Diuteronomi 32:7 - Edo Bible (E Baibol Ẹdo) Version 1996

⁷ “Wa ro ọghe nẹdẹ, ọ ghe ẹghẹ ne ọ kpẹe fua, wa nọ erha uwa ne iran tama uwa emwi ne ọ sunu, wa nọ eniwanrẹn ne iran ta ẹghẹ nẹdẹ ma uwa.

Diuteronomi 32:7 ပူးပေါင်းရင်းမြစ်များ

Psalm 10:6

Rẹn ghi tama egbe ẹre wẹẹ, “Mẹ i gbekuẹn ẹdẹ, mẹ i miẹn ọlọghọmwa ẹdẹ.”

Psalm 119:52

I ya ohiẹn ne u buru ẹkpo nẹdẹ rre iran keghi fu mwẹ ẹko rre Nọyaẹnmwa.

Psalm 44:1

Osanobua, ma ye ehọ mwa họn ẹẹn nẹ, avbe erha mwa odede vbe tae ma ima ighe avbe emwi ọyunnuan ne uwẹ ru vbe ẹghẹ iran vbe ẹkpo nẹdẹ.

Psalm 44:2

Vbene u tobọọ khulo avbe nigẹbọ ladian hẹ u na gbe avbe emwa ruẹn ẹkun sotọ ye otọe iran. vbene u rri avbe agbọn ẹvbo nekpa oya hẹ. u na gie agbọn ma iran ne emwa ruẹn.

Psalm 77:8

Te ọ ghi dobọ ne ọ na ho ẹmwẹ mwa yi ra? Te a ghi so eyan ne ọ te yan gọ ra?

Psalm 78:5

Ọ rhie uhi ne ivbi Izrẹl kevbe iyi ne ivbi uniẹn Jekọb ọ ma avbe erha mwa odede ẹre. Wẹ ne iran ma avbe ivbi iran uhi irẹn.

Ẹksọdọs 12:26

Ivbi uwa gha nọ uwa wẹẹ, ‘De emwi ne a ya emwi ukpo na kha?’

Ẹksọdọs 13:14

Ọ gha ghi sẹ ẹghẹ nii, a deghẹ ivbi uẹ ghi nọọn wẹẹ, ‘Vbe a ya ena kha yi?’ U ghi wanniẹn tama rẹn wẹẹ, ‘Ẹtin nọkhua ọre Nọyaẹnmwa ya viọ ima ke otọe Igipt ne ima na gha re eviẹn ladian.

Aizaia 46:9

Wa ye emwi ni sunu vbe ẹghẹ ne Ọ kpee fua rre; wa miẹnkue wẹ mẹ ọkpa ọrọre Osanobua vbene a gha na miẹn wẹ ọmwa ọkpa ne ọ yevbe mwẹ ẹ i rrọọ.

Aizaia 63:11

Sokpan, iran keghi do ye ẹkpo nẹdẹ rre, ẹghẹ e Mosis ne ọguọmwadia e Nọyaẹnmwa, ọ re iran na ghi nọọn wẹẹ, “De ehe ne Nọyaẹnmwa ghi ye yi, ọmwa ne ọ miẹn avbe ọkaolotu emwa irẹn fan vbe obọ okun? De ehe ne Nọyaẹnmwa ghi ye yi ọmwa ne ọ rhie orhiọn irẹn ne Mosis?

Diuteronomi 4:32

“Wa gualọ otọ ẹghẹ ne ọ gberra ghe ẹghẹ ne a ma na he biẹlẹ uwa, wa gha khian ya sẹ ẹghẹ ne Osanobua na yi ọmwa ye agbọn. Wa gualọ otọ agbọn na hia. Emwi ne ọ kpọlọ vbenian he ka sunu de yi ẹdẹ ra! A he miẹn ọmwa ne ọ he họn egbe ẹmwẹ vbenian ẹdẹ ra?

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Giọgis 6:13

E Gidiọn keghi kha wẹẹ, “Enọwanrẹn, gun mwẹ nọ ọta wẹ, adeghẹ e Nọyaẹnmwa gele rrọọ yaba ima, vbọzẹ ne ena hia ghi na rruan ima? Iwinna ọyunnuan hia ne avbe erha ima tama ima wẹ e Nọyaẹnmwa te ru, vbene ọ ya viọ iran ke otọ Igipt ladian hẹ, vbe irẹn a ghi ye? E Nọyaẹnmwa yangbe ima nẹ, ọ na sẹ ima rae ne ivbi e Midian gha ru ima emwi ne ọ rhirhi khọn iran.”