Diuteronomi 8:10 - Edo Bible (E Baibol Ẹdo) Version 1996

¹⁰ A gha miẹn egbe evbare ne uwa a rhirhi gha ho ne uwa re, wa ghi kpọnmwẹ Nọyaẹnmwa Osanobua rua ye otọe esiesi ne ọ mu ne uwa.

Diuteronomi 8:10 ပူးပေါင်းရင်းမြစ်များ

I Krọnikol 29:14

“Sokpan, levba sevba, mẹ kevbe emwa mwẹ i sẹtin gele rhie emwi kemwi nuẹn, rhunmwuda, emwi hia, wẹ ọ re ọ ya ẹe ru ọmwa ẹse, ọnii nọ wẹ emwi ne ọ re ọwuẹ nẹ ọre ima vbe dọlegbe viọ ne uẹn.

Psalm 103:2

Rho e Nọyaẹnmwa wẹ ekhọe mwẹ, ghẹ vbe mianmian vbene ọ mwẹ itohan hẹ.

Itan 3:9

Ya ọghọ ne Nọyaẹnmwa vbekpa ne u gha na ya avbe emwi ne ọ maa sẹ vbe ugbo ruẹ zẹ ọhẹ gie ẹe.

Aizaia 5:1

Danmwehọ ihuan ne I ra so ma ruẹn, ihuan ọghe ọse mwẹ kevbe ogba azara ẹre: Ọse mwẹ kegha mwẹ ogba azara vbe oke ne ọ maa emwiokọ ẹsẹse.

Joẹl 2:26

Eban nian, wa gha miẹn re ne ẹko vbe vuọn uwa. Wa gha rho e Nọyaẹnmwa Osanobua uwa, ne ọ ru emwi ọyunnuan, ne uwa. A i ghi dọlegbe zan emwa mwẹ ọvbehe.

Matiu 14:19

Ọ keghi tama emwa hia ne iran tota ye otọ vbe uhunmwu irunmwu, ọ keghi viọ eka isẹn kevbe ehẹn eva nii, ọ keghi tọn aro mu ghe odukhunmwu, ọ kpọnmwẹ Osanobua ọ keghi giagia eka ni viọ ne avbe erhuanegbe ẹre, avbe erhuanegbe keghi vbe viọ ne avbe emwa nii.

Iyẹn ne ọ Maan Ọghe Jọn 6:23

Okọ ọvbehe eso vbe ke Taiberias gha die ọkpẹn ẹzẹ vbe ehe ne iran na rri eka vbe Nọyaẹnmwa kpọnmwẹ nẹ.

Ebe ne Pọl gbẹẹn gie emwa Rom 14:6

Ọmwa ne ọ ka ẹdẹ ọkpa ye kpataki, te ọ ruẹe ne uyi Osanobua. Ọmwa ne ọ rri evbare hia, uyi Osanobua ọre ọ vbe ruẹe na rhunmwuda, te ọ kpọnmwẹ Osanobua ye evbare nii. Ọmwa ne ọ vbe wẹẹ rẹn i rri evbare eso, uyi Nọyaẹnmwa ọre ọ ruẹe na, ọ ghi vbe kpọnmwẹ Osanobua.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

Diuteronomi 31:20

I gha viọ iran gha rrie otọe esiesi ne ọ maa emwiokọ na, zẹ vbene I tama avbe erha iran odede. Evba nii i. iran gha miẹn dọmwadẹ evbare ne iran ho, iran gha vbe gha rrọ vbe uwu ẹkovọnmwẹ, sokpan iran gha fi iyeke gbe, iran ghi ya gha gho ẹbọ ọvbehe. Iran gha he mwẹ ye otọ, iran ghi vbe rra ile mwẹ.

Diuteronomi 8:9

Ohanmwẹ i ra gbe uwa vbe evba, wa i ra vbe vbabọ emwikemwi. Ematọn rre uwu okuta ni rrọọ, wa gha vbe miẹn oze gha zẹ vbe oke ni rrọọ.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.