Diuteronomi 6:4 - Edo Bible (E Baibol Ẹdo) Version 1996

⁴ “Izrẹl, ye ọna rre! E Nọyaẹnmwa, awẹ e Nọyaẹnmwa ọkpa kẹkan ọrọre Osanobua mwa.

Diuteronomi 6:4 ပူးပေါင်းရင်းမြစ်များ

I Ọba 18:21

Elaija keghi hin bu iran gha khian ọ keghi kha wẹẹ, “Vbe ọ khian sikan mu uwa unu kpẹ sẹ hẹ yi ne uwa ya ta obọ ne u wa ye vbọ. A deghẹ e Nọyaẹnmwa ọrọre Osanobua, wa gae, a deghẹ e Bal ọrọre Osanobua, wa gae!” Sokpan, emwa nii ma wanniẹn ẹmwẹ rhọkpa.

II Ọba 19:5

Aizaia ghi họn uhunmwu ne Hẹzekaia gie.

I Krọnikol 29:10

Vbe odaro emwa ni si koko vbe evba nii hia, e Devid keghi rho Osanobua, ọ na wẹẹ, “E Nọyaẹnmwa ne Osanobua ọghe Jekọb ne erha mwa odede, te a gha rho ruẹ ẹdẹ kevbe ẹdẹdẹmwẹdẹ!

II Krọnikol 17:9

Iran ke mu ebe uhi e Nọyaẹnmwa, iran na ya owẹ kpe akpata lele dọmwadẹ ẹvbo ni rre Juda, iran na gha ma avbe emwa ni emwi.

Nehimaia 9:6

Ẹghẹ nii, emwa Izrẹl keghi na erhunmwu na: “Wẹ ne Osa ọkpa ọrọre Nọyaẹnmwa mwa: wẹ ọ re ọ yi aro iso kevbe avbe orhọnmwẹ ni rre aro iso. Wẹ ọ re ọ yi otọ kevbe okun, kevbe emwi hia ni rre uwu iran; wẹ ọ re ọ rhie arrọọ ne iran. Ẹtin ni rre ẹrinmwi vbẹrre ya uhunmwu rhanmwẹ otọ ne uẹn.

Psalm 78:5

Ọ rhie uhi ne ivbi Izrẹl kevbe iyi ne ivbi uniẹn Jekọb ọ ma avbe erha mwa odede ẹre. Wẹ ne iran ma avbe ivbi iran uhi irẹn.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Aizaia 42:8

“Mẹ ọkpa kẹkan ọrọre Nọyaẹnmwa, Osanobua ruẹ. Emwi ne a gho ọvbehe ne ọ gha gunmwẹ ghae vbe uyi mwẹ, ẹ i rrọ, mẹ i ra kue ne amazẹ gunmwẹ ghae vbe uyi mwẹ.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 44:8

Wa ghẹ fian afianma wa ne emwa mwẹ wa rẹn wẹ ke ẹkpo nẹdẹ gha dee do sẹ ebanbanna, I ta avbe emwi ni gha sunu yotọ nẹ, wa ọ re ọ vbe re osẹe mwẹ osa ọvbehe vbe rrọ ra? Osa ọvbehe ne ọ mwẹ ẹtin vberrọ ra! Ne imẹ ma he họn ẹmwẹ ọnrẹn?”

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Matiu 22:37

Jesu wanniẹn wẹẹ, “ ‘Ye ekhọe ruẹ hia, orhiọn ruẹn hia, otọe ẹko ruẹ hia, kevbe ẹtin ruẹn hia ho ẹmwẹ Nọyan ruẹn Osanobua ruẹ.’

Iyẹn ne ọ Maan Ọghe Luk 10:27

Okpia ni wanniẹn wẹẹ, “Iwinna ruẹ nọ ne u ye orhiọn ruẹn hia, ekhọe ruẹ hia, ẹtin ruẹn hia kevbe ẹko ruẹ hia ho ẹmwẹ Osanobua Nọyan ruẹn kevbe ne u vbe ho ẹmwẹ ogieva ruẹ zẹ vbe egbe ruẹ.”

Iyẹn ne ọ Maan Ọghe Jọn 10:30

Ọkpa ọ re Mẹ vbe Erha khin.”

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Ebe ne Pọl gbẹẹn gie emwa Rom 3:30

Ọkpa ọre Osanobua khin. Rẹn gha ye avbe Ju khian emwata vbe odaro ẹre zẹ vbene iyayi iran kha re, ọ ghi vbe ye avbe iran ne ẹ i re Ju khian emwata vbekpa iyayi iran.

Ẹfisọs 4:6

Osanobua kevbe Erha mwa hia ọkpa, ọre ọ rrọọ, rẹn ọ vbe yan ehia, ne ọ ya ehia winna, kevbe ne ọ rre uwu ehia.

Diuteronomi 4:39

Rhunmwuda onii nian, wa yerre, wa ghẹ mianmian, e Nọyaẹnmwa ọrọre Osanobua vbe ẹrinmwi kevbe agbọn, Osanobua ọvbehe i rrọ.

Diuteronomi 5:6

‘Mẹ ọrọre Nọyaẹnmwa Osanobua ruẹ, ne ọ fan uwa vbe irri lahin otọ Igipt ne uwa na te re eviẹn rre.

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

Jems 2:19

Wẹ yayi wẹ, Osanobua ọkpa kẹkan ọre ọ rrọọ, ọ wa maa. Avbe orhiọn dan vbe yayi, te iran ye guọ zẹzẹzẹ ba ẹmwẹ ohan.