Diuteronomi 4:40 - Edo Bible (E Baibol Ẹdo) Version 1996

⁴⁰ Wa gha ya uhi ẹre hia ne I viọ ne uwa ẹre na ru emwi, ẹghẹ nii agbọn ghi gha ma uwa ma ivbi uwa. Wa ghi vbe gha yin otọe nii ne Nọyaẹnmwa Osanobua uwa mu ne uwa ne ọ gha re ọghe uwa ẹdẹdẹmwẹdẹ.”

Diuteronomi 4:40 ပူးပေါင်းရင်းမြစ်များ

Psalm 105:45

Ne avbe emwa rẹn, miẹn ehe na gha ya uhi ẹre ru emwi ne iran vbe rhie iyi ẹre hia mwẹ. Wa rho e Nọyaẹnmwa!

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Ẹksọdọs 23:26

Egbe i ra gu okhuo ro vbe ẹvbo uwa, a i ra vbe miẹn agan vbọ. I gha rhie ẹdagbọn ne ọ taẹn ne uwa.

Asan-Ibo 8:12

Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Aizaia 65:20

Ibiẹka i ra gha wulo ye emọ obọ, agbọn hia gha sẹ ẹdẹ ne ẹhi khare. Ọmwa ne ọ rre ukpo iyisẹn, a ghi ye gha kae ba igbama. Ọmwa gha wu ọ te sẹ vberriọ, ọnii rhie ma wẹ te I rri iran oya.

Jerimaia 11:4

Ile ne I gu avbe erha iran odede taa nọ, vbe ẹghẹ ne I na viọ iran ke Igipt ladian, otọe nii ne ọ yevbe ogidi erhẹn ne iran. I tama iran wẹ ne iran gha họn ẹmwẹ mẹ, kevbe ne iran gha ru emwi hia ne I tama iran. I keghi tama iran wẹ, iran gha họọn ẹmwẹ mẹ, iran ghi gha re emwa mwẹ, mẹ ghi vbe gha re Osanobua iran.

Jerimaia 35:18

Ẹghẹ nii ọ re I na tama ivbi uniẹn e Rekab wẹ e Nọyaẹnmwa ne Oghodua ne Osanobua Izrẹl khare wẹẹ, “Wa gele ru vbene Jonadab ne erha uwa odede tama uwa, igiodẹ ne ọ ru ma uwa, ọ re uwa wa lele, wa keghi vbe ru avbe emwi hia ne ọ wẹ ne uwa ru.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Jerimaia 7:7

Wa gha fiwerriẹ, I gha gie uwa gha rre otọe na ne I mu ne avbe erha uwa odede ne ọ gha re ọghe iran ẹdẹdẹmwẹdẹ.

Levitikọs 22:31

E Nọyaẹnmwa keghi kha wẹẹ, “Wa gha ya uhi mwẹ ru emwi, mẹ ọ re Nọyaẹnmwa.

Nọmbas 10:29

E Mosis keghi tama Hobab ne ovbi Jetro ne orruan rẹn ne ovbi Midian wẹẹ, “Te ima ghi ra kpao gha rrie ehe ne Nọyaẹnmwa khare ighẹ rẹn gha mu ne ima. Ọ yan mẹ wẹ rẹn gha ya Izrẹl khian ne ọ fee, lele ima gha dee, ma gha ghae ne uẹn vbe ẹfe ima.”

Iyẹn ne ọ Maan Ọghe Jọn 14:15

“Deghẹ wa ho ẹmwẹ mwẹ, wa gha họn ẹmwẹ mwẹ.

Ẹfisọs 6:3

“Ne u miẹn ehe na maa kevbe ne u vbe tọ vbe otọe nii.”

Diuteronomi 11:9

Wa gha vbe yin ẹnrẹn tọ ighẹ otọ esiesi ne ọ maa emwi okọ nii ne Nọyaẹnmwa ve ne irẹn mu ne avbe erha uwa odede kevbe ivbi iran.

