Diuteronomi 6:7 - Edo Bible (E Baibol Ẹdo) Version 1996

⁷ Ma avbe ivbi uwa ẹre. U ghi gha ta ẹe vbe u a gha rre owa kevbe u a kpa hin owa rre, vbu a gha hẹwẹ kevbe u a gha winna.

Diuteronomi 6:7 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Job 8:10

Sokpan, giẹ avbe emwa ẹwaẹn nẹdẹ ma uwẹ emwi, danmwehọ ẹmwẹ ne iran gha ta.

Psalm 119:13

Mẹ gha mu ehia go ighe avbe uhi hia ne u wẹ rhie rre.

Psalm 119:46

Mẹ gha na iyẹn iyi ruẹ ma avbe ọba ekhue i ra vbe mu mwẹ.

Psalm 129:8

Ai miẹn ọmwa ne ọ gha la evba gberra, ne ọ khama rẹn wẹẹ, “Te Nọyaẹnmwa gha fiangbe uẹ! Ma fiangbe uẹ vbe eni e Nọyaẹnmwa.”

Psalm 37:30

Ẹmwẹ ọmwa esi, ẹwaẹn nọ, ẹi vbe gbe ewanmwẹ ghe obọkpa.

Psalm 71:17

Ẹghẹ ne I na ye kherhe ọ re u na ma mwẹ re te I ye na iyẹn iwinna ọyunnuan.

Itan 10:21

Ẹmwẹ ne unu ọmwa esi guan gha rhie ọ maa gie emwa nibun, sokpan, ọmwa sẹtin ye ukọnmwẹ gbe egbe ẹre ua.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 15:7

Obọ avbe umẹwaẹn ọ re irẹnmwi na vẹ gba ehe hia ighe ẹ i re avbe ọzuọ.

Itan 6:22

Emwi ne iran ma ruẹn re gha su uẹ vbe u a yo ehe, ọ gha degue ruẹ vbe asọn, ọ ghi vbe gha bu ruẹ ude vbe ẹghẹ avan.

Aizaia 38:19

Emwa ni rre agbọn ọ re ọ rho ruẹ, zẹ vbene I rho ruẹ na. Erha emọ tama emọ vbene u maa hẹ.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Matiu 12:35

Aza emwi esi ne ọ mwẹ, ọre ọmwa esi ke viọ emwi esi ladian. Aza emwi dan ne ọ mwẹ, ọre ọmwa dan ke viọ emwi dan ladian.

Iyẹn ne ọ Maan Ọghe Luk 6:45

Aza emwi esi ne Ọ rre ọmwa esi ẹko, ọre ọ ke viọ emwi esi ladian, aza emwi dan ne ọ rre ọmwa dan ẹko, ọre ọ ke viọ emwi dan ladian. Rhunmwuda emwi ne ọ re ọmwa ekhọe ọre unu ẹnrẹn ta ladian.

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

Ẹfisọs 6:4

Evbibiẹ emọ, wa ghẹ gha ru ivbi uwa emwi ne ọ gha ya ohu mu iran, sokpan wa dia iran ye odẹ, ne uwa vbe gha ma iran emwi zẹ vbe ọmwa ne ọ ya Kristi yi.

Diuteronomi 11:19

Wa ma avbe ivbi uwa ẹre. A ghi gha ta ẹe khian vbe owa, kevbe odẹ, vbe uwa a gha hẹwẹ kevbe uwa a gha winna.

Diuteronomi 6:2

Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.

Kọlose 4:6

Wa gie ẹmwẹ uwa gha re ne ọ maa kevbe ne ọ rhiẹnrhiẹn vbe ehọ ẹghẹ hia, wa ghi vbe gua ra gha rhie ewanniẹn ne ọ gua ẹe ro ne emwa hia.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.

Ebe Rut 2:12

Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”

Ebe Rut 2:4

E Boaz tobọ ẹre keghi ke Bẹtlẹhẹm rre, “Ọ keghi tue emwa iwinna wẹ Nọyaẹnmwa deba uwa.” Iran keghi wanniẹn wẹẹ, “Nọyaẹnmwa fiangbe uwẹ.”

Ebe Rut 4:11

Emwa ni keghi wanniẹn wẹẹ, “Ẹn, ma ọrọre osẹe.” Avbe ediọn keghi kha wẹẹ, “Te Nọyaẹnmwa gha gie okhuo nii ne ọ die owa ruẹ ẹrẹna gha yevbe Rakiẹ kevbe Lia ni biẹlẹ emọ ni bun ne Jekọb. Te u gha khian ọmwa ne ọ fee vbe ẹwae Efrata kevbe ọmwa ne ọ hin usi vbe Bẹtlẹhẹm.