Diuteronomi 7:13 - Edo Bible (E Baibol Ẹdo) Version 1996

¹³ Ọ gha ho ẹmwẹ uwa, ọ gha vbe fiangbe uwa, vbene uwa gha na gha muan yọ, wa ghi vbe gha mwẹ emọ ni bun, ọ ghi fiangbe ugbo uwa vbene uwa gha na gha mwẹ ọka ni bun, kevbe ofigbọn ọliv, ọ ghi vbe fiangbe uwa viọ ẹmila kevbe ohuan ni bun ne uwa. Ọ gha rhie afiangbe na hia ne uwa vbe otọ ne ọ yan ma avbe erha uwa odede we rẹn gha mu ne uwa.

Diuteronomi 7:13 ပူးပေါင်းရင်းမြစ်များ

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Job 1:10

U tan obọ gue ẹre, kevbe ẹgbẹe ọre kevbe emwi hia ne ọ mwẹ. U fiangbe emwi hia ne ọ ru. Ẹmila ne u hẹ ne ẹẹn vuọn otọe ẹvbo na hia.

Job 42:12

E Nọyaẹnmwa keghi fiangbe okiekie ẹdẹ agbọn e Job sẹ vbene ọ te ka fiangbe omuhẹn ọnrẹn. E Job kegha mwẹ ohuan arriaisẹn iwenẹ (14,000) e kamẹl arriaisẹn ehan (6,000) oghẹn ẹmila arriaisẹn eva (2,000) kevbe ekẹtẹkẹtẹ arriaisẹn (1,000).

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 107:38

Ọ fiangbe emwa rẹn iran keghi biẹlẹ emọ nibun ọ kevbe ruẹe ne emwirri iran ghẹ dibu.

Psalm 11:7

Ọmwata ọ re Nọyaẹnmwa khin, ọ ho ẹmwẹ iwinna esi. Iran ni yin vberriọ, gha yin ehe ne ọ ye.

Psalm 127:3

E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

Psalm 146:8

Ọ ghi vbe rhan avbe arhuaro aro. Ọ munọ iran ni dele kpaegbe; ọ ho ẹmwẹ emwa ẹmwata ọghọe.

Ẹksọdọs 23:25

Wa gha ga imẹ e Nọyaẹnmwa Osanobua uwa, I gha vbe ye amẹ kevbe evbare sẹ uwa ọkẹn, I ghi vbe viọ avbe emianmwẹ hia hin ehe ne uwa ye rre.

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Itan 15:9

Te odẹ emwa dan sọnnọ e Nọyaẹnmwa sokpan, ẹmwẹ iran ni ru ẹse ghi gha ye ọre.

Levitikọs 26:9

I gha fiangbe uwa, I ghi vbe viọ emọ ni bun ne uwa, I ghi mu e nọkanmwasẹ vbe ile ne ima gba ta sẹ.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Jọn 14:21

Ọmwa ne ọ rhirhi rhan obọ miẹn uhi mwẹ, ọ na vbe ya ẹe gha ru emwi, rẹn ọrọre ọmwa ne ọ ho ẹmwẹ mwẹ. Ọmwa ne ọ ho ẹmwẹ mwẹ, Erha mwẹ gha vbe ho ẹmwẹ ọnrẹn. Mẹ tobọ mwẹ gha ye egbe mwẹ naẹn miẹn.”

Iyẹn ne ọ Maan Ọghe Jọn 15:10

Wa gha da uhi mwẹ yi, wa ghi gha rre uwu ahoẹmwọmwa mwẹ zẹ vbene imẹ da uhi Erha mwẹ yi ne imẹ na vbe gha rre uwu ahoẹmwọmwa rẹn.

Iyẹn ne ọ Maan Ọghe Jọn 16:27

Rhunmwuda Evbavba tobọ ẹre vbe ho ẹmwẹ uwa. Rẹn ho ẹmwẹ uwa rhunmwuda ighẹ wa ho ẹmwẹ mwẹ, wa vbe yayi nẹ ighẹ ọghe Osanobua mẹ ke gha dee.

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 13:17

Emwi ne a ghi wẹ ne a fuan nẹ wa ghẹ rhie ẹre hin rre ne uwa lo ẹre ne egbe uwa, ẹghẹ nii e Nọyaẹnmwa gha fiwerriẹ vbe uwu ohu nọ wegbe ne ọ te mu, ọ ghi tohan uwa. Ọ gha tohan uwa, ya uwa khian emwa ni bun zẹ vbe ne ọ yan ma avbe erha uwa odede.

Diuteronomi 28:1

“A deghẹ wa gele họn ẹmwẹ ne Nọyaẹnmwa Osanobua rua, wa na ya ẹko ata rhie uhi ẹre ne imẹ rhie ne uwa ẹrẹna mwẹ, ọ gha ya uwa kpọlọ sẹẹ avbe okpẹvbo ọvbehe hia ni rre agbọn na.

Diuteronomi 28:11

E Nọyaẹnmwa gha viọ emọ ni bun ne uwa, ẹmila nibun deba emwiokọ ọrhẹnrhẹn, vbe otọe ne irẹn ve avbe erha uwa odede re wẹ rẹn gha mu ne uwa.

Diuteronomi 30:5

Ne uwa miẹn ehe na do yan otọe nii ne avbe erha uwa odede ka yin nẹ. Ọ ghi gie agbọn ma uwa sẹ, wa ghi vbe bun sẹ vbe ne avbe erha uwa odede gha ye.

Diuteronomi 7:7

“Ẹ i re rhunmwuda ighẹ wa bun sẹ emwa ọvbehe hia ọ re Nọyaẹnmwa na ho ẹmwẹ uwa ọ na vbe hannọ uwa zẹ. Wa ọ re ọ gha re uhunmwu ẹvbo ne ọ ghi kanmwa sẹẹ vbe agbọn.