Diuteronomi 4:38 - Edo Bible (E Baibol Ẹdo) Version 1996

³⁸ Vbene uwa ya gha khian sikẹ odaro, erriọ ọ re ọ ya gha khulo avbe okpẹvbo ni kọnkọn sẹ uwa kevbe ni vbe wegbe sẹ uwa ladian, ne ọ miẹn ehe na viọ uwa la uwu ẹre, ne ọ vbe mu otọe iran ne uwa, otọ ne uwa ye na do sẹ ẹdẹnẹrẹ na.

Diuteronomi 4:38 ပူးပေါင်းရင်းမြစ်များ

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Diuteronomi 11:23

Ẹghẹ nii rẹn gha khulo avbe okpẹvbo nii ladian, zẹ vbene uwa ya nana ghe odaro. Wa ghi vbe mu otọ okpẹvbo ni kpọlọ sẹẹ uwa ke ni vbe wegbe sẹ uwa.

Diuteronomi 2:31

“Ẹre Nọyaẹnmwa na tama mwẹ wẹẹ, ‘Ghe I wiẹghẹ Saihọn ne ọba kevbe otọe ẹre rua nẹ vbe odaro uwa, wa mu otọ ẹre ne uwa yin ẹnrẹn.’

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

Nọmbas 34:14

Ẹwae ọghe Riubẹn kevbe Gad kevbe obọkpa ne ọ laghe odẹ ahọ ọghe Manasẹ, ọghe iran sẹ obọ nẹ, ne a ghae ne iran zẹ vbe dọmwadẹ ẹgbẹe.

Nọmbas 34:15

Vbe odẹ ahọ ọghe Jọdan, ehe ne ọ na mu aro da e Jẹriko!”

II Krọnikol 20:7

wẹ ọrọre Osanobua ima. Ẹghẹ ne ivbi Izrẹl ne emwa ruẹn na si la otọe na, u keghi khulo emwa ni te ka rrọọ ladian, u keghi mu otọe na ne ivbi uniẹn Ebraham, ne ẹse ruẹ, ne ọ gha re ọghe iran ẹdẹdẹmwẹdẹ.

II Krọnikol 20:11

Ọna ọ re iran ghi ya san ima ẹse nian, iran rre ne iran do khulo ima hin otọe ne uwẹ mu ne ima rre.