wẹ ne I ta ọ re ọnii khin.”

Ezikiẹl 28:5

U ru emwamwa ẹwaẹn ọghe ẹki, u na gha rriere nibun. A miẹn vbene u ya ẹfe ruẹ rhuọ hẹ!

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Hozia 12:8

‘Ma fe nẹ. Ma rri okpe ere, ọmwa ne ọ gha sẹtin gunmwa gui ẹe i rrọ wẹ odẹ omuru ọ re ima ya họn ẹfe.’

Habakọk 1:16

Uhin ighe te iran wa gho ọga iran, iran ghi vbe gha zọ ese ne iran, rhunmwuda, ọga iran ọ re ọ rhie emwi ne ọ ghi maa sẹ ne iran vbe emwi hia.

I Kọrinti 4:7

Gha ọ tama ruẹn yi ighẹ u maa sẹ emwa ọvbehe? Ẹre Osanobua ọre ọ viọ emwi ne u mwẹ hia nuẹn? A deghẹ erriọ nọ, de ne a ghi ghagha baa vbọ, vbene a miẹn wẹẹ ẹ i re te a ya ẹe ru ọmwa ẹse.

Diuteronomi 7:17

“Wa ghẹ gha tama egbe uwa wẹ emwa na bun sẹ uwa rhunmwuda onii wa i sẹtin khulo iran ladian.

Diuteronomi 9:4

“E Nọyaẹnmwa Osanobua uwa ghẹ ghi khulo iran ladian nẹ, wa ghẹ gha tama egbe uwa wẹ te Nọyaẹnmwa viọ uwa gha die otọe na ne uwa do yan rẹn rhunmwuda ighẹ te ọ khẹke uwa. Hiehiere, te Nọyaẹnmwa ra khulo iran ladian ne uwa, rhunmwuda ighẹ emwa dan iran khin.

Giọgis 7:2

E Nọyaẹnmwa keghi tama e Gidiọn wẹẹ, “Emwa ne u hẹ mwẹ bun gbe ne I gha gie ẹe khọnmiotọ vbe uhunmwu emwa Midian. Iran sẹtin gha ro ighẹ iran ọ tobọ iran khọnmiotọ, iran i vbe tian mwẹ.

I Samuẹl 2:7

Ọ gha si eso kẹ otọ, ọ ghi tọn eso mu.

I Samuẹl 30:23

Sokpan, e Devid keghi wanniẹn wẹẹ, “Etẹn mwẹ, wa ru emwi ne Nọyaẹnmwa hẹ ni ma vberriọ! Rẹn ọ re ọ degue ima, ọ na gie ima khọnmiotọ vbe uhunmwu avbe iran ni khọn okuo viọ ọmwa emwi nii.