Diuteronomi 4:11 - Edo Bible (E Baibol Ẹdo) Version 1996

¹¹ Wa tama ivbi uwa vbene uwa do mudia ye ototọ oke nii ne okuku ne ọ mwẹ imi ọghe ighogho nekhui gue mu otọ, ọ na vbe gha kpannọ erhẹn sẹ iso.

Diuteronomi 4:11 ပူးပေါင်းရင်းမြစ်များ

II Samuẹl 22:10

Ọ guọghọ iso, ọ kevbe tuorre okuku nekhui kegha rre ototọ owẹ ọre.

I Ọba 19:12

Igbohiotọ ghi vbe fo nẹ, erhẹn keghi suẹn. Sokpan e Nọyaẹnmwa ma vbe gha rre uwu erhẹn nii. Vbe iyeke erhẹn nii, ovbi urhu ne rọkhọọ na guan ladian.

Psalm 18:11

Ọ ya ebiebi gue egbe ẹre, ikpakpa iso ne ọ mwẹ imi kevbe ne ọ vuọn ne amẹ, keghi lẹga ẹre.

Psalm 97:2

Okuku kevbe ebiebi lẹga ẹre; ẹmwata kevbe uhunmwu ẹmwẹ ọ re ọ ya khaemwisẹ.

Ẹksọdọs 19:9

E Nọyaẹnmwa keghi tama e Mosis wẹẹ, “I gha la uwu okuku ne ọ mwẹ imi bu ruẹ rre, ne emwa nii miẹn ehe na họn vbe I guẹ guan ne iran gha rhie ẹmwẹ ruẹn kevbe ẹghẹ na kpao.”

Diuteronomi 4:12

Wa tama iran vbene Nọyaẹnmwa gha ke uwu erhẹn nii gu uwa guan hẹ, sokpan vbe ne uwa ma na bẹghe akpa ẹre hiehiere.

Diuteronomi 5:23

“Ugbẹn vbe erhẹn ghi baa vbe uhunmwu oke ni hia, vbe uwa ghi vbe họn urhu nii guan ke uwu ebiebi ni rre, avbe olotu uwa kevbe avbe ekhaẹmwẹ emwa uwa keghi bu mwẹ gha dee.