Diuteronomi 6:22 - Edo Bible (E Baibol Ẹdo) Version 1996

²² Ma keghi ye aro ima miẹn iwinna ọyunnuan ne ọ winnaẹn, ọ na ru ivbi Igipt ọ yan aro ua, kevbe ọba iran kevbe ekhaẹmwẹ iran.

Diuteronomi 6:22 ပူးပေါင်းရင်းမြစ်များ

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Psalm 91:8

Wẹ gha ghe ẹre, aro ruẹ ghi vbe miẹn vbe ne a rri emwa dan oya hẹ.

Diuteronomi 7:19

Wa ye avbe egboghogbogho ne uwa ye aro uwa miẹn hia rre, avbe iwinna ama kevbe ọyunnuan kevbe ẹtin vbe iwegbe ne Nọyaẹnmwa Osanobua uwa ya fannọ uwa vbe irri. Ọ gha fuẹn avbe emwa na hia ne uwa mu ohan rẹn na, zẹ vbene ọ vbe fuẹn emwa Igipt.

Diuteronomi 4:3

Wa tobọ uwa miẹn emwi ne Nọyaẹnmwa ru vbe Oke Peọ. Ọ keghi fuẹn emwa hia ni gho e Bal rua vbe evba nii.

Diuteronomi 3:21

Iyeke ọnii, I keghi do tama Jọsua wẹẹ, ‘U miẹn emwi hia ne Nọyaẹnmwa ru avbe ọba eva ni re, e Saihọn kevbe Ọg, erriọ ọ ra vbe ru iran hia ni dekẹe ne uwa gha mu okuo ye ẹvbo ẹre.

Diuteronomi 1:30

Nọyaẹnmwa Osanobua rua gha ke odaro ne uwa, ọ gha vbe gbinna ne uwa vbene aro uwa vbe sọe ighẹ ọ ru ẹe vbe Igipt.

Psalm 135:9

Evba ọ re ọ na winna iwinna ama kevbe ọyunnuan, ne ọ ya rri ọha kevbe ekhaẹmwẹ ọnrẹn hia oya.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Diuteronomi 6:21

Ẹghẹ nii, wa ghi tama iran wẹẹ, ‘Eviẹn ọba Igipt ma te gha khin, e Nọyaẹnmwa keghi ya ẹtin ẹnrẹn nọkhua miẹn ima fan.

Diuteronomi 6:23

Ọ keghi miẹn ima fan vbe obọ Igipt ne ọ viọ ima gha die edinran, ọ mu otọe na ne ima, zẹ vbene ọ ve avbe erha mwa odede ẹre.

Psalm 136:4

Rẹn okpa ọre ọ winna iwinna ọyunnuan nekhua, etẹbitẹ ọ re ahoẹmwọmwa rẹn khin.

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”