Diuteronomi 32:16 - Edo Bible (E Baibol Ẹdo) Version 1996

¹⁶ Iran ya ẹbọ ne iran gho ya e Nọyaẹnmwa gha ruẹe, emwi dan ne iran ru keghi ya ẹe mu ohu.

Diuteronomi 32:16 ပူးပေါင်းရင်းမြစ်များ

I Ọba 14:22

Ivbi e Juda keghi rukhọ ghe Nọyaẹnmwa, iran keghi ru emwi ne ọ gha gu izohu ẹre kpao ẹsẹse sẹ avbe erha iran odede.

I Ọba 14:9

Orukhọ ne u he ru sẹ ọghe iran hia ni ka gha rriọba khẹ ruẹ ẹsẹse. U fi iyeke gbe mwẹ nẹ, u keghi gua izohu mwẹ kpao vbekpa ne u na gha mannọ amazẹ, u na dunmwu ẹbọ ematọn ne u miẹn gha gho.

II Ọba 17:11

Iran kegha giẹn eturari vbe uhunmwu avbe aka iran ni ga ẹbọ hia, zẹ vbene avbe emwa ne Nọyaẹnmwa khulo hin otọe nii rre vbe gha ru. Iran keghi ya uyinmwẹ dan ne iran yin hia ya ohu mu e Nọyaẹnmwa,

II Ọba 17:17

Iran keghi ya ivbi iran ne ikpia kevbe ne ikhuo gha zọ ese ne a giẹn uan ne ẹbọ iran ne ni ga ẹbọ, iran keghi ya gha bọ vbe ọghe ọbiro kevbe ọfiakpẹlẹ, iran keghi mu egbe iran yọ wẹ emwi pe ọ ma gba iran khian gha ru vbe odaro e Nọyaẹnmwa, rhunmwuda ọnii, iran keghi ya ẹe mu ohu.

II Ọba 21:6

Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.

II Ọba 23:13

E Josaia kevbe rhia rua ighẹ avbe Ogiukpo ne Solomọn mannọẹn ye odẹ ahọ e Jerusalẹm, vbe odẹ ekẹn oke oliv, evba iran na te gho avbe ẹbọ ni zughu ọmwa ẹko nii hia, avbe Astat ne ẹbọ ne okhuo e Saidọn, e Kemọs ne ẹbọ e Moab deba Milkọm ẹbọ Amọn.

Psalm 106:29

Iran keghi ya uyinmwẹ iran na, gu izohu Osanobua kpao, emianmwẹ dan keghi la uwu ẹbu iran.

Psalm 78:58

Iran ya ehe ne iran na ga ẹbọ ya ohu muẹn iran keghi vbe ya amazẹ iran rhia ẹre ẹko rua.

Aizaia 43:12

I ta emwi ne ọ gha he sunu yotọ, I na gha dee do yi uwa obọ. Ẹbọ ne a gho ọghe avbe orhunmwuyẹn, ọkpa i he rrọọ ne ọ he ru ọna wa ọrọre osẹe mwẹ.

Jerimaia 2:11

Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.

Jerimaia 2:25

Izrẹl, ghẹ wiẹn owẹ uwa a ra ne ẹho uwa vbe kaka ne uwa ya khọn lele ẹbọ ọvbehe khian. Sokpan, wa ghi kha wẹẹ, ‘Ẹn o, I i sẹtin werriegbe. Avbe ẹbọ ẹrrẹe la mwẹ aro nẹ, te I ra lele iran.’ ”

Jerimaia 7:18

Avbe ibiẹka ghi ya ho erhan rre, avbe ikpia ni wan nẹ ghi hie erhẹn, avbe ikhuo ni rrọ ghi gbe irhuarhua ne iran ya fian eka ne ẹbọ ne iran tie ẹre Oloi Ẹrinmwi, iran ghi vbe sa ayọn ne avbe ẹbọ ọvbehe, ne iran miẹn ehe na ya mwẹ mu ohu.

Jerimaia 8:19

Wa danmwehọ! I họẹn vbe emwa mwẹ wa go vbe otọe na hia. I họn vbe emwa mwẹ wa go ladian wẹẹ, “E Nọyaẹnmwa i ghi rre Zaiọn ra? Ọba e Zaiọn I ghi rre evba ra?” E Nọyaẹnmwa ne ọba keghi wanniẹn wẹẹ, “Vbọzẹ ne uwa na ye ohu mu mwẹ rhunmwuda ẹbọ uwa ne uwa ga? Kevbe ne uwa na ya uhunmwu rhanmwẹ otọ ne ẹbọ ẹrrẹe ne ẹ i mwẹ esa.”

Ezikiẹl 8:3

Ọ ke ghi niẹn emwi ne ọ yevbe obọ ladian, ọ na mu mwẹ eto. Vbe umian na, orhiọn Osanobua keghi tọn mwẹ mu ghe odukhunmwu ẹsẹse, ọ na mu mwẹ gha rrie Jerusalẹm. Ọ keghi rhie mwẹ gha rrie onurho ne ọ ke uwu ẹre vbe obọ ne ọ laghe odẹ ahọ vbe Ọgua Osa, ehe ne ẹbọ okpa ne ọ wa mu Osanobua ohu ye.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

Diuteronomi 32:21

Emwa na ye amazẹ iran ye ohu mu mwẹ ẹbọ ohoghe iran na ya mwẹ gha ruẹ. I gha ye ẹvbo akpa ye iran mu ohu, I ghi ye ẹvbo ne ẹ i mwẹ esa ya iran gha ruẹ.

Diuteronomi 5:9

Ghẹ ya uhunmwu rhanmwẹ otọ ne amazẹ rhọkpa ra ne u vbe ga iran, rhunmwuda mẹ ọ re Nọyaẹnmwa Osanobua ruẹ, a i gun mwẹ mwa ẹrrẹe. I rri iran ni khuiwu mwẹ oya kevbe ivbi iran ya sẹ orre ne ogieha kevbe ne ogienẹ.

Diuteronomi 7:25

Giẹn avbe amazẹ iran an. Ghẹ gie esiliva ra igoru ni rre iran egbe viẹn ye uwa aro, wa ghẹ vbe viọ iran ya khiẹn ọwua. Wa gha ru vberriọ, uwu ọ re ọ ke ẹre ikian rhunmwuda ẹbọ na gho wa sọnnọ e Nọyaẹnmwa.