Diuteronomi 4:5 - Edo Bible (E Baibol Ẹdo) Version 1996

⁵ “I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Diuteronomi 4:5 ပူးပေါင်းရင်းမြစ်များ

Psalm 71:17

Ẹghẹ ne I na ye kherhe ọ re u na ma mwẹ re te I ye na iyẹn iwinna ọyunnuan.

Ẹksọdọs 18:20

U ghi vbe ma iran avbe iyi kevbe uhi Osanobua, u ghi vbe rhan otọ re vbene iran gha ya gha yin kevbe vbene iran gha ya ru emwi hẹ ma iran.

Jerimaia 11:6

Ẹre Nọyaẹnmwa na tama mwẹ wẹẹ, “Gha rrie avbe ore nọkhua ọghe Juda kevbe avbe idunmwu ni rre Jerusalẹm. Ya ta uhunmwu ne I giee vbe evba, ma emwa nii ne iran danmwehọ ẹmwẹ ne a ta ye nene ile, ne iran gha ya ẹe ru emwi.

Ezikiẹl 20:11

I yi iyi mwẹ ma iran, I keghi vbe ma iran uhi mwẹ ne ọ rhie arrọọ ne ọmwaikọmwa ne ọ yae ru emwi.

Levitikọs 19:19

“Gha ya uhi mwẹ ru emwi. Ghẹ gie emwirri ni i re ọkpa gha mu egbe ne iran miẹn ehe na biẹlẹ azẹguagua. Ghẹ kọ emwi okọ ughughan eva ye otọ okpa. Ghe rhuan ukpọn ne a ya emwi ughughan eva do.

Levitikọs 26:46

Ena ọrọre avbe nene uhi kevbe emwamwa ne Nọyaẹnmwa viọ ne Mosis vbe Oke Sainai ne ọ viọ ne ivbi Izrẹl.

Levitikọs 27:34

Ena ọrọre uhi ne Nọyaẹnmwa viọ ne Mosis vbe oke Sainai ne ọ viọ ne ivbi Izrẹl.

Levitikọs 7:38

Uhunmwu oke Sainai ọre Nọyaẹnmwa na viọ emwamwa na ne Mosis, vbe uwu ato vbe evba nii vbe ẹdẹ ne Nọyaẹnmwa tama ivbi Izrẹl wẹ ne iran zẹ ọhẹ rre.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iwinna 20:27

Rhunmwuda, emwamwa Osanobua hia, ọkpa ne I ke ya ne I ma tama uwa ẹ i rrọọ.

I Kọrinti 11:28

Rhunmwuda ọnii, ọ kere ne dọmwadẹ ọghọe gualọ otọ egbe ẹre nẹ, ọ ke do rri ebrẹd nii, ne ọ vbe da vbe ukpu nii.

I Kọrinti 15:3

Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.

Diuteronomi 11:32

Wa ghi gie a miẹn wẹ wa ya uhi hia ne I ra viọ ne uwa ẹrẹna ru emwi.

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

Diuteronomi 4:2

Wa ghẹ rhie te emwi ne I ma uwa ẹre, wa ghẹ vbe rhie hin rre. Wa gha mu uhi Nọyaẹnmwa Osanobua ne I rhie ne uwa sẹ.

Diuteronomi 4:4

Sokpan, wa hia ne ekhọe ẹre gu ọghe Nọyaẹnmwa Osanobua uwa ro, ye rre agbọn ẹrẹna.

Diuteronomi 4:40

Wa gha ya uhi ẹre hia ne I viọ ne uwa ẹre na ru emwi, ẹghẹ nii agbọn ghi gha ma uwa ma ivbi uwa. Wa ghi vbe gha yin otọe nii ne Nọyaẹnmwa Osanobua uwa mu ne uwa ne ọ gha re ọghe uwa ẹdẹdẹmwẹdẹ.”

Diuteronomi 5:1

E Mosis keghi tie ivbi Izrẹl hia si koko, ọ tama iran wẹẹ, “Wa ne ivbi Izrẹl, wa danmwẹ ehọ uhi hia ne I ra viọ ne uwa ẹrẹna. Wa ruẹ iran ne uwa vbe miẹn wẹ wa ya iran gha ru emwi.

Diuteronomi 6:1

“Ena ọrọre avbe uhi ne Nọyaẹnmwa Osanobua tama mwẹ ne I ma uwa ẹre. Wa ghi gha ya iran ru emwi vbe otọe ne uwa ra lao ne uwa ya yin na.

Diuteronomi 7:11

Rhunmwuda ọnii, wa ghi gha ya emwi ne a ma uwa re ru emwi, wa gha ya uhi hia ne I viọ ne uwa ẹrẹna ru emwi.

Diuteronomi 8:11

“Wa gie a miẹn wẹ wa ma mianmian e Nọyaẹnmwa Osanobua rua, wa ghẹ mwẹ wa ma gha ya uhi ẹre ne I ma uwa ẹre ẹrẹna ru emwi.

Hibru 3:5

Mosis kegha re ọmwa ne ọ gia mu ẹtin yan vbe igiowa Osanobua hia. Ọguọmwadia rẹn gha khin, ọ kegha ta ẹmwẹ emwi ne Osanobua ra do ta vbe ẹghẹ ne ọ dee.