Diuteronomi 7:25 - Edo Bible (E Baibol Ẹdo) Version 1996

²⁵ Giẹn avbe amazẹ iran an. Ghẹ gie esiliva ra igoru ni rre iran egbe viẹn ye uwa aro, wa ghẹ vbe viọ iran ya khiẹn ọwua. Wa gha ru vberriọ, uwu ọ re ọ ke ẹre ikian rhunmwuda ẹbọ na gho wa sọnnọ e Nọyaẹnmwa.

Diuteronomi 7:25 ပူးပေါင်းရင်းမြစ်များ

II Ọba 23:14

E Josaia ne ọba keghi rẹnkhẹn orre okuta ne ọ rrọ, ọ na giagia amazẹ Asiẹrra ne ẹbọ ne okhuo, ọ na he ugboloko ọmwa vuọn ehe ne a te mu iran yi.

I Krọnikol 14:12

Avbe ivbi e Filistin ghi lẹ, iran na sẹ avbe amazẹ iran rae. Ẹre Devid na wẹ ne a giẹn iran uan.

Ẹksọdọs 20:17

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

Ẹksọdọs 32:20

Ọ keghi mu ẹkhuia ẹmila ne iran ru nii ọ na giẹn ọnrẹn uan, ọ na dunmwu ẹn rẹnkhẹn, ọ na khakha ebubẹ ọre lele amẹ, ọ na wẹ ne ivbi Izrẹl wọn ẹn.

Ẹksọdọs 8:26

E Mosis keghi wanniẹn wẹẹ, “Ẹ i re emwi ne ọ gbae ne ima ru vberriọ, rhunmwuda avbe aranmwẹ ne ima ya zọ ese ghe Nọyaẹnmwa Osanobua mwa gha sọnnọ ivbi Igipt, ma gha ye aranmwẹ ne ivbi Igipt wua zọ ese vbe ehe ne iran gha na bẹghe mwa, iran gha filo okuta gbele ima an.

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Aizaia 41:24

Ke uwa kevbe emwi ne uwa ru hia, kẹkan ehia khin. Emwa izohu ọ re iran ni gho uwa khin!

Levitikọs 13:52

Ohẹn ghi giẹn ọnrẹn uan, rhunmwuda, irhunrhun ne ọ vẹ nọ, erhẹn ọ re ọ kere ne a ya fuẹn ọnrẹn ọnrẹn uan.

Levitikọs 19:4

“Wa ghẹ sẹ mwẹ rae ya gha gho amazẹ, wa ghẹ vbe ye oze ma ẹbọ ne uwa gha gho. Mẹ ọre Nọyaẹnmwa Osanobua uwa.

Zẹfanaia 1:3

Emwa ne agbọn hia kevbe avbe aranmwẹ oha, avbe ahianmwẹ kevbe avbe ehẹn. I gha ru ẹe ne avbe emwa dan de guọghọ ua. I gha fuẹn emwa ne agbọn uan, ọkpa ne ọ ra kẹe i rrọ. Mẹ ne Nọyaẹnmwa ọ re ọ ta ẹe.

Diuteronomi 12:3

Wa guọghọ aka iran sẹ otọ, ne uwa dunmwu orre okuta iruẹbọ iran rẹnkhẹnrẹnkhẹn. Wa ya erhẹn giẹn erhan iruẹbọ iran an, ne uwa wiẹn avbe amazẹ iran ye otọ sẹrriọ wẹ a i ghi dọlegbe gho iran vbe evba ẹdẹ.

Diuteronomi 13:16

Wa ghi viọ emwi ne emwa ẹvbo nii mwẹ hia ladian, a ghi do si ẹe yan egbe vbe ughe ẹvbo nii, wa ghi giẹn ẹvbo ni ke emwi hia ni rrọọ zẹ vbe emwi izọese gie Nọyaẹnmwa Osanobua rua. A ghi wa gie ẹe gha re itowa ẹdẹdẹmwẹdẹ, a ghẹ dọlegbe bọe.

Diuteronomi 17:1

“Ghẹ ya ẹmila ra ohuan ne ọ mwẹ okan zọ ese ghe Nọyaẹnmwa Osanobua ruẹ, emwi ne ọ sọnnọ e Nọyaẹnmwa ọna khin.

Diuteronomi 23:18

A ghẹ vbe rhie igho ne a la odẹ vberriọ khuan la ọgua osa e Nọyaẹnmwa Osanobua uwa wẹ te do ya ha osa emwi ne a ve, te avbe ebabotu ye owa ugamwẹ sọnnọ e Nọyaẹnmwa.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Diuteronomi 7:5

Vbene uwa gha ru iran na hẹ ọ re ọ na khin. Wa siẹn aka iran hia sẹ otọ, wa bunnọ orre okuta iruẹbọ iran ukhiọnmwẹ. wa giagia erhan iruẹbọ ne iran baba lele otọ kua, ne uwa vbe giẹn amazẹ iran an ighẹ Asiẹrra.

Jọsua 7:1

Izrẹl keghi rra uhi e Nọyaẹnmwa ne ọ khare wẹ ne a ghẹ rhie emwi rhọkpa ne a wẹ ne a fuẹn uan vbe Jẹriko. Ekani ọrọre ọmwa ne ọ viọ emwi eso. Rẹn kegha re ovbi Kami ne ovbi Zabdi ne ovbi Zẹra vbe ẹwae ọghe Juda. Ohu ivbi Izrẹl keghi kakabọ mu e Nọyaẹnmwa.

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”

Arhie Maan 17:5

Iran keghi gbẹn eni ne ọ mwẹ emwi oro ne a yae kha ye ọre uharo wẹ, “Babilọn Nọkhua, iye ebabotu hia kevbe avbe emwi ni kẹkua hia vbe agbọn.”