Diuteronomi 4:10 - Edo Bible (E Baibol Ẹdo) Version 1996

¹⁰ Vbene uwa mudia vbe odaro Nọyaẹnmwa hẹ vbe Oke Sainai, ẹkpo ne ọ na khama mwẹ wẹẹ, ‘Si avbe emwa ni koko. I ho ne iran họn ẹmwẹ ne I ra ta, ne iran miẹn ehe na gha mu ohan mwẹ iran te ya wu, ne iran vbe miẹn ehe na ma ivbi iran re ne iran gha mu ohan mwẹ.’

Diuteronomi 4:10 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Psalm 145:4

A gha tian emwi ne u he ru, ke orre ọkpa ya sẹ ne ọ lele ẹe, iran gha ta ọta iwinna nekhua ruẹ.

Ẹksọdọs 19:1

Ivbi Izrẹl keghi kpao vbe Rẹfidim rre, vbe ikpẹdẹ ne okaro ọghe uki ne ogieha ne ivbi Izrẹl kpao vbe Igipt rre, iran keghi do sẹ ato ọghe Sainai. Iran na bu agọ ye ototọ oke Sainai.

Ẹksọdọs 19:11

vbe ẹdẹ ne irakhuẹ, vbe ẹdẹ ne ẹdẹrriọ, mẹ ne Nọyaẹnmwa gha tuorre vbe uhunmwu oke Sainai ehe ne avbe emwa nii hia gha na bẹghe mwẹ.

Ẹksọdọs 19:16

Vbe owiẹ vbe ikpẹdẹ ne ogieha, avan ne ukhunmwu kevbe ayan kegha wannọ vbe uhunmwu oke, okuku ne ọ mwẹ imi, kevbe urhu okpe ne ọ la ẹsẹse. Emwa ni rre agọ hia kegha guọ zẹzẹzẹ ne ohan.

Ẹksọdọs 19:9

E Nọyaẹnmwa keghi tama e Mosis wẹẹ, “I gha la uwu okuku ne ọ mwẹ imi bu ruẹ rre, ne emwa nii miẹn ehe na họn vbe I guẹ guan ne iran gha rhie ẹmwẹ ruẹn kevbe ẹghẹ na kpao.”

Ẹksọdọs 20:18

Ugbẹn vbe emwa nii ghi họn avan ne ukhunmwu kevbe okpe ni vannọ, vbe iran ghi vbe miẹn ayan kevbe uhunmwu oke ne ọ gbe ighogho, iran kegha guọ zighazigha ne ohan, iran na mudia ye urria gban an.

Ẹksọdọs 20:20

E Mosis keghi tama emwa nii wẹẹ, “Wa ghẹ fian afianma, te Osanobua do danmwẹ uwa kẹkan ne u wa miẹn ehe na gha mu ohan rẹn, ne u wa ghẹ ru oru khọ.”

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Aizaia 38:19

Emwa ni rre agbọn ọ re ọ rho ruẹ, zẹ vbene I rho ruẹ na. Erha emọ tama emọ vbene u maa hẹ.

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Diuteronomi 11:19

Wa ma avbe ivbi uwa ẹre. A ghi gha ta ẹe khian vbe owa, kevbe odẹ, vbe uwa a gha hẹwẹ kevbe uwa a gha winna.

Diuteronomi 12:1

“Banbanna nian, wa danmwẹ ehọ uhi ne uwa ra gha ya ru emwi vbe ẹghẹ ne uwa a rhirhi ya vbe otọe ne Nọyaẹnmwa Osanobua avbe erha uwa odede ra mu ne uwa.

Diuteronomi 14:23

U ghi gha rrie ihe ọkpa nii ne Nọyaẹnmwa zẹe wẹ a gha na gha ga irẹn ne u ya sirra ẹre rrie ọkpa vbe uwu igbe ọghe ọka ruẹ ni kevbe ayọn kevbe ofigbọn ọliv kevbe emọ ọdiọn ọghe ẹmila kevbe ohuan ruẹn. U ghi ru ọna ne u miẹn ehe na ruẹ vbene a mu ohan e Nọyaẹnmwa Osanobua ruẹ hẹ ẹghẹ hia.

Diuteronomi 17:19

Ọ ghi rhie ebe na sikẹ egbe ne ọ gha tie ẹre vbe ẹdẹ agbọn rẹn hia, ne ọ miẹn ehe na ruẹ vbene a ya mu ohan e Nọyaẹnmwa hẹẹ ne ọ vbe ya ẹkoata gha ye uhi ne ọ rrọ ru emwi.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 5:2

E Nọyaẹnmwa Osanobua mwa keghi gu ima ta ile vbe Oke Sainai.

Diuteronomi 5:29

Vbọ rrọọ nian akpawẹ erriọ ekhọe iran ra gha ye ẹdẹ, vbọrrọ akpawẹ iran gha lohan mwẹ ne iran vbe gha rhie uhi mwẹ mwẹ! Ne agbọn miẹn ehe na ma iran kevbe uniẹn ivbi iran ẹdẹdẹmwẹdẹ.

Diuteronomi 6:2

Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.

Diuteronomi 6:7

Ma avbe ivbi uwa ẹre. U ghi gha ta ẹe vbe u a gha rre owa kevbe u a kpa hin owa rre, vbu a gha hẹwẹ kevbe u a gha winna.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Arhie Maan 19:5

Urhu ọkpa keghi ke uwu ẹkete nii ladian wẹẹ, “Wa rho Osanobua mwa, wa ne eguọmwadia ẹre hia kevbe emwa hia, ni kpọlọ kevbe ni kanmwa, wa ni mu ohan rẹn!”

I Samuẹl 12:24

Wa gha mu ohan e Nọyaẹnmwa ne uwa ya ekhọe uwa hia ya ẹko ata ga ẹe. Wa ya emwi nekhua ne ọ ru ne uwa rre.