Diuteronomi 6:23 - Edo Bible (E Baibol Ẹdo) Version 1996

²³ Ọ keghi miẹn ima fan vbe obọ Igipt ne ọ viọ ima gha die edinran, ọ mu otọe na ne ima, zẹ vbene ọ ve avbe erha mwa odede ẹre.

Diuteronomi 6:23 ပူးပေါင်းရင်းမြစ်များ

Ẹksọdọs 13:5

E Nọyaẹnmwa wa yan ma avbe erha uwa wẹ rẹn gha mu otọe Kenan, otọe Hiti kevbe Amọri kevbe Hivi kevbe Jebus ne uwa. Otọe ne rọkhọ ne ọ maa emwi okọ wa nọ. Ọ gha ghi viọ uwa sẹ otọe nii nẹ, wa ghi gha ru emwiukpo na vbe nene uki ne okaro ukpukpo.

Diuteronomi 1:35

‘Wa ne orre dan na, ọkpa vbe uwu uwa ne ọ gha la otọ ne ọ ma emwi okọ ne I ve avbe erha uwa odede ẹre, ẹ i rrọọ.

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 6:10

“E Nọyaẹnmwa Osanobua mwa tama avbe erha mwa odede ighẹ Ebraham, Aizik kevbe Jekọb wẹ rẹn gha mu otọe ne avbe okpẹvbo ni kọnkọn kevbe ne emwi ẹfe ye ne uwa ma bọ, ne uwa.

Diuteronomi 6:18

Wa gha ru ne Nọyaẹnmwa khare ighẹ ọgbae, ọ vbe kei, agbọn gha maa uwa. Wa gha sẹtin yan otọe ni ne ọ ma emwi okọ ne Nọyaẹnmwa ve avbe erha uwa odede re.

Diuteronomi 6:22

Ma keghi ye aro ima miẹn iwinna ọyunnuan ne ọ winnaẹn, ọ na ru ivbi Igipt ọ yan aro ua, kevbe ọba iran kevbe ekhaẹmwẹ iran.

Diuteronomi 6:24

Ẹre Nọyaẹnmwa ne Osanobua ima, na tama ima ne ima gha ye avbe uhi na hia ru emwi kevbe ne avbe gha mu ohan irẹn. Adeghẹ ma ru vberriọ, ọ gha gbe aro ghe ẹvbo mwa, ọ ghi ye ẹfe kpọ vbọ.