Diuteronomi 6:11 - Edo Bible (E Baibol Ẹdo) Version 1996

¹¹ Avbe owa ni rrọọ ghi vuọn ne emwi esiesi ne uwa ma viọ yọ, avbe uhae ne uwa na fian, deba ugbo azara kevbe ọghe ọliv ne uwa ma kọ. E Nọyaẹnmwa ghẹ ghi viọ uwa sẹ otọ na nẹ ighẹ te uwa ghi miẹn emwi ne uwa a rhirhi gha ho gha re.

Diuteronomi 6:11 ပူးပေါင်းရင်းမြစ်များ

Nehimaia 9:25

Emwa ruẹn khọn avbe ẹvbo ne a gbe ekẹn gaa, otọe esiesi kevbe, owa ni vuọn ne emwi ẹfe, avbe uhae ne a fian ye otọ nẹ. Avbe erhan oliv, erhan ni mọ ọmọ kevbe avbe ogba azara iran rri evbare nẹ ọ khọn iran, iran na gha ti ye egbe, iran ke ya emwi ne u viọ ne iran gha ku obọ ye uwa.

Psalm 105:44

Ọ mu otọe emwa ọvbehe ne iran ọ na vbe gie iran munọ ugbo iran.

Diuteronomi 11:15

Kevbe irunmwu ne ẹmila uwa, wa ghi vbe gha mwẹ evbare ne uwa ho hia.

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.

Diuteronomi 19:1

“Nọyaẹnmwa ghẹ ghi fuẹn iran an nẹ ighẹ avbe emwa ne ọ ra mu ẹvbo iran ne uwa, ighẹ wa vbe munọ ẹvbo iran ke owa iran nẹ, wa na ghi gbe ẹkun sẹ otọ vbe evba.

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Jọsua 24:13

I keghi mu otọ ne uwa ma miẹn ẹsọn yi ne uwa, deba ẹvbo ne uwa ma bu. Evba wa ye na, wa gha rri ọmọ erhan ne a ya ru ayọn ne ọ baa vbe erhan ẹnrẹn kevbe oliv vbe erhan ne uwa ma kọ.”

Giọgis 3:7

Ivbi Izrẹl keghi mianmian e Nọyaẹnmwa ne Osanobua iran, iran na ru orukhọ ghe ẹre, iran kevbe gha gho avbe Bal kevbe Asiẹrra.