Diuteronomi 4:34 - Edo Bible (E Baibol Ẹdo) Version 1996

³⁴ A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Diuteronomi 4:34 ပူးပေါင်းရင်းမြစ်များ

Psalm 136:12

Obọ ọre ne ọ wegbe kevbe ekuabọ ẹtin ẹnrẹn, etẹbitẹ ọ re ahoẹmwọmwa rẹn khin.

Psalm 24:8

De ọmwa ne ọ re ọba nọkhua na? Rẹn nọ ighẹ e Nọyaẹnmwa ne ọ wegbe kevbe ne ọ mwẹ ẹtin. E Nọyaẹnmwa ne ọ khọnmiotọ vbe okuo.

Psalm 78:12

Vbe odaro evbibiẹ iran, ọ re Osanobua na winna iwinna ọyunnuan, vbe otọe ne ọ rriẹe ọghe Zoan vbe otọe Igipt.

Ẹksọdọs 1:9

Ọ keghi tama emwa rẹn wẹẹ, “Wa ghee, avbe emwa na ighẹ ivbi Izrẹl bun sẹrriọ, iran vbe wegbe sẹrriọ wẹ te ima rhie uhunmwu mwẹ atataobọ.

Ẹksọdọs 10:21

E Nọyaẹnmwa keghi tama e Mosis wẹẹ, “Niẹn obọ ruẹ da odukhunmwu ne ebiebi ne ọ so sẹrriọ wẹ ọ ke ghi mwẹ imi so yan otọ Igipt.”

Ẹksọdọs 10:7

Ekhaẹmwẹ ọba Igipt keghi tama rẹn wẹẹ, “Inu ẹghẹ oko na ra kpokpo ima la vbe otọe yi? Gie ivbi Izrẹl nikpia kpao ne iran ya ga e Nọyaẹnmwa ne Osanobua iran. Wẹ ma he ye rẹn nian ighẹ Igipt khian ne ọ rẹnkhẹn uan?”

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 14:30

Vbe ẹdẹ ne ẹdẹrriọ, e Nọyaẹnmwa keghi miẹn ivbi Izrẹl fan vbe obọ ivbi Igipt. Ivbi Izrẹl keghi miẹn ikun iran vbe otọ lele ọkpẹn okun.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 19:4

“Wa miẹn emwi ne I ru ivbi Igipt re, vbene I na mu uwa zẹ vbene oghohọn mu ovbi ẹre vbe ifuẹn ọnrẹn, I na viọ uwa gha die ehe ne I ye.

Ẹksọdọs 3:10

Banbanna nian, I ra giọ bu e ọba Igipt ne u ya viọ ivbi Izrẹl ne emwa mwẹ ke Igipt ladian.”

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Ẹksọdọs 7:3

Sokpan, I gha ru ẹe ne ọba ze vbe udu, uhin vbe I gha ye winna iwinna ọyunnuan kevbe ọghe ama nibun nẹ vbe Igipt.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Jerimaia 21:5

I gha ye ye ẹtin mwẹ hia, ohu mwẹ hia, izohu mwẹ hia kevbe okuosu mwẹ hia gu uẹ gbinna.

Jerimaia 32:21

“U ye iwinna ama kevbe ọyunnuan runran avbe eghian mwa, u keghi ya ẹtin kevbe iwegbe ruẹ viọ emwa ruẹn ighe ivbi izrẹl ladian vbe Igipt.

Nọmbas 20:16

Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na.

Diuteronomi 1:30

Nọyaẹnmwa Osanobua rua gha ke odaro ne uwa, ọ gha vbe gbinna ne uwa vbene aro uwa vbe sọe ighẹ ọ ru ẹe vbe Igipt.

Diuteronomi 10:21

Wa gha rho ẹre, Osanobua rua nọ, aro uwa vbe sẹ emwi nọkhua kevbe ne ọ yan mwa unu uan ne ọ ru ne uwa.

Diuteronomi 11:2

Wa yerre nian emwi ne uwa he ruẹ vbe kpa e Nọyaẹnmwa vbene aro uwa ghi he vbe miẹn emwi sẹ vbe ehe ne ọ ye. Wa ọ re aro ẹre sẹ avbe emwi na i ghẹ ẹ i re avbe ivbi uwa. Wa miẹn ukpọlọmwẹ e Nọyaẹnmwa kevbe ẹtin kevbe iwegbe ẹre.

Diuteronomi 26:8

Ọ keghi ye ẹtin iwegbe ẹre nọkhua miẹn mwa fan hin obọ ivbi Igipt rre. Ọ winna iwinna ama kevbe ọyunnuan. Ọ na gie emwi ni mu ohan ni bun sunu.

Diuteronomi 29:3

Wa miẹn egboghogbogho ugborrirri kevbe iwinna ọyunnuan kevbe iwinna ama ne Nọyaẹnmwa winna ẹn.

Diuteronomi 33:29

Izrẹl, a miẹn uwa ne u ghi ye ọmwa ne ọ yevbe ruẹ i rrọọ, ẹvbo ne Nọyaẹnmwa miẹnfan. E Nọyaẹnmwa tobọ re ọrọre asa kevbe umozo ọwua ne ọ gha degue ruẹ do khọnmiotọ ne uẹn. Eghian uwa gha rre do rinmwian ye itohan, wẹ gha ye owẹ rrilo iran mu otọ.”

Diuteronomi 34:12

A ma he miẹn akhasẹ ne ọ he ru iwinna nekhua ni yan ọmwa unu uan ne Mosis winna ẹn vbe odaro ivbi Izrẹl hia.

Diuteronomi 5:15

Yerre we eviẹn wa te vbe gha khin vbe otọ Igipt, kevbe wẹ mẹ ne Nọyaẹnmwa Osanobua ruẹ ọ re ọ ye ẹtin kevbe iwegbe mwẹ nọkhua fan uwa vbe irri. Ọnii ọ zẹe ne I na wẹ ne uwa gha zẹ nene ẹdẹ kọ ya hẹwẹ.

Diuteronomi 6:21

Ẹghẹ nii, wa ghi tama iran wẹẹ, ‘Eviẹn ọba Igipt ma te gha khin, e Nọyaẹnmwa keghi ya ẹtin ẹnrẹn nọkhua miẹn ima fan.

Diuteronomi 7:19

Wa ye avbe egboghogbogho ne uwa ye aro uwa miẹn hia rre, avbe iwinna ama kevbe ọyunnuan kevbe ẹtin vbe iwegbe ne Nọyaẹnmwa Osanobua uwa ya fannọ uwa vbe irri. Ọ gha fuẹn avbe emwa na hia ne uwa mu ohan rẹn na, zẹ vbene ọ vbe fuẹn emwa Igipt.

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’

Jọsua 24:7

Iran ghi ye ekhọe hia na erhunmwu ghe mwẹ, I keghi mu ebiebi ye ẹkpo iran kevbe ivbi Igipt. I keghi gie okun lẹ yan ivbi Igipt, ọ na rhu iran ginna otọe. Wa miẹn emwi ne I ru Igipt re, “Wa kevbe di uwu ato ya la ẹghẹ ne ọ taẹn.

I Pita 5:6

Rhunmwuda ọnii nian, gha mu egbe rri otọ vbe odaro obọ ẹtin nọkhua ọghe Osanobua, ne irẹn miẹn ehe na tọn ọn mu vbe ẹghẹ ne ọ keyi vbe aro ẹre.