Diuteronomi 4:15 - Edo Bible (E Baibol Ẹdo) Version 1996

¹⁵ “Ẹghẹ ne Nọyaẹnmwa na gu uwa guan vbe erhẹn Oke Sainai, wa ma bẹghe ama emwi rhọkpa, rhunmwuda ọnii nian, ne ọ miẹn ehe na fu uwa egbe, wa gia miẹn.

Diuteronomi 4:15 ပူးပေါင်းရင်းမြစ်များ

I Ọba 19:12

Igbohiotọ ghi vbe fo nẹ, erhẹn keghi suẹn. Sokpan e Nọyaẹnmwa ma vbe gha rre uwu erhẹn nii. Vbe iyeke erhẹn nii, ovbi urhu ne rọkhọọ na guan ladian.

Psalm 119:9

Vbe igbama gha ya sẹtin ya uyimwẹ ọnrẹn khian nọgbae hẹ? Vbekpa ne ọ na ya uhi ruẹ ru emwi.

Ẹksọdọs 19:1

Ivbi Izrẹl keghi kpao vbe Rẹfidim rre, vbe ikpẹdẹ ne okaro ọghe uki ne ogieha ne ivbi Izrẹl kpao vbe Igipt rre, iran keghi do sẹ ato ọghe Sainai. Iran na bu agọ ye ototọ oke Sainai.

Ẹksọdọs 20:4

“Ohan i gie uwẹ ka ukhurhẹ ne egbe ruẹ ra ama emwi ne a yi nii rre ẹrinmwi ra ne ọ rre uwu amẹ vbe otọ.

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Itan 4:27

Gha lẹ ne emwi dan, ne u vbe gha la odẹ ọwara khian. Ghe zẹ ukpowẹ okpa hin urodẹ rre.

Aizaia 40:18

De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Jerimaia 17:21

Tama iran wẹ deghẹ ohan egbe iran to iran, ne iran ghẹ mu ihẹ vbe Ẹdẹ Ikẹtin, iran ghẹ vbe mu emwikemwi la onurho e Jerusalẹm la owa.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

Diuteronomi 10:4

E Nọyaẹnmwa keghi vbe gbẹnnẹ emwi ne ọ ka gbẹnnẹ ye ne okaro yọ, ọnii nọ wẹ avbe uhi igbigbe ne ọ viọ ne uwa ẹghẹ ne ọ na ke uwu erhẹn gha guan rre vbe uwa si egbe koko ye ọkpẹn oke. E Nọyaẹnmwa keghi viọ avbe uhanhan nii mẹ.

Diuteronomi 4:12

Wa tama iran vbene Nọyaẹnmwa gha ke uwu erhẹn nii gu uwa guan hẹ, sokpan vbe ne uwa ma na bẹghe akpa ẹre hiehiere.

Diuteronomi 4:14

E Nọyaẹnmwa tama mwẹ wẹ ne I ma uwa uhi hia ne uwa gha ya gha ru emwi vbe otọe nii ne uwa ra gu khọn ne uwa vbe yin ẹnrẹn.

Diuteronomi 4:23

Wa ghi da ẹe yi ighẹ uhi ẹre, wa ghẹ ma amazẹ rhọkpa ne egbe uwa.

Diuteronomi 4:36

Ọ gie uwa họn urhu ẹre ke ẹrinmwi rre, ne ọ miẹn ehe na ma uwa emwi vbe agbọn na, ọ gie uwa bẹghe erhẹn ọnrẹn ne ọ huanrẹn, ọ na ke uwu ẹre gha gu uwa guan.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 5:4

E Nọyaẹnmwa keghi gu uwa guan ke uwu erhẹn ni rre, vbe ghe aro mwẹ ghe aro uẹ.

Diuteronomi 5:8

“ ‘Ghẹ ma amazẹ emwikemwi ni rre iso ra ni rre otọ ne egbe ruẹ ra ọghe ni rre amẹ ni rre ototọ otọe.

Diuteronomi 9:10

Ẹre Nọyaẹnmwa na viọ uhanhan okuta eveva nii mẹ. Ọ keghi ye obọ ẹre gbẹnnẹ avbe ẹmwẹ ne ọ tama uwa ke uwu erhẹn rre vbe ẹdẹ ne uwa si koko ye ọkpẹn oke nii.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Jọsua 23:11

Wa gia wa miẹn khekherriọ ighẹ wa ho ẹmwẹ e Nọyaẹnmwa Osanobua rua.