Diuteronomi 8:14 - Edo Bible (E Baibol Ẹdo) Version 1996

¹⁴ Wa ghẹ gie a miẹn wẹ te uwa ghi tọn egbe mu ne uwa ya mianmian e Nọyaẹnmwa Osanobua rua ne ọ viọ uwa ke Igipt ladian rre vbe ehe ne uwa na te re eviẹn.

Diuteronomi 8:14 ပူးပေါင်းရင်းမြစ်များ

II Ọba 14:10

U ghe Amazaia, u khọn Idọm miẹn ẹre otọ nẹ, te u ghi gha gha na. Gbe ọghọ otiti ruẹ yegbe, ne u di owa ya, vbe u a ghi na ye obọ si emwi ne ọ gha miẹn uwẹ vbe emwa ruẹn uhunmwu hẹ?”

II Ọba 17:38

Wa ghẹ vbe mianmian ile ne I gu uwa ta.

II Krọnikol 26:16

Sokpan, ugbẹn vbe Uzaia ne ọba ghi re ọmwa ne ọ wegbe nẹ, ọ keghi do gha hio, ọnii ọ re ọ si udemwẹ ọnrẹn. Ọ keghi yagha e Nọyaẹnmwa ne Osanobua ẹre vbene ọ na gha rrie Ọgua Osa ya gha giẹn eturari vbe Ogiukpo eturari.

II Krọnikol 32:25

Sokpan, e Hẹzekaia keghi hio sẹrriọ wẹ ọ ma sẹtin kpọnmwẹ ye ẹse ne Nọyaẹnmwa ru ne ẹẹn, e Juda kevbe Jerusalẹm keghi rrioya ye emwi na ẹsẹse.

Psalm 106:21

Iran mianmian Osanobua ne ọ miẹn iran fan vbekpa iwinna nekhua ne ọ winna ẹn vbe Igipt.

Psalm 78:7

Vbe odẹ vbenian, iran gha mu ẹtin yan e Nọyaẹnmwa iran, i ra vbe mianmian iwinna ne ọ winnaẹn, iran ghi gha ya uhi ẹre, ru emwi vbe ẹghẹ hia.

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Jerimaia 2:31

Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Jerimaia 23:27

“Iran ro wẹ imina ne iran ta gha ya mwẹ mianmian zẹ vbene avbe erha iran mianmian mwẹ, iran na lele Baal.

Daniẹl 11:12

Rẹn gha ye akhọnmiotọ ẹre kevbe ubunmwẹ avbe ivbiyokuo ne ọ gbele rhuọ. Sokpan, ẹ i ra wa gha khọnmiotọ khian rhinrin.

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Nọmbas 15:39

Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Diuteronomi 13:6

“Uhin a sẹtin miẹn ọtuẹn ne okpia ra ovbi uẹ ne okpia ra ne okhuo ra amwẹ ọn ne u ho ẹmwẹ ọnrẹn ra ọtuẹn ne ọ sikẹ ruẹ sẹ sẹtin do gha kọe ye uwẹ ekhọe ne u ya gha gho ẹbọ ọvbehe, avbe ẹbọ ne uwẹ vbe avbe erha ẹe odede ma gho ẹdẹ.

Diuteronomi 17:20

Ọ na gha bu ẹre ude ne ọ ghẹ ya gha ro ighẹ rẹn ma an sẹ ivbi Izrẹl ne ihua ẹre kevbe ne ọ ghẹ ya rra uhi e Nọyaẹnmwa vbe odẹikodẹ. Ẹghẹ ni ọ re irẹn vbe ivbi ẹre gha na rriọba yan ivbi Izrẹl la orre ni bun.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 5:6

‘Mẹ ọrọre Nọyaẹnmwa Osanobua ruẹ, ne ọ fan uwa vbe irri lahin otọ Igipt ne uwa na te re eviẹn rre.

Diuteronomi 6:11

Avbe owa ni rrọọ ghi vuọn ne emwi esiesi ne uwa ma viọ yọ, avbe uhae ne uwa na fian, deba ugbo azara kevbe ọghe ọliv ne uwa ma kọ. E Nọyaẹnmwa ghẹ ghi viọ uwa sẹ otọ na nẹ ighẹ te uwa ghi miẹn emwi ne uwa a rhirhi gha ho gha re.

Diuteronomi 8:11

“Wa gie a miẹn wẹ wa ma mianmian e Nọyaẹnmwa Osanobua rua, wa ghẹ mwẹ wa ma gha ya uhi ẹre ne I ma uwa ẹre ẹrẹna ru emwi.

Diuteronomi 8:13

Ẹmila uwa kevbe ohuan uwa, esiliva kevbe igoru uwa gha ghi muan nẹ ẹsẹsẹmwẹse.

Giọgis 3:7

Ivbi Izrẹl keghi mianmian e Nọyaẹnmwa ne Osanobua iran, iran na ru orukhọ ghe ẹre, iran kevbe gha gho avbe Bal kevbe Asiẹrra.