Wa ghi mu ẹvbo ehan ne a gha lẹ fi ne avbe Livai, ehe ne ọmwa gha sẹtin lẹ gha rrie a deghẹ ọ gbe ọmwa ran vbe ne ẹi na re ẹmwẹ ọnrẹn, wa ghi vbe mu ẹvbo eva yan iyeva ọvbehe ba iran ẹre.
Wa ghi zẹ eha vbe uwu avbe ẹvbo nii. Wa ghi gha otọe ne e Nọyaẹnmwa ra mu ne uwa ye ukhukhu eha vbene ọkpa vbe uwu avbe ẹvbo na gha na gha rre ọkpọkpa vbọ ne ọmwa ne ọ gbe ọmwa ran miẹn ehe lẹ gha rrie ne a miẹn rẹn yi hin obọ ẹbe.
Ehe ne emwa gha sẹtin gha lẹ yo ne ọ gha na gha miẹn uhunmwu a deghẹ ọ gbe ọmwa ne iran i gba mwẹ egbe ẹzọ vbe ne ẹ i na re ẹmwẹ ọnrẹn. Ọ gha sẹtin lẹ gha rrie ọkpa vbe uwu avbe ẹvbo na, a i ghi gbe ẹe rua.