Diuteronomi 4:26 - Edo Bible (E Baibol Ẹdo) Version 1996

²⁶ Wa gha ru emwi na, I tie ẹrinmwi kevbe agbọn vbe osẹe ẹre na, wẹ wa gha rherhe gbẹro vbe otọ na. Wa i khian tọ vbe otọe ne ọ rre vbe a gha fian Jọdan rra ne uwa ra ya yin na. Te a ra wa fuẹn uwa fo fẹẹrẹ.

Diuteronomi 4:26 ပူးပေါင်းရင်းမြစ်များ

Gẹnẹsis 19:13

Rhunmwuda ma ra fuẹn emwa na an. E Nọyaẹnmwa họn iyẹn dan ne a na vbekpa iran na, ọ keghi gie ima ne a do fuẹn Sọdom ruan.”

I Ọba 9:7

ẹghẹ nii I ghi viọ ivbi Izrẹl ne emwa mwẹ hin otọe ne I mu ne iran rre. I ghi fi iyeke gbe Ọgua Osa na ne I ya khian ne ọ huanrẹn ne a ya gha ga mwẹ, emwa hia ghi gha giẹ Izrẹl vbe ehe hia, iran ghi vbe gha yagha ẹe.

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 16:13

Rhunmwuda ọnii, I gha filo uwa kua hin otọe na rre, gha rrie ẹvbo ne avbe erha uwa odede kevbe uwa tobọ, uwa ma rẹn. Evba wa gha na ya gha gho avbe ẹbọ ọvbehe ke avan ke asọn, I i ra vbe tohan uwa hiehiere.’ ”

Jerimaia 2:12

Ọ re I na wẹ ne iso mu rueghe ọghe ugborrirri ne ọ yan iran unuan, ne afianma fian iran,

Jerimaia 22:29

Wẹ ne otọ, otọ, otọ! Danmwehọ vbene Nọyaẹnmwa kha hẹ.

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 6:19

Otọ agbọn, danmwehọ! Zẹ vbe emwi ne I ra ya rria iran ikhi ye uma ne iran si, I ra gie ọkhọ rruan iran na, rhunmwuda, iran he iruemwi mwẹ yotọ, iran ma vbe ya ẹmwẹ mwẹ ru emwi.

Ezikiẹl 33:28

I gha ye avbe okpẹvbo khian otọe ne ọ gbe ẹvbi. Ẹtin ne iran te ya ghagha nii gha sẹ ufomwẹ. Avbe oke ni rre Izrẹl gha khian ẹgbo sẹ vberriọ wẹ a i miẹn ọmwa ne ọ gha sẹtin khian la ẹe gberra.

Ezikiẹl 36:4

Rhunmwuda ọnii, wa ne oke nekhua kevbe negiẹrẹ, wa danmwehọ ẹmwẹ ne imẹ ne Nọyaẹnmwa ne Udazi tama uwa, kevbe uwa ne ivbi ẹzẹ kevbe iya, kevbe uwa ne ehe ne a ya khian itowa hia, kevbe uwa ne ore ẹvbo ne a lẹẹ sẹrae, ne a fu ẹre emwi hẹ, avbe ẹvbo ni yin lẹga ẹre na vbe yae gha gbogiẹ.

Levitikọs 18:28

Odẹ vberriọ ọre otọe nii i ra na zẹ uwa owẹ, zẹ vbe ne ọ zẹ iran owẹ avbe eni ga ẹbọ ni ka gha rre evba khẹ uwa.

Maika 1:2

Wa danmwehọ ẹmwẹ na, wa ne uhunmwu ẹvbo hia, wa danmwehọ, wa hia ni rre agbọn na! E Nọyaẹnmwa ne Udazi gha sẹ osẹe gbe uwa. Danmwehọ. Ọgua Osa ẹre vbe ẹrinmwi ọ re ọ ke guan rre.

Maika 6:2

Wa ne avbe oke nekhua, wa ne avbe ẹyotọ etẹbitẹ agbọn na, wa danmwehọ ẹzọ ne Nọyaẹnmwa gui! E Nọyaẹnmwa mwẹ ẹzọ ne ọ gu emwa rẹn gui. Ọ ra ba Izrẹl ifi ẹzọ.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Diuteronomi 11:17

Wa gha ru vberriọ, e Nọyaẹnmwa gha mu ohu uwa. Ẹ i ghi gie amẹ rhọ ye otọ uwa, otọe uwa ghi do ka gbe, emwiokọ i ghi vbe zọ vbọ. Ẹghẹ nii ẹ i ghi sọn wa wulo vbe otọ esiesi nii ne ọ ra mu ne uwa.

