Diuteronomi 32:32 - Edo Bible (E Baibol Ẹdo) Version 1996

³² Eghian iran ni sakan an vbe Sọdom kevbe Gomorra, ye vbe erhan ohọ ne ọ mọ orriara kevbe eruan,

Diuteronomi 32:32 ပူးပေါင်းရင်းမြစ်များ

Job 14:17

U gha yabọ iran, u ghi viọ iran kua, u ghi khiẹn emwi ne I baku ru hia kua.

Aizaia 1:10

E Jerusalẹm te avbe iran ni khaemwisẹ yan ruẹn kevbe avbe emwa ruẹn yevbe ọghe Sọdom kevbe Gomorra. Danmwehọ ẹmwẹ ne Nọyaẹnmwa wa tama ruẹn nian. Rhie ehọ ye emwi ne Osanobua mwa ma ruẹn re na.

Aizaia 5:4

Emwi eso rrọọ ra ne I ma sẹtin ru ne ẹẹn? Vbọ ghi zẹ yi, ne ọ na mọ ọmọ ne ọ kaẹn vbe imẹ rhie aro ye ọmọ ni maa?

Jerimaia 2:21

I kọ uwa zẹ vbe azara ne a ya họn ọghe ọmọ erhan ne ọ maa sẹẹ ehia. Sokpan, ghe emwi ne uwa ghi do khian te uwa ghi yevbe azara ne ọ kẹkẹe, ọ na vbe rhiara.

Jerimaia 23:14

Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Eve Orriara 4:6

A rri avbe emwa mwẹ oya, ne ọ gberra ọghe ivbi e Sọdom, emwa ne Osanobua rrua gbotọ vbe udomwurri.

Matiu 11:24

Ne I guẹ rẹn nian wẹẹ, ọ gha sẹ Ẹdẹ Ibuohiẹn, Osanobua gha tohan Sọdom sẹ ruẹ.”

Diuteronomi 29:18

Wa ghẹ gie a miẹn wẹ, ọ re okpia nọ ra okhuo nọ, ẹgbẹe ra ẹwae ni rre emwa ẹrẹna, fiwerriẹ hin ehe ne Nọyaẹnmwa Osanobua mwa ye rre, ne iran ya gha ga ẹbọ ẹvbo ọvbehe. Te ọnii ra gha yevbe inian ne ọ zọ ladian do khian erhan ne ọ rriara kevbe ne obi ye.

Diuteronomi 32:33

vbe ayọn ne a ya obi ẹyẹn ru.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.