Diuteronomi 32:30 - Edo Bible (E Baibol Ẹdo) Version 1996

³⁰ Vbe orhiọnkpa na sẹtin khọn arriaisẹn hẹ yi? Ne arhin eva kẹkan na khọn arriaisẹn igbe? E Nọyaẹnmwa Osanobua he iran ye otọ nẹ, Osanobua ne Oghodua iran sẹ iran rae nẹ.

Diuteronomi 32:30 ပူးပေါင်းရင်းမြစ်များ

I Ọba 14:16

E Nọyaẹnmwa ghi fi iyeke gbe Izrẹl, rhunmwuda, e Jeroboam ru orukhọ nẹ, ọ kevbe silo ivbi Izrẹl fi uwu orukhọ.”

II Ọba 7:5

Rhunmwuda ọnii ẹdẹ ghi hẹko gue nẹ, iran na gha rrie agọ ivbi e Siria, sokpan, iran ghi sẹ evba, ọmwa rhọkpa i rrọọ.

I Krọnikol 12:14

Eso vbe uwu avbe emwa ni ke uniẹn e Gad rre na kegha re ọkaokuo negiẹrẹ ni gbe aro ghe ivbiyokuo iyisẹn.

II Krọnikol 24:24

Ivbiyokuo e Siria ma gha bun hiehie, sokpan, e Nọyaẹnmwa keghi gie iran khọn miotọ vbe uhunmwu ivbiyokuo ọkhọngborrie ọghe Juda, rhunmwuda ne iran na fi iyeke gbe irẹn ne Nọyaẹnmwa ne Osanobua avbe erha iran odede. Odẹ vberriọ ọ re ọ ya rri e Joas ne ọba oya.

Job 11:10

Deghẹ Osanobua muẹn, ọ na wẹ ne a gui ẹzọ ruẹ, de ọmwa ne ọ gha da ẹre obọ yi yi?

Job 16:11

Osanobua wa si mwẹ fi emwa dan obọ nẹ.

Psalm 31:8

U ma gie obọ eghian mwẹ gba mwẹ. U rhie ẹtin mẹ, ne I khian sẹ ehe ne ọ khọn mwẹ.

Psalm 44:12

U khiẹnnẹ emwa ruẹn ọpuẹkẹ kua vbene a miẹn wẹ ive tunnẹ ọre u tie ye iran uhunmwu.

Aizaia 30:17

Arriaisẹn vbe uwu uwa gha lẹ vbe iran a bẹghe ovbiyokuo avbe eghian ọkpa. Ivbiyokuo isẹn sẹe ne ogha ya uwa hia lẹ kua. Ọkpa ne ọ gha kẹe vbe uwu avbe ivbiyokuo uwa i rrọ gberra ukperhan ọkpa ne a ya tan afiala vbe uhunmwu oke.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Aizaia 52:3

E Nọyaẹnmwa ne Udazi tama emwan rẹn wẹẹ, “Ẹghẹ ne uwa na khian eviẹn, a ma ha osa ye uwa uhunmwu, erriọ vbe nọ ẹghẹ ne a gha na fannọ uwa kua, a i ra vbe ha osa yọ.

Levitikọs 26:7

Wa gha khọn avbe eghian uwa hia muotọ.

Levitikọs 26:8

Isẹn vbe uwu uwa gha sẹtin khọn arhin iyisẹn, iyisẹn gha sẹtin khọn arriaisẹn igbe (10,000).

Matiu 18:25

Ọ ma miẹn igho ya ha osa rhunmwuda ọnii, arowa ẹre na wẹ ne a khiẹn ọẹn khiẹn amwẹ ọnrẹn kevbe ivbi ẹre kevbe emwi hia ne ọ mwẹ ya ha osa ni.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Jọsua 23:10

Ọmwaikọmwa vbe uwu uwa gha sẹtin zẹ arhunmwu arriaisẹn khu rhunmwuda, e Nọyaẹnmwa Osanobua uwa ẹre ọ gbinna ne uwa zẹ vbene ọ yan rẹn.

Giọgis 2:14

Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 3:8

Rhunmwuda ọnii, ohu Izrẹl kegha mu e Nọyaẹnmwa, ọ na gie Kusian Risiatem ne ọba Mẹsopotamia khọn iran miotọ. Iran keghi ya ukpo erẹnrẹn gha rre ototọ asẹ ọre.

I Samuẹl 2:2

“Ọmwa ne ọ huanrẹn vbe Nọyaẹnmwa i rrọọ, ọmwa ne ọ yevbe ọre irrọọ, ugue ne ọ ye vbe Osanobua mwa i rrọọ.