Diuteronomi 4:3 - Edo Bible (E Baibol Ẹdo) Version 1996

³ Wa tobọ uwa miẹn emwi ne Nọyaẹnmwa ru vbe Oke Peọ. Ọ keghi fuẹn emwa hia ni gho e Bal rua vbe evba nii.

Diuteronomi 4:3 ပူးပေါင်းရင်းမြစ်များ

Ezikiẹl 20:18

I keghi ya obọ sekhae ne avbe igbama ni rrọọ wẹẹ: Wa ghẹ ya avbe uhi ne avbe erha uwa odede mu yotọ ru emwi, wa ghẹ lele avbe emwi ne iran ru dee ẹdẹ, ra ne uwa ya ye avbe amazẹ gha mu awua ye egbe uwa egbe.

Hozia 9:10

E Nọyaẹnmwa khare wẹẹ, “Ẹghẹ ne I na ka miẹn Izrẹl, ọ keghi ye vbe ne a miẹn erhan azara ne ọ zọ ye uwu ato. Ẹghẹ ne I na ka miẹn avbe erha uwa odede, ọ keghi yevbe ne a miẹn ọmọ ne ọ vbo ro ne erhan azara ka gha mọ vbe ẹghẹ ọre. Sokpan, iran ghi sẹ Oke Peọ, iran na suẹn gha gho e Baal, wanwanna, iran keghi do gha re emwi osọnnọ zẹ vbene ẹbọ ne iran ho ẹmwẹ ọnrẹn ye.

Nọmbas 26:64

Orhiọn ọkpa irrọ ne Mosis kevbe Errọn sẹrae ne a ma ka vbe Ato Sainai.

Nọmbas 31:16

Wa yerre wẹ, avbe ikhuo ọre ọ ru vbene Balam khare, iran na kpikpi emwa ni ru emwi ni ma kei ghe Nọyaẹnmwa vbe Peọ. Ọnii ọ re ọ mu egboghogbogho la uwu ẹbu emwa e Nọyaẹnmwa.

Diuteronomi 11:7

Ẹn, wa na ọ re aro ẹre sẹ iwinna nekhua ne Nọyaẹnmwa winnaẹn.

Diuteronomi 4:4

Sokpan, wa hia ne ekhọe ẹre gu ọghe Nọyaẹnmwa Osanobua uwa ro, ye rre agbọn ẹrẹna.

Jọsua 22:17

Wa ye orukhọ ne a ru vbe Peọ rre, ne e Nọyaẹnmwa na ya egboghogbogho rri emwa hia oya. Te ima ye rrioya ba ẹmwẹ onii na. Orukhọ nii ma he sẹ ra?