Diuteronomi 7:24 - Edo Bible (E Baibol Ẹdo) Version 1996

²⁴ “Ọ gha viọ avbe ọba iran yan ẹtin uwa obọ. Wa gha gbele iran an, iran ghi vbe khian ne a mianmian. Orhiọnkpa ne ọ gha sẹtin gba ye odẹ ya da uwa obọ yi ẹ i rrọọ, te uwa ra fuẹn iran hia a.

Diuteronomi 7:24 ပူးပေါင်းရင်းမြစ်များ

Psalm 9:5

U bu abe gbe iran nigẹbọ nẹ, u vbe fuẹn avbe emwa dan an, ai ghi ye iran rre ọvbehe.

Ẹksọdọs 17:14

Ẹre Nọyaẹnmwa na tama e Mosis wẹẹ, “Gbẹn emwi na ye ebe ne a miẹn ehe na gha ye ẹre rre. Tama Jọsua wẹẹ I gha wa fuẹn Amalẹk fo fẹẹrẹ.”

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Jerimaia 10:11

(Ọ kere ne uwa tama iran wẹ avbe ẹbọ ni i re ni yii otọ vbe ukhunmwu, a gha guọghọ iran an. Iran i ghi khian gha rrọ vbe ehe rhọkpa vbe agbọn na.)

Zẹfanaia 1:4

“I gha rri emwa ni rre Jerusalẹm oya deba ivbi e Juda hia, I gha fuẹn ọnrẹn uan ighe iyama ọghe Baal ne iran gho vbe evba, a i ghi vbe miẹn ọmwa ne ọ gha ye avbe ohẹn ẹbọ ni gho ẹre rre ọvbehe.

Ebe ne Pọl gbẹẹn gie emwa Rom 8:37

Awua, vbe uwu avbe emwi na hia, ma khọn miotọ nẹ fẹẹrẹ vbe ẹtin irẹn ni ne ọ ho ẹmwẹ mwa.

I Kọrinti 15:57

Sokpan, a kpọnmwẹ Osanobua nọ la ekpa Jesu Kristi rhie akhọnmiotọ ne ima.

Diuteronomi 11:25

Ọmwa ọkpa ne ọ gha sẹtin gbe uwa odẹ, ẹ i rrọ. Ehe ne uwa arhirhi lao vbe otọe nii, e Nọyaẹnmwa gha ya emwa nii gha mu ohan uwa zẹ vbene irẹn khare.

Diuteronomi 25:19

Rhunmwuda ọnii, ugbẹn vbe Nọyaẹnmwa Osanobua rua a ghi mu otọe nii ne uwa ọ na degue uwa hin obọ ẹbe ọghe eghian uwa hia ni yin lẹga uwa nẹ, wa ghẹ mwẹ wa ma gbele ivbi Amalẹk hia vbe ne a gha na miẹn wẹ a i ghi miẹn ọmwa ne ọ gha ye iran rre ẹdẹdẹmwẹdẹ. Wa ghẹ mianmian!”

Diuteronomi 29:20

Nọyaẹnmwa i ra yabọ ọmwa vberriọ. Sokpan, izohu ne ọ tọn ọghe Nọyaẹnmwa gha baa yan rẹn, ọkhọ hia ne a gbẹnnẹ ye ebe na ghi rruan rẹn rhinrin e Nọyaẹnmwa te fuẹn iran hin otọe agbọn na rre.

Diuteronomi 9:14

Ghẹ ghi da mwẹ obọ yi, I ho ne I fuẹn iran an, ne ọmwa rhọkpa ghẹ ghi ye iran rre ọvbehe. Mẹ ghi do ya uwẹ khian erha okpẹvbo ne ọ kpọlọ kevbe ne ọ wegbe sẹ iran.’

Diuteronomi 9:3

Banbanna nian, wa tobọ uwa gha miẹn ọẹn wẹ te Nọyaẹnmwa khian ke odaro ne uwa zẹ vbe erhẹn ne ọ to. Ọ gha khọn miẹn iran otọ zẹ vbene uwa ya nana ghe odaro, vbene uwa gha na sẹtin khulo iran ladian ne uwa vbe zẹgiẹgiẹ fuẹn iran uan, zẹ vbene irẹn yanrẹn.

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 10:23

Iran keghi ru vberriọ, iran keghi viọ avbe ọba Jerusalẹm, Hibrọn, Jamut, Lakis kevbe Aglọn ladian.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 10:42

Uhukpa ne Jọsua mu okuo gie avbe ọba na, ọ keghi wa khọn iran khọn ẹvbo iran mu tan, rhunmwuda e Nọyaẹnmwa ne ọ re Osanobua ọghe Izrẹl ọ re ọ ghaa gbinna ne Izrẹl.

Jọsua 10:8

E Nọyaẹnmwa ke tama e Jọsua wẹẹ, “Ghẹ gie ohan iran muẹn. I rhie akhọnmiotọ nuẹn nẹ. Ọkpa vbe uwu iran ne ọ gha sẹtin gbe uwa odẹ, ẹ i rrọọ.”

Jọsua 11:17

Ke Oke Halek kpao vbe ọkpẹn Idọm ya sẹ Balgad vbe iya ọghe Lebanọn vbe odẹ ekẹn ọghe Oke Hẹmọn, ọ keghi gbele avbe ọba ni rrọọ hia a. Vbe ọ ghi gu iran khọn la ẹghẹ ne ọ taẹn vbe otọ nẹ.

Jọsua 12:24

Kevbe Taiza: ehia kegha re ọba ọkpa yan ọgban.

Jọsua 21:44

E Nọyaẹnmwa keghi rhie ọfumwegbe ne iran vbe igie enenẹ zẹ vbe ne ọ yan ma avbe erha iran odede. A ma miẹn ọkpa vbe uwu avbe eghian iran hia ne ọ sẹtin da iran obọ yi, rhunmwuda, e Nọyaẹnmwa keghi gie ivbi Izrẹl khọnmiotọ vbe uhunmwu avbe eghian iran hia.

Jọsua 23:3

Aro uwa sẹ emwi ne e Nọyaẹnmwa Osanobua rua ru avbe agbọn ẹvbo na hia re rhunmwuda uwa. Te e Nọyaẹnmwa Osanobua uwa gha gbinna ne uwa.

Jọsua 23:9

E Nọyaẹnmwa khulo avbe agbọn ẹvbo nekhua kevbe ni wegbe hin ehe ne uwa ye rre, a ma he miẹn emwa ne ọ sẹtin rrẹrrẹ uwa do sẹ wanwan na.

Jọsua 6:2

E Nọyaẹnmwa keghi tama e Jọsua wẹẹ, “Danmwehọ, te I ra mu e Jẹriko nuẹn ke ẹe kevbe ọba ẹre kevbe ivbiyokuo ẹre ni wegbe.