Diuteronomi 5:29 - Edo Bible (E Baibol Ẹdo) Version 1996

²⁹ Vbọ rrọọ nian akpawẹ erriọ ekhọe iran ra gha ye ẹdẹ, vbọrrọ akpawẹ iran gha lohan mwẹ ne iran vbe gha rhie uhi mwẹ mwẹ! Ne agbọn miẹn ehe na ma iran kevbe uniẹn ivbi iran ẹdẹdẹmwẹdẹ.

Diuteronomi 5:29 ပူးပေါင်းရင်းမြစ်များ

I Krọnikol 29:18

E Nọyaẹnmwa ne Osanobua avbe erha mwa odede, Ebraham, Aizik kevbe Jekọb, gie ekhọe ne a ya ga vberriọ gha digiẹ yọ vbe uwu emwa ruẹn rhinrin, ne u gie ekhọe iran gha la ghe ọwuẹ vbe ẹghẹ hia.

Psalm 106:3

Afiangbe ọrọre ọghe iran, ni mu iyi ẹre sẹ, iran ni ru emwi ne ọgbae vbe ẹghẹ hia.

Psalm 19:11

Iran rhie irẹnmwi ne imẹ ne ọguọmwadia ruẹ, i rri ere ẹre vbe i a ya ẹe ru emwi.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Psalm 78:7

Vbe odẹ vbenian, iran gha mu ẹtin yan e Nọyaẹnmwa iran, i ra vbe mianmian iwinna ne ọ winnaẹn, iran ghi gha ya uhi ẹre, ru emwi vbe ẹghẹ hia.

Psalm 81:16

Sokpan, I gha ya ọka ne ọ mose sẹẹ koko uwa I gha ya owọn oha sẹ uwa ọkẹn.”

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Jerimaia 42:6

Adeghẹ ọ yẹ ima ra ọ ma yẹ ima, ma gha ru vbene Nọyaẹnmwa Osanobua mwa khare ọmwa ne ima wẹ ne u na erhunmwu ghe ne ima. Emwi hia gha ma ima, adeghẹ ma họn ẹmwẹ ne ẹẹn.”

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Matiu 23:37

“Jerusalẹm, Jerusalẹm, wẹ ne ọ gbele avbe akhasẹ, u na vbe ye okuta gbele emwa ne Osanobua gie bu ruẹ gha dee! Inugba inugba I he te gha ho ne I tan obọ mwẹ ga emwa ruẹn zẹ vbene iye ọkhọkhọ tan ifuẹn gue ivbi ẹre, sokpan, u ma kue yọ.

Iyẹn ne ọ Maan Ọghe Luk 11:28

Sokpan Jesu wanniẹn wẹẹ, “Gie ta ẹe vbe nian wẹẹ, umiẹn egie ne iran ye ighe iran ni họn ẹmwẹ Osanobua iran na vbe ya ẹe ru emwi.”

Iyẹn ne ọ Maan Ọghe Luk 19:42

“Vbe ọ rrọọ nian wẹ te u rẹn emwi ne u gha ru yọ ẹrẹna, ne u miẹn ehe na gha rrọọ vbe ọfumwegbe. Sokpan ọ ma guẹ rẹn.

Iyẹn ne ọ Maan Ọghe Jọn 15:14

Erriọ nọ, ose mwẹ wa khin deghẹ wa da uhi mwẹ yi.

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Ẹfisọs 6:3

“Ne u miẹn ehe na maa kevbe ne u vbe tọ vbe otọe nii.”

Diuteronomi 10:12

“Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 11:1

“Wa ho ẹmwẹ Nọyaẹnmwa Osanobua rua, ne uwa vbe gha ya uhi ẹre hia ru emwi.

Diuteronomi 12:25

A deghẹ wa họn ẹmwẹ ne ẹn ẹko gha rhiẹnrhiẹn e Nọyaẹnmwa, agbọn ghi ma uwa kevbe avbe ivbi uwa.

Diuteronomi 12:28

Wa ya ẹkoata gha ru avbe emwi ne I tama uwa na, agbọn gha ma uwa ke ivbi uwa ẹdẹdẹmwẹdẹ rhunmwuda wa gha ru emwi ne o kere kevbe emwi ne ọ yẹ e Nọyaẹnmwa ne Osanobua rua.

