Diuteronomi 6:1 - Edo Bible (E Baibol Ẹdo) Version 1996

¹ “Ena ọrọre avbe uhi ne Nọyaẹnmwa Osanobua tama mwẹ ne I ma uwa ẹre. Wa ghi gha ya iran ru emwi vbe otọe ne uwa ra lao ne uwa ya yin na.

Diuteronomi 6:1 ပူးပေါင်းရင်းမြစ်များ

Ẹksọdọs 21:1

“Uhi na u ra gbe ma ivbi Izrẹl:

Ẹksọdọs 23:13

Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Ezikiẹl 20:19

“Mẹ ọrọre Nọyaẹnmwa ne Osanobua rua. Wa gha ya uhi mwẹ kevbe iyi mwẹ ru emwi.

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Levitikọs 27:34

Ena ọrọre uhi ne Nọyaẹnmwa viọ ne Mosis vbe oke Sainai ne ọ viọ ne ivbi Izrẹl.

Nọmbas 36:13

Enena ọrọre emwamwa kevbe ilele ne Nọyaẹnmwa viọ ne Mosis viọ ne ivbi Izrẹl vbe avbe otọe ne ọ rriẹe ọghe Moab vbe a la Jẹriko fian Ẹzẹ Jọdan rra.

Diuteronomi 12:1

“Banbanna nian, wa danmwẹ ehọ uhi ne uwa ra gha ya ru emwi vbe ẹghẹ ne uwa a rhirhi ya vbe otọe ne Nọyaẹnmwa Osanobua avbe erha uwa odede ra mu ne uwa.

Diuteronomi 3:18

“Ẹghẹ ni ọ re I na vbe rhie igiodẹ na ne iran wẹẹ: ‘E Nọyaẹnmwa Osanobua mwa ọ re ọ mu otọe nii ne uwa vbe ahọ Jọdan ne uwa yin ẹnrẹn. Banbanna nian, wa gbalọ ivbi iyokuo uwa egbe okuo, ne uwa gie iran fian Jọdan rra ke odaro ẹwae ivbi Izrẹl nekpa ne iran ya yi iran obọ ya gbe ẹkun sẹ otọ yin otọe iran.

Diuteronomi 33:3

E Nọyaẹnmwa ho ẹmwẹ emwa ẹnrẹn, ọ keghi vbe degue iran ni re ọghe ọe. Rhunmwuda ọnii, ma ghughẹrre vbe owẹ ọre a na ya uhi ẹre gha ru emwi.

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

Diuteronomi 4:14

E Nọyaẹnmwa tama mwẹ wẹ ne I ma uwa uhi hia ne uwa gha ya gha ru emwi vbe otọe nii ne uwa ra gu khọn ne uwa vbe yin ẹnrẹn.

Diuteronomi 4:45

Ọ keghi viọ avbe uhi na ma ima vbe iran lahin Igipt rre nẹ vbe iran rre odẹ ahọ Ẹzẹ Jọdan vbe iya ne ọ mu aro da ẹvbo Betpeọ, otọe Saihọn ne ọba ivbi Amọri ọ re ọna ye, Hesbọn ọ re ọ ke gha khaemwisẹ rre. E Mosis kevbe ivbi Izrẹl keghi khọn miẹn ẹre otọ vbe iran ke Igipt ladian nẹ.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Diuteronomi 6:2

Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.