Diuteronomi 7:16 - Edo Bible (E Baibol Ẹdo) Version 1996

¹⁶ Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Diuteronomi 7:16 ပူးပေါင်းရင်းမြစ်များ

Psalm 106:34

Iran ma gbele avbe nigẹbọ ni uan zẹ vbene Nọyaẹnmwa tama iran.

Psalm 106:36

Emwa Osanobua kegha gho amazẹ ọ na ọre ọ si ọfuan ye iran egbe.

Ẹksọdọs 23:33

Iran i ra de uwa ẹvbo ya ne iran ghẹ ya ye uwa ru khọ ghe mwẹ. A deghẹ wa ga ẹbọ iran evba ọre ọfuan uwa la dee.

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Nọmbas 33:55

Sokpan, a deghẹ wa ma khulo emwa ni rre otọe nii ladian, iran ni kẹe rre vbọ, te iran ra gha ye vbe iku dan vbe aro uwa, kevbe igban vbe efẹn uwa, iran gha vbe guwa gbinna.

I Kọrinti 15:33

Wa ghẹ gie emwa do uwa ọzuọ. “Otu dan ọre ọ mu uyinmwẹ esi rhia.”

Diuteronomi 13:8

Ghẹ gie ẹe fiọ ekhọe werriẹ, ghẹ kue zẹ ye ọ re re. Ghẹ tohan rẹn ra ne u mwẹ ẹnina ẹnrẹn vbe ekhọe, ghẹ vbe tan obọ gue ẹre.

Diuteronomi 13:9

Gbe ẹe rua! Wẹ gha re ọmwa okaro ne ọ gha ka fi okuta gbe ẹe, u ghi vbe gie emwa ni dekẹe hia filo okuta gbe ẹe.

Diuteronomi 19:13

“Wa ghẹ tohan rẹn, wa wabọ izigha na an vbe otọ Izrẹl ne agbọn miẹn ehe na ma uwa.

Diuteronomi 19:21

Wa ghẹ tohan ọmwa rhọkpa, oya ne ọ gha re ghi gha re, wẹ ne ọ gbe ọmwa, a ghi vbe gbe ẹe rua, ne ọ rhu ọmwa aro ọkpa, a ghi vbe rhu ẹre aro ọkpa, akọn ọkpa ye ihe akọn ọkpa, obọ ye ihe obọ, owẹ ye ihe owẹ.”

Diuteronomi 25:12

Wa ghẹ tohan rẹn, wa fian ẹre obọ fua.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

Diuteronomi 7:25

Giẹn avbe amazẹ iran an. Ghẹ gie esiliva ra igoru ni rre iran egbe viẹn ye uwa aro, wa ghẹ vbe viọ iran ya khiẹn ọwua. Wa gha ru vberriọ, uwu ọ re ọ ke ẹre ikian rhunmwuda ẹbọ na gho wa sọnnọ e Nọyaẹnmwa.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

Giọgis 2:12

Iran keghi fi iyeke gbe ugamwẹ e Nọyaẹnmwa ne Osanobua avbe erha iran odede, Osanobua ne ọ viọ iran ke otọe Igipt ladian. Iran keghi suẹn gha gho avbe ẹbọ ọvbehe, ẹbọ avbe emwa ni lẹga iran. Iran kegha ya uhunmwu rhanmwẹ otọ ne avbe ẹbọ na, iran na ya ohu mu e Nọyaẹnmwa.

Giọgis 2:3

Te ime ghi tama uwa na wẹ mẹ I ghi khulo emwa na ladian vbene uwa ya nana ghe odaro. Eghian uwa iran ra gha khin, ẹbọ iran ghi vbe gha re edanmwẹ nọ wegbe ne uwa.”

Giọgis 3:6

Iran keghi gba gha viọ ivbi egbe rọnmwẹ, iran kevbe gha gho ẹbọ iran.

Giọgis 8:27

E Gidiọn keghi ya nene igoru ma amazẹ, ọ na mu ẹẹn ye ẹvbo irẹn ne Ọfra. Ivbi Izrẹl hia keghi sẹ Osanobua rae, iran na ya gha ya uhunmwu rhanmwotọ ne amazẹ nii. Ọ ke ghi yevbe ifi ne Gidiọn kevbe ẹgbẹe ọre.