Diuteronomi 32:23 - Edo Bible (E Baibol Ẹdo) Version 1996

²³ “ ‘I gha gie ọkhọ ne ẹ i mwẹ ọfo rruan iran, I ghi filo ifẹnmwẹ mwẹ hia gie iran.

Diuteronomi 32:23 ပူးပေါင်းရင်းမြစ်များ

II Samuẹl 22:15

Ọ fi ifẹnmwẹ, ọ keghi zagha eghian rẹn kua, ọ na ye awanwan ayan zẹ ulẹ ye iran egbe.

II Ọba 22:17

Iran fi iyeke gbe mwẹ, iran keghi ya gha zọ ese ghe avbe ẹbọ ọvbehe, iran keghi rhunmwuda ọnii ya emwi ne iran ru hia gha ya ohu mu mwẹ. Ohu e Jerusalẹm mu mwẹ nẹ, ẹ i ghi dọyọ.

Psalm 18:14

Ọ fi ifẹnmwẹ ọnrẹn, ọ keghi zagha avbe eghian rẹn kua, ọ na ye awanwan ayan zẹ iran khu.

Psalm 45:5

Ifẹnmwẹ ruẹn wa mu, iran ha ẹkoko udu eghian ruẹn gberra avbe agbọn ẹvbo ghigha dele ye owẹ ruẹ.

Psalm 7:14

Ghe vbene emwa dan zẹ iro dan hẹ: Iran ghi gha khuẹn ifi ọlọghọmwa, iran ghi gha do ẹki erẹrẹ.

Aizaia 26:15

Nọyaẹnmwa, wẹ ya ẹvbo mwa vuọn yọ, ọ na gha rhie ba egbe vbe igienenẹ ọ na keghi rhie uyi gie uwẹ.

Eve Orriara 3:13

Ọ fi ifẹnmwẹ ọnrẹn dinmwi la mwẹ uwu egbe.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Ezikiẹl 5:16

I gha dobọ evbare ne ọ rrie ehe ne uwa ye yi ne ohanmwẹ miẹn ehe na gbe uwa. Wa gha miẹn obalọ ohanmwẹ nii zẹ vbe ọghe ifẹnmwẹ ni mu ne a ya salọ uwa, ne ọ gbele uwa a.

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Diuteronomi 28:15

“Sokpan, a deghẹ uwa ma họn ẹmwẹ e Nọyaẹnmwa Osanobua uwa ne uwa vbe ya ẹkoata rhie uhi ẹre hia ne imẹ rhie ne uwa ẹrẹna mwẹ, avbe emwi dan na hia gha sunu vbe egbe uwa.

Diuteronomi 29:21

E Nọyaẹnmwa ghi ya ẹe ru igiemwi vbe odaro ivbi Izrẹl hia, ọ ghi zẹ ọkhọ rruan rẹn zẹ vbe avbe ihẹn ọghe ile ne a gbẹnnẹ ye uwu ebe ọghe imaemwi e Nọyaẹnmwa.

Diuteronomi 32:42

Esagiẹn iran gha ke ifẹnmwẹ mwẹ lẹ ye otọ, umozo mwẹ gha gbele iran hia ighẹ iran ni gbe odan ghe mwẹ, mẹ i ra fan emwa ni gun mwẹ gbinna fua. Uhin ighẹ iran ni miẹn ikuanegbe kevbe eseghan gha wulo.’