Diuteronomi 6:12 - Edo Bible (E Baibol Ẹdo) Version 1996

¹² Wa ghi gie aro uwa da ẹe we wa ma mianmian e Nọyaẹnmwa ne ọ viọ uwa ke Igipt ladian vbe ehe ne uwa na te re eviẹn.

Diuteronomi 6:12 ပူးပေါင်းရင်းမြစ်များ

II Ọba 17:36

Wa ghi gha họn ẹmwẹ mẹ, mẹ ne Nọyaẹnmwa ne ọ viọ uwa ke Igipt ladian vbe iwegbe kevbe ẹtin nọkhua, mẹ ọre uwa gha ya uhunmwu kan otọ na, wa ghi vbe zọ ese ya ru mwẹ.

II Ọba 17:38

Wa ghẹ vbe mianmian ile ne I gu uwa ta.

Job 8:13

Emwa ni ma rẹn Osanobua yevbe avbe irunmwu nii, iran gha mianmian Osanobua ne idaehọ iran fo.

Psalm 103:2

Rho e Nọyaẹnmwa wẹ ekhọe mwẹ, ghẹ vbe mianmian vbene ọ mwẹ itohan hẹ.

Psalm 44:17

Ena hia ọ re ọ sunu vbe egbe mwa a gha rhe miẹn ighe ma ma mianmian an ra ne ima rra ile ne u gu ima ta.

Psalm 59:11

Ghẹ gbele iran an Osanobua, ne avbe emwa mwẹ ghẹ ya mianmian, ya ẹtin ruẹn zagha iran an ne u khọn iran mutan, Nọyaẹnmwa ugue mwa.

Psalm 78:7

Vbe odẹ vbenian, iran gha mu ẹtin yan e Nọyaẹnmwa iran, i ra vbe mianmian iwinna ne ọ winnaẹn, iran ghi gha ya uhi ẹre, ru emwi vbe ẹghẹ hia.

Ẹksọdọs 13:14

Ọ gha ghi sẹ ẹghẹ nii, a deghẹ ivbi uẹ ghi nọọn wẹẹ, ‘Vbe a ya ena kha yi?’ U ghi wanniẹn tama rẹn wẹẹ, ‘Ẹtin nọkhua ọre Nọyaẹnmwa ya viọ ima ke otọe Igipt ne ima na gha re eviẹn ladian.

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Itan 30:9

I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Aizaia 17:10

Izrẹl, wa mianmian Osanobua ne ọmwa ne ọ fannọ uwa kua, ọ na degue uwa zẹ vbe okuta nọkhua. Wa keghi ya gha fian erhan gbọọ, ne uwa miẹn ehe na gha ga ẹbọ ẹrrẹe vbe evba.

Aizaia 51:13

Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Jerimaia 34:13

ne Osanobua Izrẹl na tama mwẹ, wẹ ne I ya khama avbe emwa nii wẹẹ, “Ẹghẹ ne I na viọ avbe erha uwa odede ke Igipt ladian, I gu iran taa ile, I keghi fannọ iran ke ọviẹn ladian. I keghi tama iran wẹ,

Hozia 2:13

I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Nọmbas 15:39

Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Diuteronomi 32:18

Iran mianmian Osanobua iran, ọmiọnmwafan iran nọkhua ọmwa ne ọ rhie arrọọ ne iran.

Diuteronomi 4:23

Wa ghi da ẹe yi ighẹ uhi ẹre, wa ghẹ ma amazẹ rhọkpa ne egbe uwa.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 8:10

A gha miẹn egbe evbare ne uwa a rhirhi gha ho ne uwa re, wa ghi kpọnmwẹ Nọyaẹnmwa Osanobua rua ye otọe esiesi ne ọ mu ne uwa.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

Giọgis 2:12

Iran keghi fi iyeke gbe ugamwẹ e Nọyaẹnmwa ne Osanobua avbe erha iran odede, Osanobua ne ọ viọ iran ke otọe Igipt ladian. Iran keghi suẹn gha gho avbe ẹbọ ọvbehe, ẹbọ avbe emwa ni lẹga iran. Iran kegha ya uhunmwu rhanmwẹ otọ ne avbe ẹbọ na, iran na ya ohu mu e Nọyaẹnmwa.