Diuteronomi 6:6 - Edo Bible (E Baibol Ẹdo) Version 1996

⁶ Ghẹ mianmian avbe uhi ne I viọ ne uwa na ẹdẹnẹrẹ na ẹdẹ.

Diuteronomi 6:6 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

II Samuẹl 22:23

I mu uhi ẹre hia sẹ, I ma he uhunmwu ye ọre obọ.

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Psalm 119:13

Mẹ gha mu ehia go ighe avbe uhi hia ne u wẹ rhie rre.

Psalm 119:30

I khare wẹ 1 gha wa gha họn ẹmwẹ I vbe kakabọ ghe ibuohiẹn ruẹn.

Psalm 119:98

Iyi ruẹ rrọ mwẹ ekhọe vbe ẹghẹ hia, ọ keghi ya mwẹ wan sẹ avbe eghian mwẹ.

Psalm 37:31

Ọ ghi rhie uhi Osanobua ẹre ye ekhọe ẹi vbe bi egbe hin rre ẹdẹ.

Psalm 40:8

U miẹn vbe iho ruẹ ne a ru yẹ mwẹ hẹ Osanobua mwẹ! I rhie iruẹmwi ruẹn ye uwu ekhọe mwẹ.”

Itan 3:5

Ya ẹtin ruẹn hia mu ẹtin yan e Nọyaẹnmwa. Ghẹ mu ẹtin yan emwi ne uwẹ ro ighe uwẹ rẹnrẹn.

Itan 7:3

Rhie emwi ne I ma ruẹn re mwẹ vbe ẹghẹ hia, gbẹn ọẹn ye ekhọe ruẹ.

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Iyẹn ne ọ Maan Ọghe Luk 2:51

Jesu keghi lele iran dọlegbe gha rrie Nazarẹt, ọ kegha họn ẹmwẹ ne iran. Iye ẹe keghi ye emwi na hia ẹro.

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

II Kọrinti 3:3

Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.

Diuteronomi 11:18

“Wa ye avbe uhi na vuọn ekhọe kevbe orhiọn uwa, wa de ẹre ye ekuabọ uwa, ne uwa vbe gbae ye uharo ne uwa ya gha ye rre.

Diuteronomi 11:20

Wa gbẹnnẹ iran ye onurho owa uwa kevbe onurho ẹvbo uwa.

Diuteronomi 32:46

Ọ keghi kha wẹẹ, “Wa ghẹ mwẹ wa ma ya uhi ne I ma uwa ẹre ẹrẹna ru emwi. Wa ta ẹe ma avbe ivbi uwa, ne iran miẹn ehe na gha ya ẹkoata rhie emwi ne Osanobua ma emwa ẹre mwẹ.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

II Jọn 1:2

Rhunmwuda wẹ, ẹmwata rre uwu ima nẹ, ọ gha vbe gu ima gha rrọọ rhinrin ẹdẹ.