Diuteronomi 12:25

A deghẹ wa họn ẹmwẹ ne ẹn ẹko gha rhiẹnrhiẹn e Nọyaẹnmwa, agbọn ghi ma uwa kevbe avbe ivbi uwa.

Diuteronomi 12:28

Wa ya ẹkoata gha ru avbe emwi ne I tama uwa na, agbọn gha ma uwa ke ivbi uwa ẹdẹdẹmwẹdẹ rhunmwuda wa gha ru emwi ne o kere kevbe emwi ne ọ yẹ e Nọyaẹnmwa ne Osanobua rua.

Diuteronomi 22:7

U sẹtin viọ ivbi ahianmwẹ negiẹrẹ nii, sokpan, u ghi gie iye ahianmwẹ nii gha rrie, ne u miẹn ehe na tọọ ne agbọn vbe ma ruẹn.

Diuteronomi 25:15

Wa gha lo emwi ne a ya mwa ihẹ ke ne a ya mwa avbe emwi ọvbehe ọghe ẹmwata ne uwa miẹn ehe na tọ vbe otọ ne Nọyaẹnmwa Osanobua rua ra mu ne uwa.

Diuteronomi 32:47

Iruẹmwi na ẹ i re ọghe ogbetalọ, arrọọ uwa fẹẹrẹ nọ, wa gha yae ru emwi, wa gha tọ vbe otọe nii ne ọ rre iyeke Jọdan, ne uwa ghi ra ya yin na.”

Diuteronomi 33:25

Te ọ gha ya onurho ematọn gba ogba ga avbe ẹvbo ẹre te ọ gha rrọ ẹghẹ hia vbe ne ai na fian afianma.

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

Diuteronomi 4:2

Wa ghẹ rhie te emwi ne I ma uwa ẹre, wa ghẹ vbe rhie hin rre. Wa gha mu uhi Nọyaẹnmwa Osanobua ne I rhie ne uwa sẹ.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Diuteronomi 4:6

Wa gha ya ẹmwata mu ehia sẹ, ọna gha rhie ẹwaẹn kevbe irẹnmwi uwa ma emwa ẹvbo ọvbehe. Iran gha họn avbe uhi na hia, iran gha kha wẹẹ, ‘Umiẹn vbe ẹwaẹn kevbe irẹnmwi emwa na kpọlọ hẹ!’

Diuteronomi 5:10

Sokpan I ghi rhie ahoẹmwọmwa mwẹ ma inu arriaisẹn ne ọ khin vbe uwu iran ni ho ẹmwẹ mwẹ, ni vbe ya uhi mwẹ ru emwi.

Diuteronomi 5:16

“ ‘Gha ya ọghọ ne erha a kevbe iye uẹ zẹ vbene imẹ ne Nọyaẹnmwa Osanobua ruẹ tama ruẹn, ne agbọn miẹn ehe na ma ruẹn kevbe ne u vbe tọ vbe otọe ne imẹ ra mu nuẹn.

Diuteronomi 5:29

Vbọ rrọọ nian akpawẹ erriọ ekhọe iran ra gha ye ẹdẹ, vbọrrọ akpawẹ iran gha lohan mwẹ ne iran vbe gha rhie uhi mwẹ mwẹ! Ne agbọn miẹn ehe na ma iran kevbe uniẹn ivbi iran ẹdẹdẹmwẹdẹ.

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Diuteronomi 6:18

Wa gha ru ne Nọyaẹnmwa khare ighẹ ọgbae, ọ vbe kei, agbọn gha maa uwa. Wa gha sẹtin yan otọe ni ne ọ ma emwi okọ ne Nọyaẹnmwa ve avbe erha uwa odede re.

Diuteronomi 6:3

Wa rhie ehọ yọ wa ne ivbi Izrẹl, ne uwa vbe gha ya iran ruemwi! Ẹghẹ nii, agbọn gha ma uwa, wa ghi do khian okpẹvbo nọkhua, wa ghi vbe gha yin otọe esiesi ne ọ ma emwi okọ, zẹ vbene Nọyaẹnmwa ne Osanobua avbe erha mwa odede yan rẹn.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.