Diuteronomi 5:27 - Edo Bible (E Baibol Ẹdo) Version 1996

²⁷ Dọlegbe gha khian e Mosis, ne u danmwẹ ehọ ẹmwẹ hia ne Nọyaẹnmwa Osanobua mwa gha ta. U ghi dọlegbe bu mwa gha dee do tama mwa, ma gha danmwehọ ne a vbe ya ẹe gha ru emwi.’

Diuteronomi 5:27 ပူးပေါင်းရင်းမြစ်များ

Ẹksọdọs 18:20

U ghi vbe ma iran avbe iyi kevbe uhi Osanobua, u ghi vbe rhan otọ re vbene iran gha ya gha yin kevbe vbene iran gha ya ru emwi hẹ ma iran.

Ẹksọdọs 19:8

Emwa nii hia keghi ya urhu ọkpa kha wẹẹ, “Ma gha ru emwi hia ne Nọyaẹnmwa tae.” E Mosis na vbe ya khama e Nọyaẹnmwa vbene emwa nii kha hẹ.

Ẹksọdọs 20:18

Ugbẹn vbe emwa nii ghi họn avan ne ukhunmwu kevbe okpe ni vannọ, vbe iran ghi vbe miẹn ayan kevbe uhunmwu oke ne ọ gbe ighogho, iran kegha guọ zighazigha ne ohan, iran na mudia ye urria gban an.

Ẹksọdọs 20:19

Iran keghi tama e Mosis wẹẹ, “Wẹ gha gu ima guan ighẹ ma gha họn, sokpan afianma fian mwa wẹ, deghẹ Osanobua gu ima guan, ma gha wulo.”

Ẹksọdọs 24:3

E Mosis keghi ya gu emwa nii guan vbene Nọyaẹnmwa kha hẹ kevbe iyi ne ọ vbe yi. Emwa nii hia keghi koko wanniẹn wẹẹ, “Ma gha ru emwikemwi ne Nọyaẹnmwa kha re.”

Jerimaia 42:5

Ẹre iran na tama mwẹ wẹẹ, “E Nọyaẹnmwa ọrọre osẹe ima, adeghẹ ma ma ru vbene e Nọyaẹnmwa wa yi ẹre iyi ne ima hia fẹẹrẹ ne Nọyaẹnmwa la obọ ruẹ rhie ne ima.

Jerimaia 42:6

Adeghẹ ọ yẹ ima ra ọ ma yẹ ima, ma gha ru vbene Nọyaẹnmwa Osanobua mwa khare ọmwa ne ima wẹ ne u na erhunmwu ghe ne ima. Emwi hia gha ma ima, adeghẹ ma họn ẹmwẹ ne ẹẹn.”

Diuteronomi 5:26

De emwa ne ọ he ka họn vbe Osanobua ne ọ rrọọ guan ke uwu erhẹn rre ẹdẹ, ọ na ye vbe gha rre agbọn?

Diuteronomi 5:28

“E Nọyaẹnmwa ghi họn ọna, ọ keghi tama mwẹ wẹẹ, ‘I họn vbene iran na kha hẹ, ẹmwata iran ta ẹe.

Hibru 12:19

Urhu okpe kevbe owogho uvannọmwẹ. Ugbẹn vbe iran ghi họn urhu nii, iran keghi rinmwian wẹ, ne iran ghẹ ghi dọlegbe họn ifi ẹmwẹ ọkpa sẹẹ ọnii.

Jọsua 24:24

Emwa nii keghi khama e Jọsua wẹẹ, “Ma gha ga e Nọyaẹnmwa Osanobua mwa, ma gha vbe ya uhi ẹre gha ru emwi.”