Diuteronomi 6:2 - Edo Bible (E Baibol Ẹdo) Version 1996

² Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.

Diuteronomi 6:2 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Gẹnẹsis 22:12

Rẹn tama rẹn wẹẹ, “Ghẹ kuan ọmọ nii egbe, ghẹ vbe ru ẹre emwi rhọkpa.” I rẹnrẹn nian wẹẹ, “U mu egbe ne u ya gha hẹnmwẹ ne Osanobua, rhunmwuda, u ma gun mwẹ sinmwi ovbuẹ ne ukpọmọkpa.”

I Ọba 8:40

Ne emwa ruẹn miẹn ehe na gha mu ohan ruẹn vbe ẹghẹ hia ne iran gha ya vbe otọe ne u mu ne avbe erha iran odede.

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Psalm 128:1

Afiangbe ọrọre ọghe iran ni ye ọghọ ne Nọyaẹnmwa, iran ni lele iyi ẹre ru emwi.

Psalm 91:16

I gha ya utọmwẹ san iran ẹse I gha miẹn iran fan.”

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Ẹksọdọs 20:20

E Mosis keghi tama emwa nii wẹẹ, “Wa ghẹ fian afianma, te Osanobua do danmwẹ uwa kẹkan ne u wa miẹn ehe na gha mu ohan rẹn, ne u wa ghẹ ru oru khọ.”

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 3:16

Ẹwaẹn ọ re ọ rhie utọmwẹ ne ọmwa, kevbe ẹfe, kevbe ọghọ.

Itan 9:11

Te ẹwaẹn fian ba ọmwa utọmwẹ. U gha wan, ere ne ọ rrọ, ọwuẹ nọ.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Ezikiẹl 20:19

“Mẹ ọrọre Nọyaẹnmwa ne Osanobua rua. Wa gha ya uhi mwẹ kevbe iyi mwẹ ru emwi.

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 11:9

Wa gha vbe yin ẹnrẹn tọ ighẹ otọ esiesi ne ọ maa emwi okọ nii ne Nọyaẹnmwa ve ne irẹn mu ne avbe erha uwa odede kevbe ivbi iran.

Diuteronomi 13:4

Lele Nọyaẹnmwa, ne u vbe gha mu ohan rẹn; gha họn ẹmwẹ ne ẹẹn ne u vbe gha lele iyi ẹre, gha ga ẹe ne u vbe gha re ne ọ gba ẹko ẹre.

Diuteronomi 15:5

A deghẹ wa họn ẹmwẹ nii ighẹ wa vbe ru avbe emwi hia ne I yi ẹre iyi ne uwa ẹrẹna,

Diuteronomi 22:7

U sẹtin viọ ivbi ahianmwẹ negiẹrẹ nii, sokpan, u ghi gie iye ahianmwẹ nii gha rrie, ne u miẹn ehe na tọọ ne agbọn vbe ma ruẹn.

Diuteronomi 30:19

Te I tama uwa nian ne uwa zẹ vbọ, adeghẹ ẹfe nọ ra uwu, a deghẹ afiangbe Osanobua nọ ra ihẹn. I kevbe tie agbọn vbe ẹrinmwi ne iran sẹ osẹe ye ne uwa zẹe vbọ. Wa zẹ ẹfe.

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

Diuteronomi 4:10

Vbene uwa mudia vbe odaro Nọyaẹnmwa hẹ vbe Oke Sainai, ẹkpo ne ọ na khama mwẹ wẹẹ, ‘Si avbe emwa ni koko. I ho ne iran họn ẹmwẹ ne I ra ta, ne iran miẹn ehe na gha mu ohan mwẹ iran te ya wu, ne iran vbe miẹn ehe na ma ivbi iran re ne iran gha mu ohan mwẹ.’

Diuteronomi 4:40

Wa gha ya uhi ẹre hia ne I viọ ne uwa ẹre na ru emwi, ẹghẹ nii agbọn ghi gha ma uwa ma ivbi uwa. Wa ghi vbe gha yin otọe nii ne Nọyaẹnmwa Osanobua uwa mu ne uwa ne ọ gha re ọghe uwa ẹdẹdẹmwẹdẹ.”

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 5:16

“ ‘Gha ya ọghọ ne erha a kevbe iye uẹ zẹ vbene imẹ ne Nọyaẹnmwa Osanobua ruẹ tama ruẹn, ne agbọn miẹn ehe na ma ruẹn kevbe ne u vbe tọ vbe otọe ne imẹ ra mu nuẹn.

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Diuteronomi 6:1

“Ena ọrọre avbe uhi ne Nọyaẹnmwa Osanobua tama mwẹ ne I ma uwa ẹre. Wa ghi gha ya iran ru emwi vbe otọe ne uwa ra lao ne uwa ya yin na.

Diuteronomi 6:24

Ẹre Nọyaẹnmwa ne Osanobua ima, na tama ima ne ima gha ye avbe uhi na hia ru emwi kevbe ne avbe gha mu ohan irẹn. Adeghẹ ma ru vberriọ, ọ gha gbe aro ghe ẹvbo mwa, ọ ghi ye ẹfe kpọ vbọ.

Diuteronomi 6:7

Ma avbe ivbi uwa ẹre. U ghi gha ta ẹe vbe u a gha rre owa kevbe u a kpa hin owa rre, vbu a gha hẹwẹ kevbe u a gha winna.

Jọsua 4:24

Rhunmwuda ọnọna, emwa hia ni rre agbọn na gha rẹn ẹtin ọghe Nọyaẹnmwa, wa ghi vbe gha ya ọghọ ne Nọyaẹnmwa Osanobua uwa ẹdẹdẹmwẹdẹ.”

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.