Diuteronomi 4:25 - Edo Bible (E Baibol Ẹdo) Version 1996

²⁵ “A gha miẹn ighẹ ọ kpẹre ne uwa ghi sẹ otọ nii, ighẹ wa ghi na biẹlẹ emọ iwu ke eyẹ, wa ghẹ ya ma amazẹ emwikemwi hiehiere ne uwa ghẹ ya rukhọ. Emwi dan ọna khin vbe aro e Nọyaẹnmwa, ọ gha ya ẹe mu ohu.

Diuteronomi 4:25 ပူးပေါင်းရင်းမြစ်များ

II Ọba 21:2

Rẹn keghi lele uviẹn uyinmwẹ ohọhọ ọghe avbe emwa ẹvbo ne Nọyaẹnmwa khulo ladian vbe emwa e Nọyaẹnmwa dee, e Manasẹ na de iyi e Nọyaẹnmwa.

Psalm 78:58

Iran ya ehe ne iran na ga ẹbọ ya ohu muẹn iran keghi vbe ya amazẹ iran rhia ẹre ẹko rua.

Ẹksọdọs 20:4

“Ohan i gie uwẹ ka ukhurhẹ ne egbe ruẹ ra ama emwi ne a yi nii rre ẹrinmwi ra ne ọ rre uwu amẹ vbe otọ.

Ẹksọdọs 32:7

E Nọyaẹnmwa keghi tama e Mosis wẹẹ, “Zẹgiẹ tuorre, rhunmwuda avbe emwa ruẹn ne u viọ ke Igipt gha dee fa egbe ua nẹ, iran he mwẹ ye otọ.

Ezikiẹl 8:10

I keghi gele la uwu ẹre ya ghe ẹre. Iran keghi gbẹnnẹ ama avbe ẹyẹn kevbe avbe aranmwẹ ni ma huan ọvbehe hia gba egbekẹn ọnrẹn, do deba avbe emwi ọvbehe hia ne Izrẹl gha gho.

Hozia 9:17

E Nọyaẹnmwa ne imẹ ga gha he avbe emwa rẹn yotọ, rhunmwuda iran ma danmwehọ ẹre, iran gha khian emwa ni ghi ghogho yo ghogho rre vbe ẹvbo ọvbehe.

Hozia 9:9

Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

Diuteronomi 16:22

Wa ghẹ vbe kẹ orre iruẹbọ, te iran sọnnọ e Nọyaẹnmwa.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Diuteronomi 28:45

“Ọkhọ na hia ọ ra rruan uwa, iran ghi gha rre ehe ne uwa ye wa te do gbe ẹro, rhunmwuda wa ma họn ẹmwẹ e Nọyaẹnmwa Osanobua rua ne uwa gha ya uhi ne ọ viọ ne uwa hia ru emwi.

Diuteronomi 28:61

Ọ ghi vbe gie emianmwẹ ughughan hia kevbe egboghogbogho ne a ma sunu yi vbe ebe uhi na, ke emwi ne Osanobua ma emwa re, gie uwa, a ghi fuẹn uwa ua.

Diuteronomi 30:18

Te I ta ẹe ma uwa ye otọ nian wẹ te uwa khian fuan. Wa i tọ vbe otọe nii ne ọ rre iyeke Jọdan ne uwa ra ya yin na.

Diuteronomi 30:19

Te I tama uwa nian ne uwa zẹ vbọ, adeghẹ ẹfe nọ ra uwu, a deghẹ afiangbe Osanobua nọ ra ihẹn. I kevbe tie agbọn vbe ẹrinmwi ne iran sẹ osẹe ye ne uwa zẹe vbọ. Wa zẹ ẹfe.

Diuteronomi 31:29

I rẹnrẹn wẹ I gha wu ne, iran ghi do khian emwa dan, iran ghi mu emwi ne I ma iran ẹre fua. Vbe ẹdẹ ne ọ dee, ọkhọ gha rruan iran rhunmwuda, iran ya ohu mu e Nọyaẹnmwa, vbe ne iran na ya gha ru emwi ne ọ tama iran ighẹ a wua.”

Diuteronomi 32:5

Sokpan wa i re emwata, wa ma kei ye emwa ẹnrẹn ẹvbo orukhọ kevbe ne ọ vuọn ne erẹrẹ.

Diuteronomi 4:16

wẹ wa ma ru orukhọ vbe ekpa ne uwa gha na ya gha ma amazẹ emwikemwi, ọre okpia nọ ra okhuo,

Diuteronomi 4:23

Wa ghi da ẹe yi ighẹ uhi ẹre, wa ghẹ ma amazẹ rhọkpa ne egbe uwa.

Jọsua 23:16

Sokpan, a deghẹ wa ma rhie uhi nii ne Nọyaẹnmwa Osanobua rhie ne uwa mwẹ, a deghẹ wa ya gha gho avbe ẹbọ ọvbehe, wa na gha ya uhunmwu rhanmwẹ otọ ne iran, ọ gha rri uwa oya, a te miẹn wẹ ọkpa ma ghi kẹe vbe uwu uwa vbe otọe esiesi na ne ọ mu ne uwa.”

Jọsua 24:20

Deghẹ wa fi iyeke gbe e Nọyaẹnmwa, wa na ya gha gho avbe ẹbọ ọvbehe, ọ gha mu aro da uwa, ọ ghi rri uwa oya. ọ gha fuẹn uwa a, a gha rhe miẹn wẹ ọ ka gha maa ne uwa de yi.”