Diuteronomi 4:27 - Edo Bible (E Baibol Ẹdo) Version 1996

²⁷ E Nọyaẹnmwa gha zagha uwa a lele uwu agbọn ẹvbo ọvbehe, Ibozẹghẹ ọ ra miẹn uhunmwu vbe uwu uwa vbe odọ niii.

Diuteronomi 4:27 ပူးပေါင်းရင်းမြစ်များ

Gẹnẹsis 11:4

Ẹghẹ nii, iran ghi na kha wẹẹ, “Wa gie ima do bọ owa ima, ne ogogoro ne Ọ rrọ wa yo sẹ iso, ma ghi ru ọkhae ne egbe mwa, ne a ghe ya tagha ima lele otọ agbọn hia.”

Gẹnẹsis 34:30

E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”

Nehimaia 1:3

Iran keghi tama mwẹ wẹ uwu ọlọghọmwa nọkhua ọ re iran ye ighẹ iran ni miẹn uhunmwu ya sẹ owa, kevbe wẹ avbe erhunmwuyẹn ni yin lẹga iran I zẹdẹ ghe iran sọmwa, iran kevbe tama mwẹ wẹ te ekẹn ne a gbe gaa e Jerusalẹm he ye rẹnkhuan kevbe wẹ a ma he ye dọlegbe bọ onurho ẹre ke ẹghẹ ne iran ya giẹn ọnrẹn gha dee.

Psalm 106:27

Rẹn ghi vbe zagha ivbi iran gba ẹbu avbe ni ma yayi, ọ ghi vbe gie iran wulo ye ẹvbo ẹrrẹe.

Psalm 44:11

U gie iran lọkọ ima an zẹvbe ohuan u zagha ima kua lele ẹvbo ẹrrẹe.

Psalm 44:12

U khiẹnnẹ emwa ruẹn ọpuẹkẹ kua vbene a miẹn wẹ ive tunnẹ ọre u tie ye iran uhunmwu.

Aizaia 17:6

Ibozẹghẹ ọ re ọ khian miẹn uhunmwu. Izrẹl gha do yevbe erhan oliv ne a kọlọ ọmọ rẹn fo, a na ghi sẹẹ eva ra eha rae ye ọre uhunmwu, ra ezaghazagha ne a sẹrae ye ọre abọ ni rre ototọ. Mẹ ne Nọyaẹnmwa ne Osanobua Izrẹl ọ re ọ tae.”

Jerimaia 16:13

Rhunmwuda ọnii, I gha filo uwa kua hin otọe na rre, gha rrie ẹvbo ne avbe erha uwa odede kevbe uwa tobọ, uwa ma rẹn. Evba wa gha na ya gha gho avbe ẹbọ ọvbehe ke avan ke asọn, I i ra vbe tohan uwa hiehiere.’ ”

Ezikiẹl 11:16

Banbanna nian, tama avbe ihua ne uwa gba rre iwe vbene I kha hẹ. Mẹ ọre ọmwa ne ọ viọ iran gha rrie ẹvbo ne ọ rrei ne iran gha rre odọ, I keghi vbe zagha iran gba ẹvbo ọvbehe hia. Sokpan, vbe ọghe banbanna, I gha gu iran gha rrọ vbe ẹvbo ne iran ye.

Ezikiẹl 12:15

“I gha zagha iran ku uwu ẹbu uhunmwu ẹvbo nekpa nẹ, kevbe ẹvbo ẹrrẹe, iran gha rẹn wẹ mẹ ọrọre Nọyaẹnmwa.

Ezikiẹl 20:23

“Rhunmwuda ọnii, I keghi vbe yan eyan ọvbehe vbe uwu ato vbe evba. I keghi yan wẹ, I gha zagha iran kua lele ehehia vbe otọ agbọn.

Ezikiẹl 22:15

I gha zagha emwa ruẹn gba otọ kevbe uhunmwu ẹvbo hia, I ghi kie ẹre ukpe ighe emwi dan ne uwa ru.

Ezikiẹl 32:26

“E Mẹsiẹk kevbe Tubal, rre evba, vbe ne idin ọghe ivbiyokuo iran na lẹga iran. Erhọkpa ma rhuẹ, okuo ọ re a na gbele iran. Vberriọ, vbe ẹghẹ ọkpa ne ọ gberra, te iran gha runran emwa nagbọn.

Daniẹl 9:7

Nọyaẹnmwa, emwi ne ọ gbae ọ re uwẹ ru vbe ẹghẹ hia, sokpan, ẹghẹ hia ọ re ima ya fa egbe ima an. Erriọ ọ re ọ wa ye ne iran ni rre Judia kevbe Jerusalẹm, kevbe avbe ivbi Izrẹl hia ne uwẹ zagha lele avbe ẹvbo ni khian rrei kevbe ni sikẹ owa rhunmwuda, iran ma mudia ke uẹ ẹse.

Hozia 9:17

E Nọyaẹnmwa ne imẹ ga gha he avbe emwa rẹn yotọ, rhunmwuda iran ma danmwehọ ẹre, iran gha khian emwa ni ghi ghogho yo ghogho rre vbe ẹvbo ọvbehe.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Diuteronomi 28:36

“E Nọyaẹnmwa gha viọ uwa kevbe avbe ọba uwa gha rrie ẹvbo ẹrrẹe, ehe ne uwa kevbe avbe erha uwa odede ma he yin ẹdẹ, evba wa ghi na ya ga avbe amazẹ ne a ya erhan kevbe okuta ma.

Diuteronomi 29:28

Ohu keghi kakabọ mu e Nọyaẹnmwa, vbe uwu ohu ẹre nii, ọ keghi kpọlọ iran hin otọe iran rre, ọ na filo iran ku ẹvbo ẹrrẹe, evba iran ghi ye ẹrẹna.’

Diuteronomi 30:3

Ẹghẹ nii, e Nọyaẹnmwa Osanobua rua gha tohan uwa. Ọ ghi viọ uwa werriegbe ke ẹvbo ne ọ zagha uwa yi gha dee, ọ ghi dọlegbe gie agbọn ma uwa.

Diuteronomi 32:26

Te I gha te fuẹn iran an fẹẹrẹ, ne a ghẹ ghi ye iran rre ọvbehe.