Diuteronomi 4:12 - Edo Bible (E Baibol Ẹdo) Version 1996

¹² Wa tama iran vbene Nọyaẹnmwa gha ke uwu erhẹn nii gu uwa guan hẹ, sokpan vbe ne uwa ma na bẹghe akpa ẹre hiehiere.

Diuteronomi 4:12 ပူးပေါင်းရင်းမြစ်များ

Ẹksọdọs 19:9

E Nọyaẹnmwa keghi tama e Mosis wẹẹ, “I gha la uwu okuku ne ọ mwẹ imi bu ruẹ rre, ne emwa nii miẹn ehe na họn vbe I guẹ guan ne iran gha rhie ẹmwẹ ruẹn kevbe ẹghẹ na kpao.”

Ẹksọdọs 20:22

E Nọyaẹnmwa keghi tama e Mosis wẹ ne ọ tama ivbi Izrẹl wẹẹ: “Wa miẹn wẹ I gu uwa guan ke ẹrinmwi rre.

Aizaia 30:21

Wa gha bibi odẹ la obọ erha ọmwa ra obọ iye ọmwa, wa gha họn vbe urhu ẹre a gha tama uwa vbe odieke wẹẹ, “Wa ghe odẹ, wa lelẹe.”

Aizaia 40:18

De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Aizaia 40:3

Urhu ọkpa datu wẹẹ, “Wa gbẹn odẹ ye otọ khẹ e Nọyaẹnmwa vbe uwu oha! Wa gbẹn odẹ yotọ vbe uwu oha ne Osanobua mwa.

Aizaia 40:6

Urhu ọkpa keghi tu ladian wẹẹ, “Ya tama iran!” Mẹ keghi nọ wẹẹ, “De emwi ne I ra tama iran yi?” “Tama iran wẹ te emwa nagbọn hia ye vbe irunmwu; iran i vbe tọ sẹ obobo oha.

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Matiu 3:3

E Jọn na ọre Aizaia ne akhasẹ ta ẹmwẹ ọnrẹn wẹẹ, “Arhunmwu ọkpa gha vannọ vbe uwu ato: Wa zodẹ yotọ khẹ Nọyaẹnmwa, wa zodẹ ne ọ diae nẹẹn la.”

Diuteronomi 10:4

E Nọyaẹnmwa keghi vbe gbẹnnẹ emwi ne ọ ka gbẹnnẹ ye ne okaro yọ, ọnii nọ wẹ avbe uhi igbigbe ne ọ viọ ne uwa ẹghẹ ne ọ na ke uwu erhẹn gha guan rre vbe uwa si egbe koko ye ọkpẹn oke. E Nọyaẹnmwa keghi viọ avbe uhanhan nii mẹ.

Diuteronomi 4:11

Wa tama ivbi uwa vbene uwa do mudia ye ototọ oke nii ne okuku ne ọ mwẹ imi ọghe ighogho nekhui gue mu otọ, ọ na vbe gha kpannọ erhẹn sẹ iso.

Diuteronomi 4:13

Ọ tama uwa emwi ne uwa gha ru ne uwa na rhie ẹre mwẹ ighẹ ile ne ọ gu uwa ta; wa ghi vbe gha ya uhi ẹre igbigbe ne ọ gbẹnnẹ ye uhanhan okuta eva ne uwa, ru emwi.

Diuteronomi 4:15

“Ẹghẹ ne Nọyaẹnmwa na gu uwa guan vbe erhẹn Oke Sainai, wa ma bẹghe ama emwi rhọkpa, rhunmwuda ọnii nian, ne ọ miẹn ehe na fu uwa egbe, wa gia miẹn.

Diuteronomi 4:33

A he miẹn emwa ni ye gha rre agbọn vbe iran họn vbe Osanobua guan gie iran ke uwu erhẹn rre ra zẹ vbe ne uwa ye?

Diuteronomi 4:36

Ọ gie uwa họn urhu ẹre ke ẹrinmwi rre, ne ọ miẹn ehe na ma uwa emwi vbe agbọn na, ọ gie uwa bẹghe erhẹn ọnrẹn ne ọ huanrẹn, ọ na ke uwu ẹre gha gu uwa guan.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Diuteronomi 5:4

E Nọyaẹnmwa keghi gu uwa guan ke uwu erhẹn ni rre, vbe ghe aro mwẹ ghe aro uẹ.

Diuteronomi 9:10

Ẹre Nọyaẹnmwa na viọ uhanhan okuta eveva nii mẹ. Ọ keghi ye obọ ẹre gbẹnnẹ avbe ẹmwẹ ne ọ tama uwa ke uwu erhẹn rre vbe ẹdẹ ne uwa si koko ye ọkpẹn oke nii.

Kọlose 1:15

Kristi ọrọre emwi ne ọ khọe ne a bẹghe ọghe Osanobua ne a i bẹghe, rẹn ọrọre Ọmọdiọn ọghọe ne ọ kpọlọ sẹ emwi ne a yi hia fẹẹrẹ.

Hibru 12:19

Urhu okpe kevbe owogho uvannọmwẹ. Ugbẹn vbe iran ghi họn urhu nii, iran keghi rinmwian wẹ, ne iran ghẹ ghi dọlegbe họn ifi ẹmwẹ ọkpa sẹẹ ọnii.