Diuteronomi 6:14 - Edo Bible (E Baibol Ẹdo) Version 1996

¹⁴ Wa ghẹ ga ẹbọ ọvbehe, wa ghẹ ga ẹbọ avbe iran ni lẹga uwa.

Diuteronomi 6:14 ပူးပေါင်းရင်းမြစ်များ

II Ọba 17:35

E Nọyaẹnmwa gu iran ta ile ọ keghi tama iran wẹẹ, “Wa ghẹ ga ẹbọ ọvbehe, ghẹ ya uhunmwu rhanmwẹ otọ ne iran, amawẹ ne u gho iran ra ne u zọ ese ya ru iran.

Psalm 44:20

Adeghẹ te ima dobọ Osanobua mwa ne a ga yi, ma na ya gha na erhunmwu ghe ẹbọ ẹrrẹe,

Ẹksọdọs 20:3

“Ohan i gie uwẹ mwẹ osa ọvbehe ba imẹ.

Jerimaia 25:6

Iran tama uwa ne uwa ghẹ gho ra ne uwa ga avbe ẹbọ ọvbehe, kevbe ne uwa ghẹ ye ohu mu e Nọyaẹnmwa vbekpa ne uwa gha na gha gho avbe amazẹ ne uwa maẹn. Akpawẹ te uwa họn ẹmwẹ ne Nọyaẹnmwa, ẹ i ghẹ rri uwa oya.

Jerimaia 35:15

I gie avbe eguọmwadia mwẹ i ghe avbe akhasẹ gie uwa, iran vbe tama uwa ne uwa mu emwi dan ne uwa ru fua ne uwa gha ru emwi ne ọ gbae, iran tama uwa ne uwa ghẹghi ga avbe ẹbọ ọvbehe, ne uwa miẹn ehe na gha yin otọe nii ne I mu ne uwa kevbe avbe erha uwa odede. Sokpan, wa ma danmwehọ mwẹ a ma wẹ te uwa ghi ra zẹ yọ mwẹ re.

Jerimaia 7:6

Wa ghẹ ghi zẹ ebubẹ ye avbe erriọvbe aro kevbe avbe emọ ni i mwẹ erha kevbe ẹgbẹe. Wa dobọ emwa ni ma rukhọ ne a gbele yi vbe otọe na. Wa dobọ avbe ẹbọ ọvbehe ne uwa ga yi, te ọnii ra miẹn uwa uhunmwu.

Diuteronomi 11:28

sokpan ihẹn a deghẹ wa ma ya avbe uhi na ruemwi, wa na fi iyeke werriẹ ne uwa ya gha ga avbe ẹbọ ọvbehe ne uwa ma he ka ga ẹdẹ.

Diuteronomi 13:7

Ọkpa vbe uwu iran sẹtin gha kọe ye uwẹ ekhọe ne u gha gho avbe ẹbọ emwa ne uwa gba yin kegbe ra ne ọ rre urria.

Diuteronomi 5:7

“ ‘Ghẹ ga osa ọvbehe vbe ẹ i re imẹ.

Diuteronomi 8:19

Wa ghẹ ya mu aro da ẹbọ ọvbehe gha gho, ra ne uwa gha ga iran vbene uwa na mianmian e Nọyaẹnmwa Osanobua rua. Wa gha danmwẹ ọẹn, ne I tama uwa ẹrẹna wẹ ta a ra fuẹn uwa a.

Jọsua 23:7

Ne uwa ghẹ ya gha gu emwa na ne a sẹrae ye uwu ẹbu uwa mu obọ, ra ne uwa gha ya unu kan eni ẹbọ iran, ra ne uwa gha ya eni iran yan eyan, ra ne uwa gha gho iran ra ne uwa gha ye uhunmwu rhanmwẹ otọ ne iran.

I Jọn 5:21

Ivbi mwẹ, wa gha lẹ ne ẹbọ ohoghe.