Diuteronomi 5:14 - Edo Bible (E Baibol Ẹdo) Version 1996

¹⁴ sokpan ikpẹdẹ ne ogihinrọn, ẹdẹ ikẹtin ne a ya fiohan mẹ nọ. Ọmwa rhọkpa ghẹ winna vbe ẹdẹ nii, ọ re uwẹ tobọ ruẹ nọ, ra avbe ivbuẹ. ra eviẹn ruẹn ra emwirri ruẹ ra orhunmwuyẹn ni rre ẹvbo ruẹ.

Diuteronomi 5:14 ပူးပေါင်းရင်းမြစ်များ

Gẹnẹsis 2:2

Vbe ikpẹdẹ ne ogihinrọn, Osanobua keghi winna iwinna ne ọ gha winna hia fo, ọ keghi dobọ iwinna yi.

Nehimaia 13:15

Vbe ẹghẹ nii, I keghi miẹn emwa Juda vbe iran minọ alimo vbe Ẹdẹ Ikẹtin. Eso ọvbehe kegha kun ihẹ ọka, ayọn alimo, ọmọ ohọ kevbe ọvbehe yan ekẹtẹkẹtẹ iran ne iran viọ rrie Jerusalẹm. I keghi ya obọ sekhae ne iran wẹ ne iran ghẹ khiẹn emwi vbe Ẹdẹ Ikẹtin.

Nehimaia 13:16

Emwa eso ni ke Taia rre kegha rre Jerusalẹm. Iran viọ ehẹn kevbe emwi atẹ ọvbehe ni bun rre, ne iran do khiẹn ne emwa ima vbe Ẹdẹ Ikẹtin.

Nehimaia 13:21

I keghi ye obọ sekhae ne iran wẹẹ, “Wa ghẹ zẹdẹ mudia ye evba gha khẹ ne ẹdẹ gbe wa gha ye danmwẹ emwi na, I gha ye obọ ne ọ tọn mu uwa.” Ke ẹdẹ ne ẹdẹrriọ kpao, iran ma ghi rre vbe Ẹdẹ Ikẹtin.

Nehimaia 5:5

Ivbi agbọn ẹvbo ọkpa ọ re ima vbe avbe Ju ne ihomwa gba khin. Vbene ivbi iran maa sẹ ọ re ivbi ima vbe maa sẹ. Sokpan te ima ya ivbi ima ru ọviẹn. A khiẹnnẹ eso vbe uwu ivbi ima nikhuo eviẹn nẹ. Ọghe ima fo rhunmwuda, a miẹn ima ugbo kevbe ogba azara mwa.”

Ẹksọdọs 23:12

“Wa ghi ya ikpẹdẹ ehan winna sokpan vbe ikpẹdẹ ne ogihinrọn, wa ghẹ winna ne ẹmila uwa kevbe ekẹtẹkẹtẹ uwa miẹn ehe na hẹwẹ ne avbe eviẹn kevbe orhunmwuyẹn miẹn ehe na koko ẹtin.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Iyẹn ne ọ Maan Ọghe Mak 2:27

Jesu keghi kha wẹẹ, “Te a mwamwa Ẹdẹ Ikẹtin rhunmwuda ọmwa, a ma yi ọmwa ne Ẹdẹ Ikẹtin.

Iyẹn ne ọ Maan Ọghe Luk 23:56

Iran na dọlegbe gha rrie owa, iran keghi ya le ori ne ọ winhin kevbe emwi ne ọ winhin ọvbehe ne a ra ya wo egbe Jesu, ọ ghi sẹ Ẹdẹ Ikẹtin, iran keghi kẹtin zẹ vbe ne Uhi khare.

Diuteronomi 5:13

Ya ikpẹdẹ ehan winna iwinna ruẹn,

Hibru 4:4

Rhunmwuda vbe uwu ebe, iran guan kan ikpẹdẹ ne ogihinrọn, “Osanobua keghi hẹwẹ vbe iwinna rẹn hia.”