Diuteronomi 4:13 - Edo Bible (E Baibol Ẹdo) Version 1996

¹³ Ọ tama uwa emwi ne uwa gha ru ne uwa na rhie ẹre mwẹ ighẹ ile ne ọ gu uwa ta; wa ghi vbe gha ya uhi ẹre igbigbe ne ọ gbẹnnẹ ye uhanhan okuta eva ne uwa, ru emwi.

Diuteronomi 4:13 ပူးပေါင်းရင်းမြစ်များ

I Ọba 8:9

Te a wa ke ehe ne a mudia yi vbe ugha nọkhua bẹghe ẹre vbe odaro Ehe Ne ọ Huan Sẹẹ Ehia sokpan, a i ke ore bẹghe ẹre. Emwi ọvbehe i rre Ẹkpẹti Ile nii gberra uhanhan okuta ne a gbẹn eveva ne Mosis viọ yọ vbe Oke Sainai, ehe ne Nọyaẹnmwa na gu ivbi Izrẹl ta ile vbe iran ke Igipt dee.

Psalm 119:4

Nọyaẹnmwa, wẹ rhie uhi ruẹ ne ima nẹ, u na wẹ ne ima gha ya ẹe ru emwi ekhọe kekhọe.

Ẹksọdọs 19:5

A deghẹ wa gha họn ẹmwẹ mwẹ, wa na vbe rhie uhi mwẹ mwẹ, wa ghi do gha re emwa obọ mwẹ. Mẹ ọre ọ yan agbọn na hia, sokpan wa ghi gha re emwa ne I hannọ zẹ.

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 34:1

E Nọyaẹnmwa keghi tama e Mosis wẹẹ, “Ka Uhanhan okuta eva ni ye vbe nokaro nii, I gha vbe gbẹnnẹ avbe ẹmwẹ ni rre avbe uhanhan ne okaro ne u guọghọ ua yọ.

Ẹksọdọs 34:28

E Mosis keghi gu e Nọyaẹnmwa gha rre evba vbe asọn iyeva kevbe avan iyeva vbe ne ọ ma na re ọ ma da. Ọ keghi gbẹnnẹ avbe ẹmwẹ ile nii ye avbe uhanhan nii, ọnii nọ wẹ uhi igbe.

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

II Kọrinti 3:7

Te a gbẹnnẹ uhi na ye avbe uhanhan okuta, uyi Osanobua keghi rhie egbe maa vbe ẹghẹ ne a na rhie ẹre ne ọmwa. A gha rhe miẹn wẹ ọ do fafaa, awanwan ne ọ gha rre ugbaro e Mosis, keghi wo vbe egbe sẹrriọ wẹ ivbi Izrẹl ma sẹtin tọn aro yo. A deghẹ uhi ne a rẹnrẹn wẹ uwu ọre ọ si rre, ladian ke irẹn kevbe uyi ne ọ sẹ vberriọ,

Diuteronomi 4:12

Wa tama iran vbene Nọyaẹnmwa gha ke uwu erhẹn nii gu uwa guan hẹ, sokpan vbe ne uwa ma na bẹghe akpa ẹre hiehiere.

Diuteronomi 4:14

E Nọyaẹnmwa tama mwẹ wẹ ne I ma uwa uhi hia ne uwa gha ya gha ru emwi vbe otọe nii ne uwa ra gu khọn ne uwa vbe yin ẹnrẹn.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.