Diuteronomi 7:15 - Edo Bible (E Baibol Ẹdo) Version 1996

¹⁵ E Nọyaẹnmwa gha degue uwa hin obọ emianmwẹ hia rre. Ẹ i ra gie egbe emianmwẹ dan ne aro uwa sẹ vbe Igipt sẹ ehe ne uwa ye. Sokpan, ọ gha kun ehia yan avbe eghian uwa.

Diuteronomi 7:15 ပူးပေါင်းရင်းမြစ်များ

Psalm 91:10

Rhunmwuda ọnii, ọkhọ rhọkpa i ra sunu vbe egbe ruẹ, ọfuan rhọkpa i ra vbe sikẹ owa ruẹ.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Ẹksọdọs 23:25

Wa gha ga imẹ e Nọyaẹnmwa Osanobua uwa, I gha vbe ye amẹ kevbe evbare sẹ uwa ọkẹn, I ghi vbe viọ avbe emianmwẹ hia hin ehe ne uwa ye rre.

Ẹksọdọs 9:11

Avbe ọbo edunna ma ghi sẹtin rre do miẹn e Mosis rhunmwuda, uruvba gba iran egbe hia zẹvbe ne ivbi Igipt nekpa vbe ye.

Diuteronomi 28:27

E Nọyaẹnmwa gha tue uruvba ku uwa, zẹ vbene ọ ru ivbi Igipt. Ọ ghi gie ẹtẹ gha salọ ladian vbe egbe uwa. Egbe uwa hia ghi gha bolo ikpakpa. Otọlọ ghi la uwa egbe sokpan a i ra miẹn ukhunmwu ẹnrẹn.

Diuteronomi 28:60

Ọ ghi dọlegbe tue egbe emianmwẹ dan ne aro uwa ka sẹ vbe Igipt ku uwa, wa i vbe miẹn uhunmwu vbo.

Diuteronomi 30:7

Rẹn ghi khuẹ avbe ihẹn na hia gie avbe eghian uwa, iran ni gha khu iwu uwa, iran na vbe gha zẹ uwa kpokpo.