Diuteronomi 6:5 - Edo Bible (E Baibol Ẹdo) Version 1996

⁵ Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.

Diuteronomi 6:5 ပူးပေါင်းရင်းမြစ်များ

I Ọba 3:3

E Solomọn keghi ho ẹmwẹ e Nọyaẹnmwa ọ keghi vbe gha ru vbene Devid ne erha ẹe tama rẹn, sokpan ọ yevbe gbele aranmwẹ, ọ kevbe ye iran zọ ese vbe Ogiukpo ughughan.

II Ọba 23:25

A ma he ka miẹn ọba ne ọ ye vbe ọre, ọmwa ne ọ wa ye ekhọe ẹre hia, ẹko ẹre hia keghi ẹtin ẹnrẹn hia gha lele uhi e Nọyaẹnmwa, ne ọ viọ ne Mosis. A ma ghi vbe miẹn ọvbehe ke ẹghẹ nii gha dee.

II Krọnikol 15:12

Iran keghi yan ile wẹ iran miẹnkue yọ ne iran gha ga e Nọyaẹnmwa ne Osanobua avbe erha iran odede, vbe ekhọe iran hia kevbe orhiọn iran hia.

II Krọnikol 34:31

Ọ keghi mudia ke orrẹ ọghe ọba, ọ keghi yan ma e Nọyaẹnmwa wẹ rẹn gha họn ẹmwẹ ne ẹẹn, rẹn rhie uhi kevbe iyi ẹre mwẹ, vbe ekhọe ẹre hia kevbe orhiọn rẹn hia kevbe ne ọ vbe gha ru vbene a tae ye ebe uhi, zẹ vbene a gbẹnnẹ ọẹn ye ebe.

Psalm 119:2

Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.

Psalm 31:24

Wa wegbe, ne uwa vbe din, wa hia ni mwẹ idaehọ vbe ehe ne Nọyaẹnmwa ye.

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Matiu 22:37

Jesu wanniẹn wẹẹ, “ ‘Ye ekhọe ruẹ hia, orhiọn ruẹn hia, otọe ẹko ruẹ hia, kevbe ẹtin ruẹn hia ho ẹmwẹ Nọyan ruẹn Osanobua ruẹ.’

Iyẹn ne ọ Maan Ọghe Mak 12:30

Wẹ ghi ya ekhọe ruẹ hia, orhiọn ruẹn hia, ẹko ruẹ hia, kevbe ẹtin ruẹn hia ho ẹmwẹ Nọyaẹnmwa Osanobua ruẹ.’

Iyẹn ne ọ Maan Ọghe Mak 12:33

Kevbe wẹ, te ọ kere ne ọmwa gha ya ekhọe ẹre hia, ẹko ẹre hia, kevbe ẹtin ẹnrẹn hia ho ẹmwẹ Osanobua kevbe nọ ho ẹmwẹ ogieva ẹre zẹ vbe egbe ẹre. Ne a gha mu Uhi eva na sẹ ọre ọ maa sẹ ne a gha viọ aranmwẹ rre do gha giẹn vbe uhunmwu aka Ogiukpo kevbe ne a gha zọ ese ghe Osanobua.”

Iyẹn ne ọ Maan Ọghe Luk 10:27

Okpia ni wanniẹn wẹẹ, “Iwinna ruẹ nọ ne u ye orhiọn ruẹn hia, ekhọe ruẹ hia, ẹtin ruẹn hia kevbe ẹko ruẹ hia ho ẹmwẹ Osanobua Nọyan ruẹn kevbe ne u vbe ho ẹmwẹ ogieva ruẹ zẹ vbe egbe ruẹ.”

Diuteronomi 10:12

“Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 11:1

“Wa ho ẹmwẹ Nọyaẹnmwa Osanobua rua, ne uwa vbe gha ya uhi ẹre hia ru emwi.

Diuteronomi 11:13

“Rhunmwuda onii nian, wa ghi gha ya uhi ne I gbe ne uwa ẹrẹna gha ru emwi, onii nọ wẹ ne uwa gha ya ekhọe uwa hia ho ẹmwẹ Nọyaẹnmwa Osanobua rua kevbe ne uwa vbe ga ẹe vbe orhiọn ruan hia kevbe ẹko rua hia.

Diuteronomi 13:3

Ghẹ zẹdẹ zẹ ye ọ re hiehiere, e Nọyaẹnmwa Osanobua ruẹ ọ re ọ ya ẹe danmwẹ ọẹn ghe, ne ọ miẹn ehe na ghe a deghẹ wẹ ye ekhọe ruẹ hia kevbe orhiọn ruẹn hia ho ẹmwẹ Nọyaẹnmwa.

Diuteronomi 13:4

Lele Nọyaẹnmwa, ne u vbe gha mu ohan rẹn; gha họn ẹmwẹ ne ẹẹn ne u vbe gha lele iyi ẹre, gha ga ẹe ne u vbe gha re ne ọ gba ẹko ẹre.

Diuteronomi 19:9

Ẹghẹ nii, wa ghi zẹ ẹvbo eha ọvbehe ba ẹre. Ọ gha mu avbe otọe na ne uwa, a deghẹ wa ru avbe emwi ne I tama uwa na hia, kevbe deghẹ wa ho ẹmwẹ Nọyaẹnmwa Osanobua rua, wa na vbe gha ru vbene ọ ma uwa ẹre.

Diuteronomi 30:10

Sokpan te uwa gha họn ẹmwẹ nẹ ẹẹn ne uwa vbe gha rhie uhi ẹre hia ne a gbẹnnẹ ye uwu ebe imaemwi ẹnrẹn mwẹ. Te uwa gha fiwerriẹ bu ẹre vbe ekhọe uwa hia ke orhiọn uwa hia.

Diuteronomi 30:16

Adeghẹ wa ya uhi e Nọyaẹnmwa Osanobua uwa ne imẹ rhie ne uwa ẹrẹna gha ru emwi, adeghẹ wa họn ẹmwẹ ne ẹẹn, wa na viọ uhi ẹre hia ya gha ru emwi, ẹghẹ nii agbọn gha ma uwa, wa ghi vbe khian okpẹvbo nọkhua ne emwa ni bun ye. E Nọyaẹnmwa Osanobua uwa ghi fiangbe uwa vbe otọe ne uwa ra ya yin na.

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.

Jọsua 22:5

Wa gia miẹn wẹ wa ru zẹ vbe uhi kevbe iyi ne Mosis ne ọguọmwadia e Nọyaẹnmwa viọ ne uwa, wa gha ho ẹmwẹ e Nọyaẹnmwa Osanobua rua, wa gha ru iho ẹre, wa gha ya uhi ẹre ru emwi, wa giee gba ẹko uwa, wa ye ekhọe uwa hia kevbe orhiọn uwa hia ga ẹe.”

I Jọn 5:3

Rhunmwuda emwi ne a ya ahoẹmwẹ Osanobua kha ọre ọna khin, ọ rhie maa ima wẹ, ma ru vbene iyi ne irẹn yi khare. Iyi ne ọ yi, i vbe re ne ọ lọghọ ne ima gbe.