Diuteronomi 7:14 - Edo Bible (E Baibol Ẹdo) Version 1996

¹⁴ Emwa ne a gha ya ẹfe fiangbe vbene uwa ye, ẹ i khian gha rre uhunmwu otọ agbọn. A i khian miẹn agan vbe uwu uwa ra avbe ẹmila uwa.

Diuteronomi 7:14 ပူးပေါင်းရင်းမြစ်များ

Psalm 107:38

Ọ fiangbe emwa rẹn iran keghi biẹlẹ emọ nibun ọ kevbe ruẹe ne emwirri iran ghẹ dibu.

Psalm 115:15

Te ọ gha fiangbe uwa ighẹ Nọyaẹnmwa, ne ọ yi ẹrinmwi kevbe agbọn!

Psalm 127:3

E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

Levitikọs 26:9

I gha fiangbe uwa, I ghi vbe viọ emọ ni bun ne uwa, I ghi mu e nọkanmwasẹ vbe ile ne ima gba ta sẹ.

Nọmbas 22:12

Osanobua keghi tama Balam wẹẹ, “Ghẹ lele emwa na gha khian, ghẹ vbe fi ivbi Izrẹl unu rhunmwuda afiangbe mwẹ rre iran egbe.”

Diuteronomi 28:11

E Nọyaẹnmwa gha viọ emọ ni bun ne uwa, ẹmila nibun deba emwiokọ ọrhẹnrhẹn, vbe otọe ne irẹn ve avbe erha uwa odede re wẹ rẹn gha mu ne uwa.

Diuteronomi 28:4

“E Nọyaẹnmwa gha fiangbe uwa ẹsẹse vbe egbe emọ ni bun, vbe egbe emwiokọ, vbe egbe ẹmila kevbe egbe ohuan.

Diuteronomi 30:9

E Nọyaẹnmwa gha gie emwi ne uwa ru hia gha dinna odẹ, wa gha mwẹ emọ ni bun kevbe avbe ẹmila ni bun, ugbo uwa ghi gha mọ emwiokọ ni bun ẹsẹse. Ẹko gha rhiẹnrhiẹn ọẹn ne ọ gie uwa gha ma an zẹ vbene ẹko rhiẹnrhiẹn ọẹn gie agbọn ma erha uwa odede.

Diuteronomi 33:29

Izrẹl, a miẹn uwa ne u ghi ye ọmwa ne ọ yevbe ruẹ i rrọọ, ẹvbo ne Nọyaẹnmwa miẹnfan. E Nọyaẹnmwa tobọ re ọrọre asa kevbe umozo ọwua ne ọ gha degue ruẹ do khọnmiotọ ne uẹn. Eghian uwa gha rre do rinmwian ye itohan, wẹ gha ye owẹ rrilo iran mu otọ.”