Diuteronomi 7:3 - Edo Bible (E Baibol Ẹdo) Version 1996

³ Wa ghẹ rhie ivbi iran rọnmwẹ ra ne ivbi uwa vbe rọnmwẹ iran.

Diuteronomi 7:3 ပူးပေါင်းရင်းမြစ်များ

Gẹnẹsis 24:3

I ho ne u vẹn ihẹn ya yan ma mwẹ vbe odaro Nọyaẹnmwa ne ọre Osanobua ọghe ẹrinmwi kevbe agbọn wẹẹ, u i ra rhie okhuo ne ovbi mwẹ vbe Kenan ẹvbo ne I ye na.

I Ọba 11:2

Ọ keghi viọ ehia rọnmwẹ, vberriọ, e Nọyaẹnmwa ta ẹe wẹ ne ivbi Izrẹl ghẹ rhie okhuo vbe ivbi iran na, rhunmwuda, iran gha ru ẹe ne ivbi Izrẹl do gha ga ẹbọ ọvbehe.

I Ọba 16:31

Egbe orukhọ ne Jeroboam ru ma ghi sẹ ne irẹn, ọ keghi vbe ru yan vbe ne ọ na ya rhie Jezibẹl ovbi Ethal ne ọba Saidọn, ọ na vbe gha gho e Bal.

Ẹzra 10:3

“Banbanna nian, te ima gha do yan ma Osanobua mwa wẹ ma gha wẹ ne avbe ikhuo orhunmwuyẹn na, kevbe ivbi iran gha rrie. Ma gha ru vbene uwẹ kevbe avbe emwa ni ya uhi Osanobua ru emwi wẹ ne ima ru. Ma gha ru vbene uhi Osanobua khare.”

Ẹzra 9:12

Iran tama mwa wẹ ne a ghẹ rhie iran rọnmwẹ ra ne a yi iran obọ vbe emwi aruọma, a deghẹ ma ho ne a yin otọ nii ne a vbe mu ne emọ ẹdẹdẹmwẹdẹ.

Nehimaia 10:30

Ma i ra rhie okhuo vbe uwu avbe orhunmwuyẹn ni rre ehe ne ima ye.

Giọgis 14:3

Sokpan, erha ẹe vbe iye ẹe keghi tama rẹn wẹẹ, “Vbe u a ghi ra ya rhie okhuo hẹ yi vbe ivbi e Filistia ni ga ẹbọ? We ma ghi miẹn ọmọ okhuo rhọkpa vbe avbe ivbi etuẹn ra vbe uwu avbe ivbi emwa ruẹn?” Sokpan Samsin tama erha ẹe wẹẹ, “Rẹn ọre I we ne u rhie mẹ, ẹmwẹ ọnrẹn yẹ mwẹ.”