Diuteronomi 6:13 - Edo Bible (E Baibol Ẹdo) Version 1996

¹³ E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Diuteronomi 6:13 ပူးပေါင်းရင်းမြစ်များ

Gẹnẹsis 24:3

I ho ne u vẹn ihẹn ya yan ma mwẹ vbe odaro Nọyaẹnmwa ne ọre Osanobua ọghe ẹrinmwi kevbe agbọn wẹẹ, u i ra rhie okhuo ne ovbi mwẹ vbe Kenan ẹvbo ne I ye na.

II Ọba 17:36

Wa ghi gha họn ẹmwẹ mẹ, mẹ ne Nọyaẹnmwa ne ọ viọ uwa ke Igipt ladian vbe iwegbe kevbe ẹtin nọkhua, mẹ ọre uwa gha ya uhunmwu kan otọ na, wa ghi vbe zọ ese ya ru mwẹ.

Psalm 15:4

Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Psalm 63:11

Ọba gha ghọghọ rhunmwuda Osanobua gie ẹe khọnmiotọ, iran ni ya eni Osanobua yan eyan gha rho ẹre sokpan a gha gue avbe ọhọn ohoghe unu.

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Ẹksọdọs 23:25

Wa gha ga imẹ e Nọyaẹnmwa Osanobua uwa, I gha vbe ye amẹ kevbe evbare sẹ uwa ọkẹn, I ghi vbe viọ avbe emianmwẹ hia hin ehe ne uwa ye rre.

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Aizaia 65:16

Ọmwaikọmwa ne ọ ghi nọ afiangbe vbe otọe nii, Osanobua ẹmwata ọ re ọ ra wẹ, ne ọ fiangbe irẹn. Ọmwaikọmwa ne ọ vbe vẹn ihẹn eni Osanobua ẹmwata nii ọ re ọ ra vbe ya vẹn ọẹn. Orueghe ọghe ẹghẹ ne ọ gberra gha fo, a ghi vbe mianmian ẹn.”

Jerimaia 12:16

Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Jerimaia 5:2

A gha rhe miẹn wẹ wa kha wẹ wa ga e Nọyaẹnmwa, ọdẹn ọ re uwa ya ẹe gbe kẹkan.

Jerimaia 5:7

E Nọyaẹnmwa keghi nọọn wẹẹ, “Vbọzẹ ne I gha na ya orukhọ emwa mwẹ bọ iran yi. Iran hee mwẹ yotọ nẹ, iran keghi ya gha ga ẹbọ ne ẹ i re emwirhọkpa. I kokoo emwa mwẹ ne ẹko vuọn iran. Sokpan, iran keghi ya gha ru ọghe, iran vbe igberagia keghi gba gha mu yọ mu hin.

Levitikọs 19:12

Ghẹ ya eni mwẹ ru eyan a deghẹ ẹ i re te u ho ne u mu ẹẹn sẹ, te ọnii fa eni mwẹ uan. Mẹ ọre Nọyaẹnmwa Osanobua rua.

Matiu 4:10

Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

Matiu 5:33

“Wa họn ẹn vbene a tama emwa hẹ ẹghẹ nẹdẹ wẹẹ, ‘U gha yan eyan, u ghi muẹn sẹ, u gha ya ihen ve emwi ye urhu vbe odaro Nọyaẹnmwa, ghe mwẹ u ma ruẹe.’

Iyẹn ne ọ Maan Ọghe Luk 4:8

Jesu wanniẹn tama rẹn wẹẹ, “Ebe khare wẹẹ, ‘Osanobua Nọyan ruẹn ọkpa uwẹ gha gaa, ne u gha vbe gha ye uhunmwu rhanmwẹ otọ na!’ ”

Diuteronomi 10:12

“Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 13:4

Lele Nọyaẹnmwa, ne u vbe gha mu ohan rẹn; gha họn ẹmwẹ ne ẹẹn ne u vbe gha lele iyi ẹre, gha ga ẹe ne u vbe gha re ne ọ gba ẹko ẹre.

Diuteronomi 13:5

Sokpan deghẹ akhasẹ ra ne ọ rhan otọ imina bu ruẹ rre wẹ, u sọtẹ ghe Nọyaẹnmwa, ọmwa ne ọ fan uwa vbe irri ke otọe Igipt ne uwa na te re ọviẹn ọmwa rre, wa ghi gbe ẹe rua. Ọmwa dan ọ re egbe ọmwa vberriọ khin, ọ ho ne ọ gban uwa hin vbene Nọyaẹnmwa wẹ ne u gha ru rre, rhunmwuda ọnii, te ọ kere ne a gbe ẹe rua. Odẹ vberriọ, wa gha sẹtin gbe ukhu ọkhọ vberriọ ua.

Diuteronomi 5:11

“ ‘Ghẹ so eni mwẹ ya gha ziba rhunmwuda mẹ ne Nọyaẹnmwa ne Osanobua ruẹ gha rri ọmwa ne ọ rhirhi lo eni mwẹ ọ ghe ihan oya.

Diuteronomi 5:29

Vbọ rrọọ nian akpawẹ erriọ ekhọe iran ra gha ye ẹdẹ, vbọrrọ akpawẹ iran gha lohan mwẹ ne iran vbe gha rhie uhi mwẹ mwẹ! Ne agbọn miẹn ehe na ma iran kevbe uniẹn ivbi iran ẹdẹdẹmwẹdẹ.

Diuteronomi 6:2

Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.

Jọsua 2:12

Banbanna nian, wa yan ma e Nọyaẹnmwa wẹ wa gha mu eyan uwa sẹ, ne uwa gbearoghe ẹgbẹe mwẹ zẹ vbene imẹ gbe aro ghe uwa, wa ghi vbe rhie emwi iyama yọ.

Jọsua 23:7

Ne uwa ghẹ ya gha gu emwa na ne a sẹrae ye uwu ẹbu uwa mu obọ, ra ne uwa gha ya unu kan eni ẹbọ iran, ra ne uwa gha ya eni iran yan eyan, ra ne uwa gha gho iran ra ne uwa gha ye uhunmwu rhanmwẹ otọ ne iran.

Jọsua 24:14

“Banbanna nian khekherriọ,” wa ya uhunmwu rhanmwẹ otọ ne Nọyaẹnmwa, “ne uwa ye ẹkoata gae vbe ẹmwata. Wa mianmian avbe ẹbọ ne avbe erha uwa odede te gha ghoo vbe Mẹsopotamia kevbe Igipt ne uwa gha ga e Nọyaẹnmwa, ọkpa kẹkan.

I Samuẹl 20:3

Sokpan, e Devid keghi wanniẹn wẹẹ, “Erha rẹn vbe ne u ho ẹmwẹ mwẹ hẹẹ ọ re ọ na wẹ rẹn I tama ruẹn emwi ne irẹn khian ru, rhunmwuda, ọ gha balọ uẹ gbe. I ye Nọyaẹnmwa ne ọ rrọọ vẹn ihẹn ma ruẹn wẹ agbanmwẹ idin ọ re I ye na.”

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”