Diuteronomi 19:13

“Wa ghẹ tohan rẹn, wa wabọ izigha na an vbe otọ Izrẹl ne agbọn miẹn ehe na ma uwa.

Diuteronomi 22:7

U sẹtin viọ ivbi ahianmwẹ negiẹrẹ nii, sokpan, u ghi gie iye ahianmwẹ nii gha rrie, ne u miẹn ehe na tọọ ne agbọn vbe ma ruẹn.

Diuteronomi 4:10

Vbene uwa mudia vbe odaro Nọyaẹnmwa hẹ vbe Oke Sainai, ẹkpo ne ọ na khama mwẹ wẹẹ, ‘Si avbe emwa ni koko. I ho ne iran họn ẹmwẹ ne I ra ta, ne iran miẹn ehe na gha mu ohan mwẹ iran te ya wu, ne iran vbe miẹn ehe na ma ivbi iran re ne iran gha mu ohan mwẹ.’

Diuteronomi 4:2

Wa ghẹ rhie te emwi ne I ma uwa ẹre, wa ghẹ vbe rhie hin rre. Wa gha mu uhi Nọyaẹnmwa Osanobua ne I rhie ne uwa sẹ.

Diuteronomi 4:40

Wa gha ya uhi ẹre hia ne I viọ ne uwa ẹre na ru emwi, ẹghẹ nii agbọn ghi gha ma uwa ma ivbi uwa. Wa ghi vbe gha yin otọe nii ne Nọyaẹnmwa Osanobua uwa mu ne uwa ne ọ gha re ọghe uwa ẹdẹdẹmwẹdẹ.”

Diuteronomi 5:16

“ ‘Gha ya ọghọ ne erha a kevbe iye uẹ zẹ vbene imẹ ne Nọyaẹnmwa Osanobua ruẹ tama ruẹn, ne agbọn miẹn ehe na ma ruẹn kevbe ne u vbe tọ vbe otọe ne imẹ ra mu nuẹn.

Diuteronomi 5:30

Ya khama iran ne iran werriegbe gha rrie uwu owa ukpọn iran.

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Diuteronomi 6:17

Gia miẹn wẹ wa ya uhi ne ọ viọ ne uwa ru emwi.

Diuteronomi 6:18

Wa gha ru ne Nọyaẹnmwa khare ighẹ ọgbae, ọ vbe kei, agbọn gha maa uwa. Wa gha sẹtin yan otọe ni ne ọ ma emwi okọ ne Nọyaẹnmwa ve avbe erha uwa odede re.

Diuteronomi 6:3

Wa rhie ehọ yọ wa ne ivbi Izrẹl, ne uwa vbe gha ya iran ruemwi! Ẹghẹ nii, agbọn gha ma uwa, wa ghi do khian okpẹvbo nọkhua, wa ghi vbe gha yin otọe esiesi ne ọ ma emwi okọ, zẹ vbene Nọyaẹnmwa ne Osanobua avbe erha mwa odede yan rẹn.

Diuteronomi 8:6

Rhunmwuda onii khekherriọ, wa gha ru vbene uhi e Nọyaẹnmwa khare, ne uwa vbe gha mu ohan rẹn.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Jems 1:25

Sokpan, ọmwa ne ọ gbe aro ke otọ ghe uhi ne ọ gbae ne ọ ya ọmwa khian nọyan egbe ẹre, ne ọ rhie ẹre ye ekhọe vbe ẹghẹ hia, ighẹ ẹ i re ne ọ gha danmwehọ nẹ, ọ mianmianẹn, sokpan ne ọ ya ẹe ru emwi, Osanobua gha fiangbe ọmwa vberriọ vbe emwikemwi ne ọ rhirhi gha ru.

Arhie Maan 22:14

Ọ maa ne iran ni họ ẹmwẹ iran huan sẹrriọ ne iran ghi na mwẹ ẹtin, ne iran gha ya re vbe ọmọ ne erhan ẹfe ni mọẹn, kevbe ne iran vbe la onurho la ẹvbo nii.

Ebe Rut 3:1

Ọ ghi kpee fua kherhe, e Naomi na tama e Rut wẹẹ, “Ovbi mwẹ, I gha gualọ ọdọ rhie ne uẹn ne u miẹn ehe na gbe ẹkun sẹ otọ vbe owa obọ ruẹ.