Diuteronomi 28:20

“Wa gha ru emwi dan, wa na he e Nọyaẹnmwa ye otọ, rẹn gha gie ọkhọ rruan uwa kevbe otighi kevbe orueghe vbe emwi ne uwa ru hia, a te do miẹn wẹ te a ghi fuẹn uwa a fo fẹẹrẹ ẹgiẹgiẹ.

Diuteronomi 28:22

E Nọyaẹnmwa ghi tue emianmwẹ ne ọ ke egbe ẹmwẹ ọkpa la egbe ọmwa ọvbehe ku uwa kevbe egbe ne ọ hinmwian kevbe ọnii, ọ gha ru ẹe ne amẹ ghẹ rhọ ọ ka uwa hia ghi so hie kevbe irhunrhun, ne ọ ya ẹe fuẹn emwiokọ uwa hia a. Ọfuan na ghi gu uwa gha rrọọ wa te ya wulo.

Diuteronomi 28:45

“Ọkhọ na hia ọ ra rruan uwa, iran ghi gha rre ehe ne uwa ye wa te do gbe ẹro, rhunmwuda wa ma họn ẹmwẹ e Nọyaẹnmwa Osanobua rua ne uwa gha ya uhi ne ọ viọ ne uwa hia ru emwi.

Diuteronomi 28:61

Ọ ghi vbe gie emianmwẹ ughughan hia kevbe egboghogbogho ne a ma sunu yi vbe ebe uhi na, ke emwi ne Osanobua ma emwa re, gie uwa, a ghi fuẹn uwa ua.

Diuteronomi 29:28

Ohu keghi kakabọ mu e Nọyaẹnmwa, vbe uwu ohu ẹre nii, ọ keghi kpọlọ iran hin otọe iran rre, ọ na filo iran ku ẹvbo ẹrrẹe, evba iran ghi ye ẹrẹna.’

Diuteronomi 31:28

Si avbe ọkaolotu kevbe ekamakodin ni rre avbe ẹwae rua koko ye odaro mwẹ, ne I miẹn ehe na ta avbe ẹmwẹ na ma iran. I gha tie ẹrinmwi kevbe agbọn ne iran do sẹ osẹe ghe iran.

Diuteronomi 32:1

“Otọe kevbe iso, wa họn ẹmwẹ mwẹ, gbe ehọ ke otọ danmwehọ ẹmwẹ ne I ta e.

Diuteronomi 7:4

Rhunmwuda, iran gha ya ivbi uwa de odẹ hin ehe ne Nọyaẹnmwa ye rre, iran gha ya iran gha gho ẹbọ ọvbehe, ẹghẹ nii, e Nọyaẹnmwa ghi mu ohu uwa, ọ ghi fuẹn uwa a ọwarọkpa nii.

Diuteronomi 8:19

Wa ghẹ ya mu aro da ẹbọ ọvbehe gha gho, ra ne uwa gha ga iran vbene uwa na mianmian e Nọyaẹnmwa Osanobua rua. Wa gha danmwẹ ọẹn, ne I tama uwa ẹrẹna wẹ ta a ra fuẹn uwa a.

Diuteronomi 8:20

Deghẹ wa ma họn ẹmwẹ ne Nọyaẹnmwa, te a ra vbe fuẹn uwa a, zẹ vbe avbe okpẹvbo ni ne a ra fuan zẹ vbene uwa ya nana ghe odaro na.

Jọsua 23:16

Sokpan, a deghẹ wa ma rhie uhi nii ne Nọyaẹnmwa Osanobua rhie ne uwa mwẹ, a deghẹ wa ya gha gho avbe ẹbọ ọvbehe, wa na gha ya uhunmwu rhanmwẹ otọ ne iran, ọ gha rri uwa oya, a te miẹn wẹ ọkpa ma ghi kẹe vbe uwu uwa vbe otọe esiesi na ne ọ mu ne uwa.”

Jọsua 24:20

Deghẹ wa fi iyeke gbe e Nọyaẹnmwa, wa na ya gha gho avbe ẹbọ ọvbehe, ọ gha mu aro da uwa, ọ ghi rri uwa oya. ọ gha fuẹn uwa a, a gha rhe miẹn wẹ ọ ka gha maa ne uwa de yi.”