Diuteronomi 32:9 - Edo Bible (E Baibol Ẹdo) Version 1996

⁹ Sokpan ọ zẹ ivbi e Jekọb zẹ vbe ọghe ọe.

Diuteronomi 32:9 ပူးပေါင်းရင်းမြစ်များ

II Samuẹl 14:16

I roro ẹe wẹ, u gha rhie ehọ mẹ ta yi, ne u fan mwẹ vbe obọ ọmwa ne ọ ho ne ọ gbe mwẹ gbe mwẹ ọmọ, ọ ghi vbe yuolo ima kua hin otọ ne Osanobua mu ne emwa rẹn rre.

II Samuẹl 20:19

Okpẹvbo ọ re ẹvbo ima khin, ọkpa vbe uwu ẹvbo ne ọfumwegbe ye sẹ kevbe ne ọ ye ekhọe ga vbe Izrẹl. Vbọzẹ ne u na ho ne u fuẹn ọnrẹn yi? Te u ho ne u mu emwi ne ọ re ọghe Osanobua rhia ra?”

I Ọba 8:51

Emwa ruẹn iran khin, emwa ne u viọ ke Igipt ladian, vbe uwu ogidi erhẹn nii.

I Ọba 8:53

Wẹ ọ re ọ zẹ iran ke uwu ẹbu emwa hia ladian ne iran gha re emwa ruẹn, zẹ vbene u la unu e Mosis ne ọguọmwadia ruẹ tama iran, vbe ẹghẹ ne u na viọ avbe erha mwa odede ke Igipt ladian.”

Psalm 106:40

Rhunmwuda ọnii Osanobua mu ohu ghe emwa irẹn, ẹmwẹ iran keghi khan irẹn.

Psalm 106:5

Gunmwẹ miẹn ọẹn vbe agbọn a maa emwa ruẹn, ne I vbe ghae vbe ọ yẹnmwẹ ruẹ, vbe ọyẹnmwẹ ne ọre ọghe emwa ruẹn.

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Psalm 28:9

Miẹn emwa ruẹn fan Nọyaẹnmwa ne u vbe fiangbe emwa ni re ọwuẹ. Gha re ọsuohuan iran, ne u vbe gha gbearoghe iran ẹdẹdẹmwẹdẹ.

Psalm 33:12

Afiangbe ọrọre ọghe uhunmwu ẹvbo ne Nọyaẹnmwa re Osanobua ẹre. Afiangbe ọrọre ọghe emwa ne irẹn zẹ ya ru ọghọe.

Psalm 74:2

Ye avbe emwa ruẹn rre, ne u tobọ zẹ ne egbe ruẹ, ke ẹghẹ ne ọ kpẹre gha dee, emwa ne uwẹ viọ ke uwu ọviẹn ladian ne iran do gha re ẹwae ruẹ. Ye Oke Zaiọn rre ehe ne uwẹ ka dia yi.

Psalm 78:71

Ehe ne ọ na su avbe ohuan rẹn, ọ ke ya ẹe rri ọba Izrẹl. Ọmwa ne ọ su ohuan emwa Osanobua.

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Aizaia 19:25

E Nọyaẹnmwa ne Oghodua gha fiangbe iran, ọ ghi kha wẹẹ, “I gha fiangbe uwa wa ne Igipt ne emwa mwẹ, wa ne Asiria ne imẹ yii kevbe uwẹ Izrẹl ne emwa ne imẹ hannọ zẹ.”

Aizaia 34:17

E Nọyaẹnmwa ọ re ọ ra tobọ ẹre gha otọe nii ne iran, ọ ghi mu ọghe edọmwadẹ ọghọe ne ẹẹn. Iran ghi gha rre otọe nii ke orre ya sẹ orre, ọ ghi vbe gha re ọghe iran ẹdẹdẹmwẹdẹ.

Aizaia 43:21

Avbe emwa ni yii ne egbe mwẹ iran khin iran gha vbe so ihuan urhomwẹ mwẹ.”

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Jerimaia 51:19

Osanobua Jekọb i ye vbe iran, rẹn ọ re ọmwa ne ọ yii emwi hia, ọ keghi zẹẹ Izrẹl ne iran wa gha re emwa irẹn to bọ irẹn. E Nọyaẹnmwa ne Oghodua ọre a tie ẹre.

Maika 2:5

Rhunmwuda ọnii, ẹghẹ gha ghi sẹ ne a gha ya dọlegbe mu otọe nii ne emwa Nọyaẹnmwa, ẹ i ghi sẹ uwa rhọkpa obọ vbọ.

Zẹkaraia 2:12

E Juda gha dọlegbe do gha re emwiobọ kpataki ọghe Nọyaẹnmwa vbe otọe ọre nọhuanrẹn, e Jerusalẹm gha do gha re okpẹvbo ne irẹn gha ho ẹmwẹ ọnrẹn sẹẹ ehia fẹẹrẹ.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’

Jọsua 24:17

E Nọyaẹnmwa Osanobua mwa ọ re ọ viọ avbe erha mwa kevbe ima ke uwu ọviẹn ladian vbe otọ Igipt, aro ima vbe sẹ iwinna nekhua ne ọ winnaẹn. Ọ keghi viọ ima lẹre hin ẹbe rre vbe ehe ne ima a rhirhi la vbe uwu ẹbu emwa ne ima la ẹvbo ẹre gberra.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.